رايكم يهمني احبتي في علاجي

[Um rayyan]

السلام عليكم ورحمة الله وبركاتة*

اخواني واخواتي اعضاء المنتدى ..
في البداية احب اعتذر منكم لان موضوعي اكيد مكرر وكثير اعضاء كتبت مثلة ..*
بس حبيت اكتبها عشان يكون موضوع خاص لحالتي واحس بردودكم موجهة لي ومنها اتشجع والقى دعمكم .. لان محد في الكون كلة راح يشعر فيني الا انتو مهما كان قريب مني ..

وهذي اول مشاركة لي .. بس انا متابعتكم اكثر من سنة ..*


ع العموم ..*

انا مصابة بالصدفية من 10 سنوات تقريبا .. عانيت منها كثييير وجربت علاجاات برضو كثير ..*
*اعشاب واشعة فوق البنفسجية وكريمات ومراهم مليانة كريتزون وعلاج زين الاتات وعلاج الدهيمية بس ابدا ما نفعت معاي .. ما عدا الكريتزون وهو اللي ظليت علية فترة طويلة وكنت مسيطرة ع المرض تقريبا سنتين بعدها ووقفتها لاني كنت حامل وبدات ترجع من جديد وبشكل اكثر .. وبفترة بسيطة رجعت اختفت كلها وبدون علاج والسبب الحمل طبعا وكانت اكثر فترة تروح عني الصدفية *.. بعد الولادة بفترة شهرين رجعت الصدفية وانتشرت بكامل جسمي لدرجة ظهرت بالاظافر لاول مرة*
وصرت اعالجها بالمراهم مرة ثانية وما كانت تستجيب ابدا*
الحين صار لي اكثر من سنة والصدفية ما اختفت ابدا ابدا ..*

راجعت المستشفى .. وقالت لي الدكتورة ما الك الا حل واحد ..*
وهو العلاج الكيماوي ب mtx
*
وطبعا كان لازم اعمل تحاليل واتاكد من عدم الحمل*

بس لحد الحين مارجعت لهم وجالسة افكر لاني خفت من العلاج ..*

ابيكم حبايبي تعطوني رايكم وخبراتكم وتشيرون علي ..
لاني من جد محتاااارة وبنفس الوقت ابي اتعالج وارتاح ..*

اسفة ع الاطالة*

واعتبرت نفسي اكتب عشان اطلع اللي بقلبي وافضفض اكثر*

تحملوني وعطوني ارائكم*


تحياتي لكم احبتي*