علاج البهاق

[أبو ريماس]

المشاركة الأصلية كتبت بواسطة شقررديه

السلام عليكم ورحمة الله وبركاته

مااعرف اذ موضوعي بمكانه الصحيح

انا من صغري فيني بهاق كان منتشر بجسمي

لكن بعد المراجعات بمستشفيات وابر وكريمات

الحمدلله خفت كثييييييير بقى بقعه على عيني

وشوي بجسمي الداخلي

لكن عجزت اعالجها رجعت اراجع بالمستشفيات

وقالولي علاجها الكوي وانكويت بس مالي الا الالم ماراحت

افيدوني بالعلاج تكفون

علما بأنه كان ينتشر اذ وقفت العلاج وبعد ماغسلت بماء زمزم مقري عليه

له سنووووات متوقف مثل ماقريت عليه مازاد في الانتشار ولا اختفى


جزاكم الله خير

شوفي وأنا أخوتس يالشقردية من ناحية إن الموضوع في مكانه فنعم في مكانه ولو هو مهوب في مكانه فززززززززحنا له لين يصير له مكان هههههههه

ما عليتس ان شاء الله يالشقردية وقدامتس العافية والجنة الدافية ، شوفي وانا أخوتس أنا ما ادري هل محلول قطران الفحم الحجري ينفع للبهاق والا لا ، لكن ابقولتس تجربه مرت علي من قبل أكثر من 3 شهور كان فيني دمله في بطني ولما انفجرت صار مكانها أبيض مثل البرص وانا لوني الأصلي حنطي فكان مكان الدملة أبيض و استمر فترة طويلة يمكن أكثر من سنة وهو موجود هالبياض الفاقع وبعد ان جاءت موجة استعمال قطران الفحم جربته على هذه البقعة البيضاء والحمد لله ما تميت شهرين الا الجلد راجع للونه الطبيعي 100% .

وعشان كذا أقول لتس وانا اخوتس جربيه كوده ان شاء الله ينفع لتس وتكونين فتحتي امل لباقي اشاقائنا المبهوقين ...

لكن انتبه في اللي عند العين لا يقربها القطران ثم تجيبين العيد عاد هههههههههههههههههههههههههه لانه سام لا يقرب العين ولا يقرب الخشة .

وما أقول الا قدامتس العافية

وكل عام وانتي بخير