الدرس الأول من دروس فقه العبادات

[الفراشة المتألقة]

المشاركة الأصلية كتبت بواسطة لمسة ملاك

لمسة ملاك

فراشتي الغالية اشكرك من قلبي
حبيبتي إنتِ ، ما عملت إلا واجبي يا عيني .. الله يسعدك.
لأنو انا حكتلك عندي الامور مختلطة عليه
بسيطة ولا يهمك ، أنا كنت متلك ، بكرة بتصيري أحسن مني بإذن الله
يعني انا بعرف عشان يستجاب الدعاء لازم نرفع ايدينا ونقربهم من بعض
ومن ثم ندعو الله وفي نفس الوقت كنت احكي مهو ربنا بيعرف مافي ذهننا
طيب ليش مابيستجيب الا جهرا لهيك حبيت اتأكد
صح عيني هالحكي بس بدي أحكيلك شغلة:
هـلأ عنا شيء إسمه آداب الدعاء ـ وشيء إسمه كيفية الدعاء.
الحكي يلي حكيتيه هـلأ هو آداب الدعاء .
من آداب الدعاء:
الوضوء ، إستقبال القبلة ، رفع اليد ، البدء بالصلاة والسلام على رسول الله ثم الحمد وشكر الله ثم التذلل والخضوع لله وإظهار عظمة الله ثم الطلب والدعاء بما تحبي .
طيب لو نفترض حدا مشلول - بعيد الشر عنك يارب - ما يتحرك من جسمه ولا شي شو يعمل هاد ؟
من أجل هيك الله عز وجل ترك لنا الحرية في كيفية الطلب منه سبحانه .
الدعاء على أي وضعية جائز ، مافي شروط ولا قوانين ، تدعي ربك متل ما بدك بأي صيغة بدك ، والله سبحانه وتعالى من صفاته عز وجل السميع كما جاء في القرآن الكريم : (( وَهُوَ السَّمِيْعُ العَلِيْم )).
يسمع دبيب النملة سبحانه ، يعني صوت النملة وهي عم تمشي الله عز وجل يسمعه ، حاشاه سبحانه ما يسمع كلامنا في قلوبنا أو عقولنا .
فهمتي علي عيني ؟
عرفتي الفرق بينهن ؟
الله يرضى عنك ويثبتك يارب العالمين .
على فكرة كتير اسئلة كنت اسألها للشيخ بتار ويحكيلي انها خطأ ويحكيلي الصح ايش هو الله يبارك فيه
كنت لو وقعت مني شي على الارض ماارجع ارفعه لأنه لحسه الشيطان وهاي كانت كتير متعارف عليها بين اهلي
ماناكل من شي وقع على الارض منا حتى لو الارض نضيفة
كتير ناس عندهم هاي الفكرة ، الله يهدي الجميع للصواب يارب العالمين.
كنت في رمضان لما اعطش اروح اتوضأ افكر عادي
طيب هو شو الحكم في هاي المسألة ؟ ما بعرف أنا هالنقطة رح أسأل فيها شكرا إلك لأني رح أتعلم منك شي مفيد
حكتلك انا حابة اعرف كلشي لأنه الامور مختلطة كتير
ولا يهمك ، تؤمري أمر إنتِ يا قمرة ، الله يسعد قلبك .
طيب بدي أسألك بشي
إتفضلي ، إسألي بكل شي
بابا دكتور جراح فالأجانب تقدير لجهوده بيحضرو له اثمن انواع الخمر هدية بالصناديق ولكن هو مابيشرب حتى القهوة مو بس خمر مابيحب اي شي فيه ادمان والحمد لله ولكن
اللي بيعمله بيروح يهدي هالصناديق لناس الها وضعها مرة للقاضي ومرة لصديق مقرب فمعقول هو حرام يعمل هيك
الرسول عليه الصلاة والسلام قال : (( تهادوا تحابوا )) يعني الهدية طريق لكسب القلوب .
والهدية لها شروط .. شو رأيك نأجلها لوقتها ؟ ول حابة أحكيلك ياها؟
بإنتظارك أنا