ملف كامل لطبخ الــــــــــــرز (بالدجاج واللحم والربيان والسمك والخضار)

[غرقانه بالحزن]

بريآني دجآج ../ من مطبخي ( بالصور )

المقآدير :

دجآجة ( 1000 جم )

ليمونه كآمله / خل أبيض تقريبا بيالة شآي / 3 ملاعق ملح ...

في البدآية : تقطعين الدجاج أثمان .. وتنزعين الجلد .. وتغسلينه وتنظفينه ..

و بعدهآ تنقعينه في مويه + ملح + خل وليمون لمدة ساعة ( على الأقل ) ..

عشآن الزنخة تروح و عشآن يصير الدجاج طري ...

تتبيلة البريآني :

2 علبة زبآدي ..

4 فصوص ثوم مدقوقة ..

قطعة زنجبيل صغيرة مبشورة ..

نص حزمة كزبرة و نص حزمة نعناع مفرومة فرم نآعم ..

3 قرون فلفل حار مفرومة ( اختيآري ) اللي مآيحب الأكل الحآر بلاش منه ..

ملعقة ملح ...

ملعقتين كركم ...

ملعقتين بهآرآت البريآني ( بهآرات خاصة بالبرياني مو أي بهآر ) ...

والطريقة

هي إنك تصفين الدجاج من موية التنقيع .. وتغسلينه مره ثانية بموية فآتره و ترجعين تنقعينه في هالتتبيلة ..

خليها في الثلاجة ساعة أو ساعتين...

وهذآ شكل الدجاج وهو متبل ..~

بعدهآ تحطين في القدر شوية زيت وتحمسين فية ( 4 مسمآر قرنقل / 4 هيل / 2 ورق غآر / عود قرفة )

الغرض انه نكهة البهآرآت هذي يتشربها الزيت وبكذآ تكون النكهة في الرز قوية ...

وهذآ شكلهآ وهي تتحمس ..

بعدهآ كبي الدجاج مع تتبيلته في القدر وضيفي لها شوي موية ( مقدآر يغطي الدجاج بالضبط لا تكثرين ) ..

واتركيه يطبخ الين ينضج من التقليب المستمر ...

غسلي 3 كآسآت رز ... ونقعيه مدة ربع سآعة ... وبعدهآ اسلقيه في موية وملح وزيت ( ثلاث أربآع سلقة ) ...

صفية من الموية وكبيه فوق الدجآج .. وآسيه بالملعقة واضغطي عليه..

وفي الأخير حطي عليه براس الملعقة ( صفار زعفران ) عشان يتلون الرز ... وهدي النآر عليه عشآن يستوي برآحته ..

جهزي حشوة الزينة :

احمسي بصل و صنوبر وزبيب في شوية زيت الين يتحمصون ( أنا ماحطيت زبيب لاني ماحبه ) ..

أغرفي الرز وحطي الحشوة عليه وبكذآ نكون خلصنا ...