افيدني الله يسعدك(استخارة)

توكلي لله · #1 19-08-2011, 04:03 PM

ف شخص تقدم لخطبتي حلمت حلمين

الحلم الاول بعد صلاة الفجر قرأت دعاء الاستخارة ونمت

حلمت اني أرتب ملابسي واحطهم وكأن بصندوق او بوكس مربع من دون غطاء مرتبين ومكواي ومبين انهم مغسلين وهالشي كان بدرج البيت كنا بالطايق الثاني وع الطرف وموزعين نص فيهم ملابسي والنص الاخر ملابس زوجة أخوي واحنا نحطهم بترتيب فوق بعض يعني كل وحده بصوب وف نفس المربع او الصندوق وطاحوا الملابس لتحت ف (الطابق الاول) ع الارض فعصبت ع زوجة اخوي واقلها كل منك ما اريدك تحطي معي ومااذكر هل اني رميتهم كلهم ع الطابق الاول او نرموا بروحهم عصبت وقلت الحين بحطهم بروحي ف هالمربع وكأني اخبر حد يجيبلي المربع او البوكس اعتقدامي ومااذكر هل كملت الترتيب ولا لا وبعدها دخل ابوي البيت والوقت كان الصبح ف الحلم حتى وقت دخوله للبيت ظهرت اشعة الشمس ..

تكملة الحلم بس مااذكر هل هالحلم قبل ولا بعد الاولى
وكأن رايحين مكان وراكبة باص مع اهلي وأسالهم كم دقيقه لين مانوصل قالوا تقريبا ساعه قلت لهم عيل مابعيد

انتهى

اما الحلم الثاني حلمت الظهر بس قبل صليت صلاة الاستخارة وحلمت

وع حسب فهمي ف شخص ضافني ف الايميل فاختي (متزوجه وعندها ولدين) جت
عندي وقالت لي من هالشخص وجالسه تعاتبي وكأنها تشك فيني قلت لها انا ما اعرفه اذكر طلعت من غرفتي وانا معصبه وكأني ابي افهمها السالفه بس كان عندنا ضيوف بالبيت وكل ماابي اروح مكان او غرفة الاقي ناس بعدها اذكر دخلت بغرفةبس كانت مفتوحه وهالغرفة ما ف بيتنا وداخل هالغرفة ف باب آخر مفتوح يؤدي الى قاعة اعراس وهالقاعه كبيرة وبعدها كأني احكي لاختي الثانيه (متزوجه وعندها بنت) باللي صاير بعدها جت بنت عمتي وقالت لاختي ف عرس تعالي وكأنها تقلها انتظرك اللي هو بنفس القاعه اللي بالحلم وانا كنت اترجى اختي ماتحضر وتجلس معي وكأني اقلها نفسي احضر العرس بس مااقدربسبب هالمشكله بعدها جت اختي اللي خبرتني عن هالشخص وقالت لي مرة ثانية قلت لها انا مااعرفه ايش شفتي خبريني وكان ف كمبيوتر بنفس الغرفة قلت لها فتحي مااذكر شو قالت قلت لها والله مااعرفه وحلفت لها بالمصحف وكأنها صدقتني بعدها جا شخص اللي هو صاحب المشاكل مااذكر هل كلمته بالسالفه ولا لا وكنت اشوف عليه بنظره عصبيه قالي ايش فيك وليش رافعه خشمك واعتقد ظليت صامته وماتكلمت معه جا اخوي وعرف وكان معصب علي وقام يضاربني وانا ايضا كنت اضاربه وكنت اقول ف نفسي المفروض يضارب هالشخص مو اناوبعدها اذكر كنا بسيارة راجعين مدري من وين مع اهلي وكنت اخبرهم بالسالفه وقلت لهم هذا اخوي بدل لا يكون معي ويكون ضده بس هو العكس وقلت لكن ما عليه راح اخبر ابوي بكل شي من الالف للياء وبســ

أخوي ( يدرس بكليه)

الشخص لا اعرفه

اسمحلي ع الاطاله

ربي يجعله من ميزان حسناتك باذن الله

ولك مني جزيل الشكر