شنو هالمرهم يا جماعة الخير

[احساس زوجه 1]

سمعوا عدل ياجماعة الخيير

قبل امس قريت بمنتدى كويتي نسائي عن موضوع حواج بحفر الباطن يسوي خلطه بيده لعلاج اللي ما تتسماش الصدفيه

عاد البنت اللي مجربته راسلتها وطرشتلي رقمهاوكلمتها. اليوم الظهر

اول شي سألتها عن تاريخ المرض ونوعه ووضعه ومساحته بجسمها

قالت الركب كلهم لدرجة انها كانت ما تقدر اتصلي واصبحت اتصلي عاالكرسي

وراحت الهند والمانيا وكذا مكان بس عشان ترتاح من هالحبوب اللي انزلت للرجل واصبحت سبب باحراجها وانطوائها بالبيت

جربت الدايفوبيت والدايفونكس والبتنوفيت والدبروساليك

واخر شي اسمعت عن هالحواج اللي بالحفر قبل اسم عطاره الكويت والحين صار عذار الرياض

تقول ان اخر علمها بالصدفيه قبل اربع سنوات والحين لمن كلمتها تقول طالع بيدي حبه اصغيره ابوصي علا المرهم وادهن منه

طرشتلي الصور بس لان جهازي ايفون ما يستقبل صور كله لازم عن طريق الواتس اب

الوكاد البنت تقول ان لون المرهم مثل الفازلين والدهان بس بليل وبعد يوم من الدهان يسبب حكه مو طبيعيه وبعدها يتم الشفا

اهي واثقه من شي ان الصدفيه لازم ترد بس انصحتني ان ما اهمل الصدفيه عشان الصدفيه ما تحفر من الداخل وبعد كذا حبه بتحسين انها مثل النبته اجذورها قويه فعشان جذي لازم نقلعها من جذورها بسرعه




هذي شغله الشغله الثانيه دقيت علا الحلاق اللي جرب خلطته الاخ كوولمود.

وراح يطرشها لي عالبريد واذا اوصلت انا ناويه اوديها عند اخوي صيدلي يحللها لي

المهم قالي شغله ضحكت عليها عقب ما سكرت منه

قالي اول شي اتجيبين ليفه واتحطين عليها تااااااايد انتم متخيلين الوضع تايد عاد

اول ما قالي جذي قلت لأ يمه مو صج

قالي لازم تكشطينها علا قولت اخي سعيد مسلم

وبعده دهني الرجال قطع هالمرهم بالمدح ويقول في وحده بالدمام دقت علي تشكر واتقول راحت عنها الصدفيه

وواحد جاب اولده له كلها ماكله جسمه اكل. وكان بيوديه التخصصي بالرياض قالوله مر هالحلاق منت خسران شي ويقول بعد اسبوعين ذبح ذبايحعلا سلامت اولده


اليوم يوم حافل بالاتصالات والاستخبارات

اتمنى اي واحد بالحفر يسأل عن هالحواج حواج الرياض


اسأل الله العظيم رب العرش ان يشفيني ويشفيكم