ماهي الرجلة بالسعودي بالشمال او الشرقية او بدولة الكويتي ؟

[الهـــــامور]

السلام عليكم
اخباركم عسى الكل بخير وصحة وسلامة
احبائي اختنا الدهيمية بوصفتها اضافت السطلة ومن ضمنها الرجلة ماني عرف وش هي الرجلة قلت لهم الرجله جلس يضحك البائع سافرت للكويت بحكم انها قريبه كذلك قلت لهم ماعرفوها اللي يعرف وش اسمها بالضبط بشمال المملكة او الشرقية او بالكويتي لا يبخل علينا بارك الله فيكم

[بوسطن]

هلا فيك اخوى الهامور الرجلة هى البربير نسميه بالكويت هو نوع من انواع الخضره

[ALMANSE]

الرجله اخي الكريم هي البقله واللتي توضع بعد غسلها وقطف اوراقها مع الفتوش السوري صحه وهناء

[نجرب ونشوف]

بالشمال نقول لها الرجله .واسمعهم يقولون البقله واعتقد هي نفسها .مع اني ما افدتك

[alostaza]

مثل ماقالوا لك الاخوة الرجلة هي البقلة وصحتين وعافية على قلبك هو هلا موسمها

[الهـــــامور]

والله ماخليت في حفرالباطن محل اقول لهم الرجلة البقلة مو عارفينها خخخخخخخخ

يمكن حنا في عالم ثاني ههههههه ياجماعة الخير تعبت معاهم وربي ابي حل ^_^

[سعيد مسلم]

انصحك اخي الهامور
انت تأخد لها صوره من النت
و تذهب بها اليهم
و هل قلت لهم حتى اسمها الاصلي
بقلاء حمقاء
و لم يعرفوها
؟؟؟

[هجهوج]

الرجله
اسمها لدينا بالرياض
الرجله
سيم سيم نفس الاسم
بالموفجيه ان شاءالله

[احساس زوجه 1]

اذا انت بالحفر حياك سير علينا بالكويت ومر اي جمعيه والا عربانه خضره خذلك بربير تاااازه

[الهـــــامور]

اختي احساس انا كل اربعاء وخميس وجمعة اكون في الكويت وهذاك اليوم وقفت على العربانه وقلت له عندك رجله حسيت ان الباكستاني يبي يهفني ذاك الكف قلت له طيب البقلة حسيت جد انه يبي يضربني ^_^ قلت له خلاص لا تزعل عطني كل شيء منه حبتين ولا حصلته هالبربير
خلاص يعني الحين اسمه بالكويت بربير يااااسلام خلااص يعطيك العافية اختي احساس وعسى الله يفكك من المرض يارب