والله اتمنى اتوب لكن مو من قلبي !!!!!

[شروق الاجزجي]

يا اخي ...
وش حيلة الضعفان ؟؟!
انت لا مستآنس ولا مستريح ..بالعكس يبان عليك ان ظميرك يعور قلبك ..وحتى ما فيك الا ان ايديك فاضت بما في قلبك من ألم ..
عرفت ليش كتبت الموضوع !!
يا اخي يكفي انت ما تستحق الشفقة لانك تعرف طريق الصلاح من فين ..الشفقة يستحقها هاذوله الشباب اللي ما يعرف ولا يدري شئ عن الله ..ويعيشون ويموتون وهم لا يعرفون طريق الله ..
لكن انت تعرف ..وذقت حلاوة الايمان من قبل ..
انت من داخلك تخاف ..تخاف من الموت ..وتخاف من الذنب ..لكن الشيطان قاعد يزين لك المعصية ..وانت من ضعفك تستسلم له ..
الموضوع ماله علاقه بالوالد او العيلة ..الموضوع انك لازم احد يخبطك على كتفك ويصرخ بويهك ويقول لك ..افق ..أفق من هذه الغفلة كفاك وطولت ..!!
كفاك استسلام ..كفاك ضعف قدام نفسك وشيطانك ودنيتك وهواك ..!!
تعرف ..في ناس تعصي ربها وهي تحب المعصية وترضى عنها ..واولئك في ضلال مبين..لكن تدري وش المحزن؟؟!!
المحزن يا اخي انك تعمل معصية وانت مو راضي عنها لكن بالرغم من ذلك تسويها ..
والمؤسف انك للان تشوف الشيطان اقوى منك ..مع انك تحفظ قول الله "ان كيد الشيطان كان ضعيفا "
انا ما اقولك قوم صلي ولا قوم اعبد الله ..مع انك تعرف انه حق .. وما راح اقولك قوم استغفر الله تجد الله توابا رحيما ..
لكن انا اقولك كن رجال ..ولا تخلي الشيطان يخليك لعبة بايديه ..
لانك لو كنت رجال قدام شيطانك صعب نفسك تهزمك..
انا ما اكلمك انت ..انا اكلم الخير اللي في قلبك ..اللي يخليك تسجل في ملتقى اسلامي وتتكلم مع اخوة لك في الله ..انا اكلم الجزء النقي بقلبك واللي ما في احد استطاع انه يلوثه ..الجزء اللي يلهث وراء كلمة تخرجه من ظلمة المعصية الى نور الحق ولذلك يكتب الموضوع بكل الاقسام المتاحه في الفتاوى وهنا ..
الفرصة ما فاتت ..بعد يومين يوم عرفة ..يغفر الله لك سنة فاتت وسنة قادمة ..
بالله عليك لا تضيعه ..لمرة واحده بحياتك كن رجال وخذ الخطوة ..يوم بحياتك يغير لك كل حياتك ..
ولا تزعل من كلامي ولا طريقتي ..انا اختك الكبيرة واللي تعرف مصلحتك .. وتقولها لك ..
وخليها كلمة براسك ولا تنساها ..
كن رجال ..ولا تخلي الشيطان يخليك لعبة بايديه ..
لانك لو كنت رجال قدام شيطانك صعب نفسك تهزمك..