|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
|
|
#1
30-03-2011, 04:00 PM
|
|||
|
|||
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
 حبيبتي عازمة يا ريت بايدي تقليل الدهانات  اذا ما دهنتلها كل شوي والتانية جلدها بينشف و بيشقق وبتصير تحك وبتتوسع منطقة الالتهاب  ومع التدهين المستمر بيطرى الجفاف والجروح بتلحم و منطقة الالتهاب بتصغر - العلاج الاول والاخير الكريم (خارجيا) و(داخليا : ممنوعات الحساسية والاوميغا) بحاول الاقي اشي جديد  بركي طابت ان شاء الله بسرعة  يا ربوهي حبيبتي حرام كتير صغيرة ما بتقدر تسيطر على الحكة لما اقفشها بتحك بعصب عليها وبقول لها ليش ما قلتي لي مشان ادهنلك  بتقول لي : ايدي لحالها بتحك - انا بقول لها ما تحكي يا ايدي بس هي ما بترد و بتصير تضرب ايدها  واصلا هي بتموت من الدهان - لانه الكريم بيعمل حرقة دقيقتين اول ما ادهنه - غير اني بخليها شوي تتمدد وما تنطنط - مشان ما يتمسح الكريم عالفاضي في اواعيها.الوضع والله بيتحسن - بس بدها طـــــــــــــــــــولــــــــــــــــــــــــــــ ـــــــة بال وتسلميلي على هالدعوة الحلوة - الله لا يحرمني منك يا غالية يا رب تشفي امي وبنتي وطارق ومازن وابن عازمة وجميع مرضى المسلمين وترحمهم برحمتك يا رب العالمين
__________________
 " رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ" 
|
|
#3
31-03-2011, 12:59 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
الله يخليك ويشفيك ويسعدك يا سعيد
ويوفقك لكل ما تتمنى وتحب ويزيدك رفعة على رفعة في الدنيا والاخرة ويحبب فيك جميع خلقه يا رب
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#4
04-04-2011, 01:18 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
اخواتي واخواني كيف حالكم اتمنى من الله ان تكونوا بالف صحة وعافية الحمد لله بنتي في تحسن ولكن بطـــــــــــــــــيء الحمد لله على كل حال اكملنا اسبوع مع الاوميغا 3 - لا استطيع ان انكر هدوء الالتهاب - ولكن التحسن بطــــــــــــــيء جدا . لم يكن هناك اي ظهور لرائحة الحلبة(تناولت مغلي الحلبة ) - وانا متشجعة لزيادتها ان شاء الله الاسبوع القادم. ايضا اضفت الشوفان لماء الاستحمام ومستمرون على العسل مرتين يوميا وحبة البركة. اليوم لدينا موعد عند طبيبة جلدية مشهورة - يا رب انت الشافي لا شفاء الا شفاؤك. بصراحة اتوقع مسبقا ما ستقوله - ولكن اردت اخذ نصائح اضافية بخصوص 1. بدائل زيت السمك - فيتامين أ و د 2. الطريقة والتكرار الامثل للاستحمام 3. طبعا سارفض الكورتيزون الذي استخدمته لسنة تقريبا دون فائدة جهزت قائمة طويلة من الاسئلة لها - اتمنى ان تستفيد ابنتي من هذه الزيارة ارجوكم ان تدعوا لنا يا رب تشفي امي وبنتي وطارق ومازن وابن عازمة وجميع مرضى المسلمين وترحمهم برحمتك يا رب العالمين
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#5
04-04-2011, 01:31 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
عزيزتي نسرين...الله يجعل هالزيارة فيها الشفاء يا رب...
بالنسبة للاستحمام انا ضد الحمام اليومي....حتى في برنامج the doctorsازا بتحضريه بحذر من الاستحمام اليومي للطفل فقط مرة الى مرتين اسبوعيا لانو جسم الانسان بفرز زيوت مفيدة للجلد ويقوم الاستحمام اليومي بالزات بالماء الساخن بنزع هذه الطبقة وتنشيف الجلد بزيادة.... طيب جربتي سودوكريم؟؟؟والله يا نسرين انا شفتو روعة ...مع انو عندي من سنين وانا استعملوا بس جديد جربتو للصدفية في الوجه...والله هي مختفية تقريبا الحمدلله رب العالمين.....ومكتوب عليه اعتقد للاكزيما.... بالنسبة للحلبة ممتاز انو ما في ريحة لا تنسي هي بتختلف من شخص لشخص...في ناس بسرعة بتاثروا منها....الحمدلله لين ما تاثرت..بالشفاء يا رب نسيت اقلك نسرين انو انا اكتر شي لاحظتو على جلد ابني مع الحلبة طراوة غير شكل....ما شاء الله صار جلدو ناعم جدا....انا ما كنت اغليه....فقط اغلي غلوة واحدة او تنتين ملعقة صغيرة بكاسة ماء ثو انقعها طول الليل والصبح اصفيها واشربه ياها كانها ماء في كاسة غامقة حتى ما يلاحظ لونها وكان يشربها ويحس انو في طعمة غريبة للمي بقلو شايف يا ماما متغيرة طعمة المي صايرة بتقرف....وهيك ضل عليها اكتر من شهر لحتى تعود على الطعمة....
|
|
#6
04-04-2011, 02:08 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
توام روحي
 سودو كريم تم اضافته لقائمة الاسئلة بالنسبة للحمام - في اراء بتقول انه لازم حمام يومي و يتبعه ترطيب خلال 3 دقائق. انا بحمم بنتي مع هالجو مرة واحدة بس - مع الترطيب فورا طبعا بس لما تشوب الدنيا شوي - بدي اسال عن الحمام اما يومي - او نفس نظامي القديم بس مرتين بالاسبوع بقول ممكن الحمام يخفف الحكة وتراكمات الكريم المرطب عن الجلد حبيبتي - طبعا راح اخبرك بالمستجدات - بوسيلي الحلوين الصغار الله يحميهم ويهنيك فيهم يا رب
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#7
06-04-2011, 06:59 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
والله شوفي هي وجهة نظر...انو الحمام بزيل بواقي الكريم المرطب...اسالي عن الموضوع نسرين لانو ممكن.......اسمعي جربي اقرائي بالمنتديات الاجنبية عن الموضوع بكونوا جابين الردود من مواقع متخصصة بالطفل وبكونوا عاملين مليون دراسة عالموضوع.......
|
|
#8
10-04-2011, 02:08 PM
|
|||
|
|||
|
رد: رحلة ابنتي مع الاكزيما و رجائي من الله الشفاء
السلام عليكم ورحمة الله وبركاته
حبيبتي عازمة والله زوجي بيقول لي ارجعي للكورتيزون شو رايك؟ الوضع سيء يا عازمة بس انا حابة اعطي العلاجات الحالية شهر مثلا من 7/4 لغاية 7/5 وازا ما زبطت لا حول ولا قوة الا بالله برجع للكورتيزون بشكل متقطع شو رايك والله قلبي بيتقطع مع كل شي بعمله الوضع سيء حلبة+عسل+المرطبات 8 مرات باليوم+الاوميغا 3 زيوت القدسي(طبعا ما زبطت ووقفتها)+الصابون النابلسي كله على الفااااااااااااااااااااااااااااااااااااااااااااضي شو اسوي - انصحيني  ارجوكم افيدوني يا رب تشفي امي وبنتي وطارق ومازن وابن عازمة وجميع مرضى المسلمين وترحمهم برحمتك يا رب العالمين
__________________
" رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ"
|
|
#10
11-04-2011, 10:48 AM
|
|||
|
|||
|
رد: رحلة ابنتي مع الاكزيما و رجائي من الله الشفاء
عزيزتي نسرين...
شوفي انا ما بقدر اقلك ابدا ارجعي للكورتيزون...يعني ما بتطلع معي...اذا الدكتور بقرر انو لازم ترجعيلو ارجعيلوا مع انك استعملتي فترة طويلة وهيك ما استفدتي شي...صحيح؟؟شوفي قبل ما ترجعيلوا امانة عليكي انك تجربي الكريم اي حكتلك عنو(شمع العسل مع زيت زيتون بكر مع عسل طبيعي وحطي معهم زيت الصبار ازا لقيتي نوع ممتازوهادا مو شرط)...نسرين الموضوع سهل وما بدو غلبة ابدا...وعطيتك الطريقة وانا طلتها من موقع اجنبي كنوع من التخفيف من حدة الاكزيما والصدفية...اذكر ان نتائجها كانت شفاء كبير للاكزيما مقابل الصدفية كانت تهدئة ممتازة فقط...بس مقاديرهم مو مزبوطة....بطلع كتيييييييييير جامد...انتي جربي متل ما قلتلك يعني شي ملعقة كبيرة شمع مو اكتر ..ذوبيهم على البخار وبس يدوبوا حطي شي ملعقتين كبار عسل طبيعي وشي اربع خمس ملاعق زيت زيتون بكر....او اكتر شوي بس بيطلع الكريم خياااااااااااااال....ازا مامشي الحال لا سمح الله بتقرري شي تاني.....شوفي انا متاكدة ازا ما شفيت من الاكزيما انها رح تتخلص على الاقل من الالتهاب والحكة ان شاء الله......بعدين كتير عمبترطبيلها...هيك طبيعي؟؟يعني هيك الدكتورة قالتلك؟؟؟بتخافي كتر الترطيب عمبعكس الموضوع؟؟تاكدي من هالموضوع احسن....لا تجربي اكتر من طريقة على نفس الجهة بيجوز هادا الي عمباخر الشفاء...جربي كل منطقة اسلوب معين وسجلي بداية التجربة وتطوراتها على دفتر وان شاء الله ببين معك بطريقة اوضح....ونصيحة نسرين لا تزهقي البنت من كتر الدهانات بعدين بتفكر انو مرضها رح يعمللها مشكلة في حياتها وتصير تستحي منو وتكرهو واحنا ما بدنا هيك....ابدا لا تبكي قدامها او تبينيلها انو الدهانات فرض عليها...لأ خليها احيانا على راحتها....ازا رفضت هادا حق طبيعي الها..طنشي مرة مرتين شو بدو يصير؟؟؟وانا صغيرة نسرين كنت ألبس نضارات طبية من عمر 9 سنوات...تخيلي اني عشت كل عمري منعزلة اجتماعيا من وراها..تخيلي؟؟ليش باعتقادك؟؟مع اني صغيرة وما بعرف شي عن النظارة؟؟؟كانت امي الله يسهل عليها تصر اني ما البسها حتى لا يحكوا الناس عني عمية!!!!!!!!!!!وانا كبرت وضل كلامها هو نفسو....طيب شو اعمل؟؟صرت استحي واعتبرها عيب فيني....وبالتالي كنت خجولة جدا جدا لحتى دخلت عالجامعة..طبعا كنت اول فصل لسة بلبس نضارات وطبعا كنت مستحيل ارفع عيني اصلا من الارض..او اجاوب الدكتور بصير وجهي زي البندورة فورا....بعدين الحمدلله انو اخترعوا العدسات وانفكت عقدتي..(مو كتير يعني..هههههه)...على فكرة من انا وصغيرة ادعي الله سبحانه وتعالى انو اصحى يوم من النوم اشوف طبيعي بدون ما ادور على النضارة....وانو الله سبحانه وتعالى قادر على المعجزات متل ما عمل مع الانبياء وهادا كان دعائي دائما وابدا...وفعلا كنت البس عدسات دائمة كل شهر اغيرها مع العلم عانيت منها الله بعلم قديش...بس بالنسبة الي كانت احسن ميت مرة من النضارة....والحمدلله اني عملت ليزك قبل ثلاث سنوات وهادا الحكي كان مو بالافق اصلا من قبل.......بس بتعرفي راجع نازل نظري شوي...يضرب حظي ما لحقت اتهنى بدون نضارة....بس عمبكابر ما بدي اعمل هلأ نضارة ..بكير عليها.... شفتي يا عزيزتي نسرين ليش ما بدي ياكي تشدي عالبنت؟؟؟هداك اليوم بحكي لماما عن هادا الموضوع ....فرطت من الضحك!!!!بقلها شايفة يا ماما عمايلك؟؟؟شايفة؟؟بتقلي احنا كان عنا النضارة عيب في البنت يا ماما شو بعرفني انا؟؟قلتلها عادي مسامحتك من جوات قلبي لاني عملت ليزك بس....هههههه لأ عمبمزح.....والله بعرف من خوفها علي ...
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض المتطور
