طريقة جديدة بزيت الزيتون

[عازمة على شفائه]

المشاركة الأصلية كتبت بواسطة امير قريش

والله يا عازمة على الغدا انا موافق على الملوخية :d

بس ناشفة :d ولا خضرة ؟؟
بعدين بدي اياها سفري عشان اخلي مرتي تذوقها

اما زيت الزيتون ادهنيه واقرأي القرأن اثناء الدهن وبالذات الفاتحة والكرسي والله اعلم
بعد شهر وشحطة ببلش عنا قطف الزيتون وعصره ابشري بزيت طازج وحار بأذن الله

يا امير قريش انا ازا مو خضرة خضرة ولونها زي الي هلأ مقطوفة ما بعرف اكلها ....ومنخليها سفاري مع انو صعبة شوي بس عشان المدام بتهون.....الله يخليكم لبعض...يا رب.
والله انا بموت عزيت الزيتون من ارضنا بفلسطين بس المشكلة انو مو دايما بصح لحدا يوصللنا ياهم...اغلب الاوقات بنضطر نشتري من هون....شايف الظلم ارضنا موجودة وزيتاتنا وزيتوناتنا موجودين بس ما بندوقهم كل سنة...حسب الي طالع...
وانا بقرا عالزيت الرقية الشرعية بس والله زيتات هاي السنة لسة ما قرات عليهم بدي اقراها هالكم يوم ان شاء الله.
واخيرا يا اخي كان بابا يقلي يا بنتي لا تقلقي على ابنك ابدا عنا بفلسطين كان الواحد يعيش ويموت وهو معو صدفية وما حدا يعرف فيه وعمرنا ما اخدنا الموضوع جدي...عادي يعني...الله يسهل عليه بابا ...كل شي عندو عادي...وليه؟؟؟ادهنيلو زيت زيتون وكلو بروح ولا تخافي...وانا عشان هيك مقتنعة في زيت الزيتون...وطبعا اكيد عشان الرسول الكريم نصحنا ندهن منو.
اللهم يكتبلك الشفاء يا اخي عاجل غير اجل يا رب العالمين مع اني ما بقتنع بالبحر الميت كعلاج والله تعالى اعلم.
اللهم اشف جميع مرضى المسلمين اللهم ااامين.