أرجـــــوا مساعدة أخصائيين أو أي خبير ..

[غيد عبدالله]

السلام عليكم ورحمة الله وبركاته..
عندي مشكلة وأنا ماعندي حدة غيركم أحكيله وأتمنى إنكم تساعدوني بأسرع وقت :
أنا من 3 سنوات كنت وحيدة وما عندي حدة يعني منعزلة عن الناس ولا عندي صديقات وكنت ما بحب إطلع خارج غرفتي ولو خرجت مستحيل أكلم حدة حتى أقربائي لأني دائما أحس بإني غريبة وغير عن كل الناس وإنه أنا ما إلي مكان بين أقربائي بسبب الأشياء إلي بتصير إلي حتى لو حدة غيري يمكن مات بس أنا سبحان الله مستحملة والمشكلة إنة ذاكرتي قوية جدا يعني ما بنسى شيء وبتزكر من عمر سنتين وثلاث سنوات إلى هاد الثانية وبخاف كتير من الناس وما بعرف السبب ولما كنت بصف تاسع خلاص وصلت لمرحلة اليأس والحزن وأنا حساسة كتير كتير لدرجة ما تتصوروا كيف وحتى صرت أمرض بسبب حالتي هاد وحتى الدكاترة ما بيعرفوا شو فيني ولا أنا ولما إجيت صف عاشر حاولت أتناسى كل شي بس ما قدرت أبدا وصارت أحلامي باليل حقيقية ولا كأني نايمة وبعد هيك مرضت سنة كاملة في عظامي ودمي وصار عندي وجع من جوات دماغي وصار معدلي متدني بعد ما كنت من المتفوقات وفي الإجازة شفيت بس دماغي لا أكتر يزيد وأنا هلأ صف حادي عشر وعمري 16 سنة وبديت دراستي بالجد والإجتهاد والفرح بس هاد الإسبوع صارت عندي مشاكل ضيعت فرحي وصرت أخاف كتيير اكتر من قبل حتى من المعلمات مع إنهون من أطيب الناس الله يبارك فيهون وصرت أتزكر الماضي كتير ولما أشوف بنت تمشي مع إختها ألاقي دموعي في عيوني صرت أتحسـس كتير لإنه أصلا بالبيت ماعندي حدة أفرح معه ولا إخت أكلما وأحكيلها ولا عندي حدة يساعدني بأي شي صرت تعبانة من جوة قلبي وما عارفة شو أعمل والله ما حدة يعرف شي عني ولا حدة بيعرف إني مدايئة وإلا لما اكون وحيدة وأنا كتير بخاف من الآلات متل الشاحنات وصوت السيارة والطابعة والآليين والأشياء يالي بتتحرك وتكون من صنع الإنسان وما بعرف السبب .... وفي أشياء كتيرة ما ذكرتها بس ساعدوني لأني حاسة إنة شي رح يصير .. الله يفتح إلكم أبواب جنانه ...