أختنا *فراشة المنتدى*معنا على الكرسي

[أمة_الله]

السلام عليكم ورحمة الله تعالى وبركاته
أهلا بفراشة منتدانا الغالي
فراشة المنتدى
ألف مبروك جلوسك على الكرسي

إن شاء الله إنت قدها ولا إيييه؟؟؟
طيب أنا شفت إن أخواتي الحبيبات لم يقصرن في الترحيب بك بس أنا جلبت لك الكرسي الذي طلبته

أتمنى أن يعجبك !!!
أظن ما عاد عندك حجة تجاوبي على الأسئلة رغم صعوبتها ...وأنت جالسة على هذا الكرسي المرييييييييييييح
و إليك أيضا هذا العصير...جلبت لك عصير فراولة لأنك بتحبي اللون الروز

يا لا بصحة وعافية
بس استعدي للأسئلة....
/
/
/
ليس الآن ولكن بإذن الله لي عودة
أنا مررت فقط للترحيب بك عزيزتي
///
وإلى أختنا الغالية ريحانة الأقصى أحييك أختي على متابعتك وإشرافك على هذا القسم الذي يعتبر صلة وصل ويقرب بين أعضاء المنتدى
فلك مني كل الشكر والتقدير

حسنا أستودعكم الآن ولي عودة بإذن الله
وكل عام وإنتم بألف خير ...وعيد مبارك سعيد

[فراشة المنتدى]

المشاركة الأصلية كتبت بواسطة ريحانة الأقصى

السلام عليكم ورحمة الله وبركاته وغفرانه ورضوانه..
وعليكم السلام ورحمه الله وبركاته


بسم من جمعنا على محبته
بسم الله الرحمن الرحيم
احبك الذى احببتنا فيه ان شاء الله


ما شاء الله تجمع أحبه المنتدى في بيت الإخوة وعلى كرسي الإخاء..
ما شاء الله بفضل الله ثم بتواجدك مشرفتنا الغاليه العسوله

لقداثلجتم صدوري بأسئلتكم وبإجابة فراشتنا الطيوبة وبعد أن فقدت الأمل في فتيات المسلمين لضياعهن أرجعتم أنتم أملي الكبير بأن الدنيا لازالت بخير ما دام فيها أمثالكم,,,,,حفظكم الله وثبتكم يارب...
يارب يبارك فيك ياقمر ويارب دائما ربي يثلج صدرك بكل الخير يارب ويسعدك دنيا واخره يارب
الاعضاء ما شاء الله ماقصروا الله يبارك فيهم ونعم الاخوة في الله واسال الله ان يجمعنا تحت العرش يارب
واسال الله لك انت ايضا الثبات يارب وان يحفظك الله تعالى
وحبيبتى الدنيا مليئه بالصالحات وبالمؤمنات المحبات لله وللرسول وللاخوات في الله وفعلا خير مثال عضوات الشفاء ربي يبارك فيهم
ولا ننسى اعضاء الشفاء فيهم الخير والبركه ربنا يحفظهم ويوفق الجميع لطاعته وحبه يارب
واكيد المدير العام والمراقبين جميعا لهم الفضل بعد الله في هذا التجمع الطيب
جزاهم الله الف خير

أختي الطيوبة....فروشة..مرمورة..إذا كانوا عم يدلعوك شي دلع تاني لا أوصيك تحكيلي... ؟؟^_^
انت عسل والله ....والله بيدلعونى كتير باسماء كتير هقولك عليهم بينى وبينك .....يااحلى ريحانه



طلعتي خطيرة يا بنتي,.....صيدلة..ما شاء الله.
شفتى صيدله ووجع قلب ....ههههه
الحمد والفضل لله تعالى على كل شيئ
اللهم لك الحمد كما ينبغى لجلال وجهك وعظيم سلطانك

,....عفكرة شوقتيني لدخول الطب كتير...
طيب جميل ....انت تامري امر وانا انفذ

هلا ما عم أنتظر...
طيب تعالى بسرعه ...... ومن امبارح اكون مدخلاكى الكليه هههههههههههه

يلا بسرعة إبتعيلي طيارة هس جاية لعندك
انت تامري الطياره الخاصه هتكون عندك بعد خمس ثوانى انت بس اشري بايدك واحنا تحت امرك ياقمر

وإحجزيلي ما بالصيدلة ....بالطب وفرع بالصيدلة طماعة أنا مو هيك.....!!!
لا مش بس صيدله وطب....... كمان اسنان ولو تحبى هندسه كمان مفيش مشكله
ان شاله ماحد حوش .....هو احنا عندنا كام ريحانه ؟؟؟؟ هى واحده زي القمر والعسل مفيش غيرها

يلا عساني أكون متلك إن شاء الله
ان شاء الله تكونى احسن واحسن يارب
وتكونى احسن واحده في الدنيا
ويارب يحققلك كل اللى تتمنيه يارب العالمين


طيب طولت كتير عليك....خلينا ندخل بالأسئلة...
لا لا لا .....مطولتيش ابدا خلينا نتكلم احسن من الاسئله

شكلك ما بدك...عم تتدلعي حضرتك ولا شو القصة ...لا لا
ههههه عرفتى ازاى ....ارحمينى طيب وبلاش اسئله احنا في العيد


نستفتح بالعدية...
بيكفيكي تعريفة...إرضي
تعريفه ؟؟؟؟؟ وجايا على نفسك ليه مبلاش احسن .....انت كريمه اوى اوى اوى

طيب ..كم العيدة إلي دايما بتوخديها...؟؟؟
ليه هتبعتيلى العيديه؟؟؟ يا فرحت قلبي


اذا كده حضري 1000 جنيه مينقشوش جنيه واحد هههههههههه


وهل وإنتي صغيرة كنتي بتجمعي كتير فلوس أكتر من هس؟؟؟
كنت بجمع كتير اوى .... انا كنت بخيله جدا معلش غلطه مطبعيه
انا قصدى حريصه جدا ههههههه

هل تعتقدين بأن العيد أن يعفل المرء فيه ما يشاء بعد أن خرج من طاعة(يوم عرفة)؟؟كما يفعل بعض الناس.
اكيد لا طبعا .... كل الاعمال بدون استثناء يجب ان تكون في اطار طاعه الله سبحانه وتعالى وان لا تغلفها المعصيه ظاهرة كانت او باظنه
وطبعا بعد عرفه الانسان يكون باذن الله مغفور ذنبه .... فالمفروض عليه ان لا يجلب غضب الله تعالى عليه بعمل المعصيه وما لايرضى الله عنه
المفروض ان يشكر الله تعالى على نعمته وانه غفر ذنبه لا ان يقابل الحسنات والنعم من الله بالسيئات والمعاصي والاعراض عن امر الله
ولكن للاسف ان الكثير الكثير الكثير من الناس يفهمون ان بعد الصيام وبعد عرفه ...فرصه لفعل كل ما يحلو لهم وان كان في معصيه الله
اسال الله ان يهديهم ويبعدهم عن معصيه الله

لمت تسمعين من مشايخنا الكرام؟؟
بصراحه انا اسمع لكثير جدا من الشيوخ وليس لي شيخ واحد مفضل بل افضل الموضوع نفسه ولكن على سبيل المثال :
عمر عبد الكافى متميز جدا و محمد هدايه وعمرو خالد ومحمد حسان احب اسلوبه وهدوئه جدا جدا
واسمع احيانا لمحمود المصري
وافضل كثيرا السماع لعائض القرنى جدا جدا طريقته جميله جدا واسلوبه في السرد رائع جدا
واخرين كثيرين ولكن لا يحضرنى الان الا هؤلاء
والكل رائع وفيهم البركه ما شاء الله

وهل رأيتي على التلفازا لشيخ الجليل محمد حسان في الحج؟؟
بصراحه للاسف لم اراه وتمنيت كثيرا ان اراه ولكن قدر الله وما شاء فعل

اذارأيته ورأيتي الحجاج،صفي لنا شعورك حينها؟؟
لم اراه كما قلت ولكن رايت الحجاج وتمنيت من الله ان يكتب لى الحج العام القادم لازور بيته الحرام لانى كنت انوي الحج ولكن لم ياذن لى الله بعد وبكل صراحه شعوري لا استطيع وصفه فقد اشتقت الى الكعبه جدا ولرؤيتها عن قرب شعور لا تصفه مجرد كلمات فهناك الراحه النفسيه والسعاده الحقيقيه التى تهفو لها القلوب واكيد شعرت بالفرح للتجمع الهائل للحجاج اللهم زد هذا المكان تعظيما وتشريفا يارب
ولا اخفى انى اغبطت الحجاج كثيراعلى تلك النعمه
واسال الله صادقه ان يمن علي وعلى كل من يريد الذهاب لبيت الله الحرام بالحج العام القادم يارب العالمين
وان يغفر لكل الحجاج ويتقبل منهم يارب ويعينهم بعد العوده على الثبات والطاعه ويبعدهم عن المعصيه

لن أطيل وأعتقد للأسئلة بقية...
ليه هو لسه في باقى ؟؟؟؟؟؟؟؟ حــــــــــــــــــــــرام
وفقكي الله..
ووفقك الله تعالى في الدراسه حبيبتى واتمنى لك النجاح والتوفيق وان تحققي كل ما تتمنيه يارب العالمين

وسلامي للأهل والأحباب في مصر....
مصر كلها بتسلم عليكى يا قمر وبتقولك كل عام وانت بالف خير يارب
وسلامى للعائله الكريمه ويارب تكون كل ايامكم سعاده وهناء يارب

*ودمتم شموعا تنير ملتقانا*
ودمت لنا يا غاليه

حبيبتى الغاليه جدا
اشكرك على تميزك الدائم واشرافك الرائع واخوتك الجميله
وجزاك الله الف خير حبيبتى على كل ما تفعليه وعلى طيبه قلبك يا قمر
واسال الله تعالى ان يسعدك في العيد ويكون بدايه لسعاده دائمه في الدنيا والاخره يارب
وان يوفقك وكل الطلبه يارب وان يسهل لكم طريق الى الجنه بهذا العلم يارب
وان يحقق للجميع كل ما يتمناه يارب
وانت شمعتنا الغاليه وفقك الله لما يحبه ويرضاه

[فراشة المنتدى]

السلام عليكم ورحمه الله وبركاته


احبائي في الله
كل عام وانتم بالف خير يارب ......هاه دبحتوا الخرفان النهارده ولا ايه ؟؟؟؟؟
يارب كل ايامك سعاده يارب وان شاء الله العام القادم تكونوا في الحج وموقف عرفات يارب العالمين
تقبل الله منا ومنكم

وانا اسفه جدا جدا على تاخري في اجابه الاسئله
معلش المبيوتر كان فيه مشكله
الظاهر عيد هو كمان هههههههه

وان شاء الله ابدا الان اجاوب اسئلتكم
ربنا يعينى هههه

[فراشة المنتدى]

المشاركة الأصلية كتبت بواسطة وســـــــــام*

السلام عليكم ورحمة الله وبركاته

وعليكم السلام ورحمه الله وبركاته

كل عام والجميع بخير وكل سنة وانتم طيبين
وانت بالف خير وصحه وسلامه يارب ياحبيبه قلبي

اولا اشكرك حبيبتى ريحانة الاقصى على اختيارك الموفق هذا لضيفتنا
فراشة المنتدى فدمتى لنا غاليتى ريحانة
انا كمان بشكرها بس مش علشان الكرسي .......انت فرحانه فيا؟؟ يا وسوس ليكى يوم اوكى هتشوفي

ثانيا مبرووووووووووووووووك حبيبتى ميرو على جلوسك على الكرسى
الله يبارك فيكى بس باين عليكى هتوجعيلى دماغى

ولو اننا هنصدع دماغك وهتوجعك بسببنا بس معلش علقة تفوت وتعيشى وتأخذى غيرها
انا قلت كده برضه بس انا مش هديكى الفرصه اطلاقا انا وانت والزمن طويل

اقدم لكى كل وسائل الراحة منذ بداية التحقيق لتقضى معنا اقامة لطيفة
خالية من اى متاعب إن شاء الله وتكون اسئلتنا جميعا خفيفة على قلبك
اتمنى والله وخلى بالك انت وعدت ووعد الحر دين عليه اوعى تنسي

هذا الكرسى اظن مريح للغاية لو تعبك هجيبلك واحد تانى لا تقلقى
مريح ازاى يعنى والبت دايخه كده
وبعدين هو انا هقعد فين ؟؟؟؟؟؟
على عجل الكرسي مثلا ؟؟؟
ولا انا هغسل للبنت رجليها ولا ايه ؟ وبعدين معاكى من اولها كده...
هاتى يابنتى كرسي عليه القيمه مش كرسي للعبه بلاي استيشن........

والباندول للصدااااااااااع بعد الشر عليكى طبعا يا جميل
اخيرا لقيت كلمه حلوة..... جميل ...يا سلام انت عرفتى ازاى انى جميل يعنى هههههههههه
تسلمى يادكتوره وسوس على الباندول

خليه احتياطى معاكى
واحتياطى ليه انت مش قلت ان الاسئله خفيفه ولا هنرجع في كلامنا بقى زي العيال

والمية هاهى موجودة علشان لما ننشف ريقك بالاسئلة
ياساتر يارب تنشفى ريقى ده انت قلبك اسود اوى

اقصد علشان تبلعى بها الدواء وتتشربى لما تعطشى
ايوة كده ضبطى كلامك انت عارفه انى شرانيه ومليش عزيز

تسلمى ياقلبي على الميه كنت هموت من العطش
سقاك الرسول من نهر الكوثر يارب

واخيراااااااااا اتمنى لكى اقامة سعيدة بدون متاعب وسط اخوتك فى الله
ان شاء الله مفيش متاعب انتوا كلكم عسل في عسل

وانى احبك فى الله
وانا بحبك جدا جدا في الله ياقمر
احبك الذى احببتنى فيه
امين يارب

وعيد سعيد عليكى وعلى اسرتك

وكل عام وانتم بخير
وعيد سعيد عليكى ياقمر وعلى العائله الكريمه
وكل عام وانت الى الله اقرب ياحبيبه قلبى

والمرة الجاااااااية الاسئلة حضرى نفسك

اسئله ايه
انت باين عندك الزهايمر ولا ايه ؟؟
انت مش قلت اقامه سعيده ؟؟؟؟؟يبقى ازاى بقى اسئله؟؟
لا ده انت حالتك صعبه اوى
معلش بتحصل في احسن العائلات

لا إله الا الله
سيدنا وحبيبنا محمد رسول الله
عليه افضل الصلاه والسلام

تسلمى ياقمر على مرورك الجميل الذى اسعدنى
واوعى تنسي وعدك
انت قلت اقامه سعيده
يلا كل عام وانت بالف خير يارب

[منيع البوح]

بسم الله الرحمن الرحيم
اختي الكريمة
ميرو
فراشة المنتدى
السلام عليك ورحمة الله وبركاته
اهنيك واهني نفسي والاعضاء بمناسبتي
جلوسك على الكرسي
الي اعتقد انك مستعدة له ولديك الخبرة الكافيه
وبمناسبة عيد الاضحى
لكن اعتقد ان التوقيت غير جيد حيث تصادف مع ايام العيد
وهذا سيسبب انشغال الكثير عن طرح الاسئله
والتعرف عليك اكثر
اما انا مش حفوت فرصه
وراح اخش في التحقيق على طول
الشؤال الاول:
ابراز البطاقه الشخصيه واوعي تقولي ما عندي؟
السؤال الثاني:
هل انتي تعملين ام ربة منزل؟ ام تدرسين؟
السؤال الثالث:
ماذا تشاهدين من محطات تلفزيونيه؟
السؤال الرابع:
اين تذهبين ولمن في اول ايام العيد؟
خلاص كفاية كذا
والف شكر

[فراشة المنتدى]

المشاركة الأصلية كتبت بواسطة الرايات السود

بسم الله الرحمن الرحيم

اختي الكريمة
ميرو
فراشة المنتدى
السلام عليك ورحمة الله وبركاته
وعليكم السلام ورحمه الله وبركاته

اهنيك واهني نفسي والاعضاء بمناسبتي
هي وحده مفيش غيرها .....العيد كل سنه وانتم طيبين

جلوسك على الكرسي
الي اعتقد انك مستعدة له ولديك الخبرة الكافيه
مين اللى قالك كده عليا......انت بس قولى وانا اتفاهم معاه كويس



وبمناسبة عيد الاضحى
فعلا ده مناسبه الحمد لله
كل عام وانت بالف صحه وسلامه يارب

لكن اعتقد ان التوقيت غير جيد حيث تصادف مع ايام العيد
وهذا سيسبب انشغال الكثير عن طرح الاسئله والتعرف عليك اكثر
ابدا خليهم يتبسطوا بالعيد وان شاء الله كل ايامهم فرح وسعاده
وان شاء الله يتعرفوا عليا برضه اهلا وسهلا بالجميع
بس محدش يعطل نفسه
اخرجوا كل الايام الخمسه
وانا هستناكوا
هههههههه


اما انا مش حفوت فرصه
ده انت مستحلفلى بقى
الرحمه مش كده

وراح اخش في التحقيق على طول

على طول ايه ؟؟؟

هات الاول شاي ولا حاجه اشربها كده

استهدى بالله مش كده




الشؤال الاول:
ابراز البطاقه الشخصيه واوعي تقولي ما عندي؟
واذا قولت ان معنديش يعنى ....هتعمل ايه؟؟؟؟
طيب ...طيب
اقول مفيش مشكله علشان متزعلش بس
الاسم: ميــــــــرو
تاريخ الميلاد:4 يناير كده بقى معندكش حجه الهديه المره الجايه تكون جاهزه هههههه
الجنسيه: مصريه بس عايشه في الكويت حاليا
المؤهل:خريجه كليه صيدلة جامعه عين شمس
الحاله الاجتماعيه:غير متزوجه
اظن كفايه ولا ايه؟؟
كفايه

السؤال الثاني:
هل انتي تعملين ام ربة منزل؟ ام تدرسين؟
لا اعمل ولا ربه بيت ولا ادرس
هههههههههههه
فزوه ده؟؟؟
بدرس بس مش في الكليه

السؤال الثالث:
ماذا تشاهدين من محطات تلفزيونيه؟
مش كتير اشاهد التلفزيون
بس بشوف قناه الناس واقرا والعفاسي بحبها جدا
وكمان طبعا نشرات الاخبار والرياضه مطلعى عينى
اصل بعيد عنك بابا مدمن رياضه الله لايوريك

السؤال الرابع:
اين تذهبين ولمن في اول ايام العيد؟
في مصر كنت اذهب لعمى وخالاتى في اول يوم دائما
اما في الكويت ابناء عمى اللى بييجوا عندنا
بس طلعات بره البيت اول وتانى يوم مستحيييل

الجو زحمه وانا بكره الزحمه جداااا


خلاص كفاية كذا
لا..... ليه جى على نفسك متكمل انا فاضيه ههههه


والف شكر
على ايه؟؟ انت تأمر أمر اخى الكريم
جزاك الله خير على الاطاله المشرقه
شرفتنى انا اللى اشكرك على مرورك العطر

اخى الكريم
شرفنى حضورك بارك الله فيك
وكل عام وانت بالف صحه وسعاده وراحه بال يارب
لا تنسانا من صالح دعائك اخى الكريم

[راجية الشهادة]

السلام عليكم:اهلا بالغالية التى نورت الكرسى والمنتدى كله

والله المفاجاة خلت الاسئلة هربت من راسى بس راجعة لكى ياقمرى ومستحلفالك اخلص تارى (الرحماء يرحمهم الله)فاكرة الجملة دى خليها فى بالك
ودلوقتى اتركك تاخذى نفسك حتى استعد لملاقاتك فى ارض المعركة
فحتى لقاء قريب انتظرينى

[فراشة المنتدى]

السلام عليكم ورحمه الله وبركاته

اخوانى الاعزاء
ان شاء الله هجاوب على الاسئله على بالليل كده
خدوا راحتكم في الاسئله
معلش يا حمامه وشوشو انى اخرت الاجابات شويه
كل عام وانتم بالف خير

[عاشقة سدرة المنتهى]

السلام عليكم رحمة الله وبركاته
شكرا لكي اختي الكريمه ريحانة الأقصى على استضافة فراشتنا الغاليه على كرسي التعذيب أقصد كرسي التحقيق..هههه
وألف مبروووووك لكي اختي الحبيبه ميرو ( فراشة المنتدى ) على جلوسك وأتمنى أن تكون الأسئله قليله ومريحه بالنسبه لكي الله ما أعتقد..خخخخ يلااا خيرها بغيرها
الله ما عندي أي أسئله بس حبيت أ هني اختي الكريمه على جلوسها أقول لها ولكم جميعا عيدكم مبارك وأعاده الله علينا وعليكم باليمن واليسر كل عام إن شاء الله
والسلام مسك الختام

[فراشة المنتدى]

المشاركة الأصلية كتبت بواسطة عاشقة الشهادة

السلام عليكم
وعليكم السلام ورحمه الله وبركاته

اهلا بالغالية التى نورت الكرسى والمنتدى كله
الله يكرمك يا قمر الكرسي نور والله بتشريفك الرائع والمتنتدى كله منور بيك وبكل احبابى في الله

الله يبارك في عمرك يا قلبى يارب

والله المفاجاة خلت الاسئلة هربت من راسى
هههههه طيب الحمد لله انها هربت ومعرفتيش تمسكيها

بس راجعة لكى ياقمرى ومستحلفالك اخلص تارى
انت ياقمر ترجعى اي وقت ... بس مش هتلاقى حد يفتحلك طالما فيها تار
وبعدين تار ايه لا سمح الله هو انا عملت فيكى حاجه اصلا
اكيد الاسئله النونو اللى سالتهملك وانت على الكرسي دول كان اخف من النسمه يا شيخه

(الرحماء يرحمهم الله)فاكرة الجملة دى خليها فى بالك
ههههه اكيد هخليها في بالى
ده انت مفيش ارحم منك ولا الطف منك ولا اجمل منك ولا ارق منك ......هههههههه "ده اسمه نفاق "

ودلوقتى اتركك تاخذى نفسك حتى استعد لملاقاتك فى ارض المعركة
معركه ؟؟؟؟


بقى هو الموضوع كده طيب متلوميش الا نفسك
انا عندى اسلحه فتاكه ونووي وكيماوي خلى بالك من نفسك انت مش قدى ...انا مدمرة

فحتى لقاء قريب انتظرينى
انا مستنياكى ..... الصبر جميل

شرفتينى ياقمر والله
تعالى تانى بس سماح من غير معارك
انا مش مسئوله عن الخسائر اللى هتحصلك هههههههه
في امان الله يا قلبى