اقتباس:
المشاركة الأصلية كتبت بواسطة هجهوج
ماترى باس يبو ريماس مدامها حبيبيات وسع صديرك وبتروح ان شاء بس عساء عقد ايجارها عندك ما يطول
|
الله يبزيك ويخليك لعينن ترجيك يا حبيّب قلبي يا هجهوج ، يعلم الله إني أحبك في الله ، و سواليفك وتميلحاتك في المنتدى ما تطوفني ، وكم مرتن بغت تفتق صدفيتي من الضحك على تعليقاتك هههههههههههههههه ، أما بالنسبة لصدفيتي فهي وأنا أخوك على قولتهم : ( مزحتن رزحة ) يعني في البداية كنت متسيهل بأمرها وأقول ايييه وسع صدرك يبن الحلال كلها حبة أو حبتين وأكثر ما يبيلها مرخة أو مرختين بأي كريم وتروح ، لكنها عصبت علي وقالت ( أنتي يالصدفية ) والله لوريك شغلك تضحك عليه هاااااه زيييين اصبر بس وانا اوريك ، والله يا قليبي يا هجهوج ولا يهونون باقي الاعضاء ما دريت إلا هي هاجمتن علي بقضها وقضيها ، ويطق في كل ركبة وساق حدود الخمس إلى ست حبات كل حبتن كبر حبة القهوة أو أكبر شوي يمكن أكبر حبة فيهن يجي حجمها كبر( النصف ريال الحديد )، وكل المرفقين جت فيهن دواره كبر فنجال القهوة <<<< شايب لا تلومنه كل شي عنده في القهوة والدراهم ههههههههههههههه
واما ظهري وبطني فكل واحدن منهم فيها ما يقارب العشر حبات متوزعات كل حبتن في جهة ، واليوم اشوف فخيذاتي بادين فيهن فراختن صغار مرررة على كبر حبات النسكافيه <<< تطور الشايب وش عنده أشوف الدعوه فيها نسكافيه
لكن ما أقول وانا اخوك الا الحمد لله على ما جاء من الله وأشهد الله ثم أشهدكم أني راض بما قسمه الله لي تمام الرضى فهو سبحانه وحده العالم بما يصلح أحوال خلقه وما يفسدها .
مرتن ثانية يالغالي اللي لا يحرمنا طلتك وتعليقك وتواجدك ، شاكرلك تواجدك هجهوج ،،،
19-08-2009, 06:08 PM
رد: تجربتي مع الصدفية
العرض المتطور
