اخير ا اكتشفوا علاج نهائى للصدفية

[miramar]

[quote=ansam islam;760038]مثل ماتعرفي يا اختي ميرامار اطبه الجلد منحازين لعلمهم وبس ونادرا ماتجدي أحد منهم يتقبل منك جديد جاد به العلم ومادرسوهش في مناهجهم وخاصة الكالاوالا اللي غير مصرح به وبناخذوا على مسؤوليتنا الخاصه .

المقدمه دي كانت عشان تقولي لي كلام من كلامك الحلو النافع اذا رحت لطبيب جلديه وحبيت اعرض عليه العلاج اعرف اجاوبه بايه واثبت له ان العلاج طبيعي ميه بالميه ومالوهش اي آثار جانبيه
+ وده سؤال مستقل (نعرف منين ان علاج ما به كورتزون اولا ) وماهو اسم الكورتزون العلمي وهل بيبقى مكتوب عن العلاج انه فيه كورتزون ,يعني مش ممكن يخفو المسأله دي في اي علاج ونشتريه على اساس انه مافيهش كورتزون؟
الله لا يحرمنا من علمك يا دكتورتنا[/quote]


انت عنك حق فى سؤالك بس المشكلة ان الدواء غير متوفر بالوطن العربى فطبيعى الاطباء يستغربوة
بالنسبة لاحتمال وجود كورتيزون مستبعد شوية لان مينفعش دواء ينزل غير و مكزناتة كلها مكتوبة علية و دة من القوانين الالزامية لنزول اى دواء
و بالنسبة للكورتيزون فمش هتلاقى دواء مكتوب فى مكوناتة كورتيزون لان كلمة كورتيزون دى نوعية معينة من المركبات الكميائية و تندرج تحتها اسماء اخرى حسب الذرات الموجودة على المركب الاساسي و دى معروفة عند الصيادلة و الاطباء و لم اجدها فى مكونات الكلاوالا

عندك مثلا البيتاميثازون
دة مشتق من الكورتيزون
و اذا حطينالة ذرة فلور او كلور او زودنا ربطة كميائية اتغير اسمة تماما
و كل دة بيطلق علية كورتيكوستيرويد
يعنى من الاخر مش لازم يكتب كلمةكورتيزون عشان يكون فية كورتيزون

حوار اسماء المركبات و مشتقاتة كبير و بناخدة على مدار سنوات و صعب اكتبة فى موضوع بس انا معاكم و اى تسمية او مادة فعالة بحاول افيدكم بها قدر المستطاع

و بالنسبة لاسم النبتة الخاصة بالكلاوالا فعلا لم ادرسها لكن بحثت عنها و اتاكدت انها نبات و المعلومات عنة كتبناها على المنتدى و حتى انا فتحت مواضيع للنبات نفسة غير مواضيع الكلاوالا كنبات منفصل بذاتة
و فى النهاية احب اقولك انى عمرى ما اثق بدواء بنسبة 100% لكن من خلال البحث عرضنا لكم كل ما توصلنا الية و فى النهاية كل واحد يختار و يتحمل نتيجة اختيارة و الشفاء فى النهاية بيد الله و لا استطيع ان اجزم بان العلاج فى دواء بذاتة دون غيرة فعالم الدواء فى تطور و تغيير مستمر
و ما هو نافع لشخص ربما لا يناسب شخص اخر
اتمنى ان اكون اجبت على تساؤلاتك بايجاز

و الله الموفق