التائهه

[شروق الاجزجي]

السلام عليكم
اختي الحبيبة
لا تظني انكي تقولوين شئ لم نمر به كمرحلة في حياتنا
فمنا الكثير ممن عانوا من قسوة القلب ومن اداء العبادات لانها مفروضه لا لانها حب وصلة بخالقنا
ودعيني انصحك بما ترائى لي من خبرة قليلة
اولا ما هي دراستك او عملك ؟
يجب ان تحاولي الاجتهاد فيهم
لا تكتفي بان تكوني على الهامش " عا لله انجح"!!
اقولك حاجة
انا كنت كده وكنت في كليه تجارة وسنه 2 وكان لا مبدأ لي في الدراسه ولا امل سوى النجاح
والنتيجة
طلعت ب 6 مواد " شلت السنه " يعني رسبت !!
مرت بي لحظات صعبة
ووجدت الحل
انا لازم ادخل حاجة احبها واقدر ادي فيها

فكرت

لقيت ان الحل اني اغير الكليه
وبالفعل دخلت كليه تانية من اول وجديد
والنتيجة

اول سنه ليا فيها كنت التالته على الدفعة بتقدير امتياز

المهم
1- اول حاجة : اعرفي فين هدفك وايه هو وليه اخترتيه .وعلى اساسه ابني حياتك
2- متحوليش يبقى عندك وقت فراغ خالص
اقري اتثقفي تخصصي في الاطلاع عن مواضيع معينه اعملى ديكورات في البيت ......
اي حاجة مفيدة اشغلي بيها وقت فراغك
3- حاولي تصاحبي "واحدة "في الله قريبتك ، صحبتك اي حد واعملوا مع بعض مشروع صدقة او روحوا لاي دار ايتام او درس دين
4- ادخلي مركز تحفيظ قرآن وحاولي تتابعي معاه
لو في عندك ذنب انت عارفاه ومتضايقة منه
"سيبيه "
ادعي ربنا انك تسيبيه
وابدأي من نفسك وربنا هيعينك
دايما ادعي وناجي ربك
اشكيله همك وحزنك وقوليله يدلك على الطريق
5-حاولي تحبي نفسك
بتقولي انك : متشائمة ،وحيدة ، بتفكري في عيوبك ...
حبي نفسك واتمنيلها الخير وابعدي عنها الوحش والسئ
وفي الدين بصي للي اعلى منك وقلديه
وفي الدنيا بصي للي اقل منك واتعظي بيه
اختي الحبيبة

ده يمكن هو اللي قدرت عليه
ولو عندي حاجة تانية فورا هقولك


عامة احنا هنا عامة
اخواتك
واسمحيلي اكون صحبتك ،،
واحنا كلنا تحت امرك في اي وقت واي مشكلة واي استفسار