اتظن انها محجبه؟؟!!..حملة التعريف بالحجاب الشرعي

[شريف]

السلام عليك أخي الكريم
بارك الله فيك على الحملة المباركة

أنا كنت بدأتها في منتدى آخر ولكن المنتدى هنا يمنع وضع روابط خارجية
ولكني سأضعها على هيئة اقتباس هنا وهو الموضوع الثاني لي في هذا الموضوع

أولا عايزين نبني كلامنا على شوية قواعد مهمة جدا ولازم نحفظها زي اسمنا وأكتر

1- لا ينال ما عند الله إلا بطاعته
2- إن أعطاك الله وأنت تعصيه فاعلم أنها استدراج
3- طاعة الله هي الأهم مهما حصل ولو على رقبتك
4- إن أصريت على معصية الله فلا تشرك الناس معك فيها
5- إياك ثم إياك ثم إياك أن تجعل نفسك فتنة للناس أو أن تجعل الناس يقتدون بك في الخطأ

نبدأ بقى الموضوع

أولا أنا ليه كتبت الموضوع اللي فات ده والموضوع ده وقارف نفسي وعمال اكتب ومضيع وقت عشانهم
بصراحة يا بنات ، شكلكم بقى وحش أوي، مش معقول أبدا تكون واحدة منكم مسلمة مؤمنة موحدة بالله وتلبس لبس زي ده
لا يعقل أبدا أن تكون واحدة تريد العفاف وتسعى إليه وتلبس اللبس ده
لا يمكن
أنا مش باشتم والله
اصبروا عليا للآخر

يعني مثلا البنطلون اللي حضرتك بتلبسيه بفرض أنه مش ضيق وبفرض أنه واسع
مع إني مش باشوف البناطيل دي خالص

تفتكري أن لبسك للبنطلون صح؟؟؟؟
تفتكري أن لبسك ليه مش بيفتن
أنا مش عايز أوضح أكتر من كده
يعني بلاش لحسن أتطرد من المنتدى

طبعا أنا فارض فروض غريبة لكن الحقيقة غير كده خالص
يعني اللي بيتلبس اليومين دول مش بناطيل خالص ، تقريبا استرتشات

والله العظيم أنا نفسي أتكسف ألبس بنطلون زيه

سامع واحدة قاعدة وفرحانة لأنها بتلبس جيبة
الكلام لحضرتك برضه
افتحي الدولاب كده دلوقتي والبسي جيبتك وبصي لنفسك في المراية
وتأكدي أن تقريبا مش حتفرقي كتير عن الكلام اللي فات

ويعدين بفرض أن جيبتك ميت فل وواسعة ومبحبحة
البلوزة اللي فوق دي
مالها ضيقة كده ليه

ولا في حاجة غليظاني وحاتفرس منها
بجد أنا باموت من الغيظ منها

تلاقي الواحدة منكم لابسة لبس كويس أوي ومحترم جدا
بس فيه حاجة واحدة غلط
عارفه ايه هيا
البلوزة ولا آسف البودي اللي تحت الجاكت مثلا ولا البلوزة الواسعة اللي فوقيه
وبتكون لون واحد وغالبا ما بيكون أبيض
وبتكون ضيقة جدااا على الذراع
مش بالله عليكم حاجة تخنق
يعني عملتي كل ده وفي الآخر بوظتيه بالبلوزة المنيلة دي

ولا في حاجة تانية
ودي مصيبة برضه
ربطة الإيشارب
بجد مش عارف اقول ايه
أنا حاسس إني باتكلم في ناس مش مننا أصلا
ده مجرد إحساس
انتو عليكم ربطات إيشاربات تفقع الدم

اللي تبين رقبتها وتقول محجبة واللي تبين مقدمة شهر راسها وتقول محجبة واللي واللي واللي

على فكرة بقى ربطة غلإيشارب من أكتر الحاجات اللي بتجذب الرجل للنظر للمرأة
ده يعني لو حضرتك مش حاسة بخطورتها

أنا اتكلمت كتير عن العيوب
صح
والله هي العيوب مش حتخلص لكن أنا زهقت اللي عايز يكمل يكمل

ثانيا
أقولك على حاجة
أنا لو لقيت واحد بيعاكسك في الشارع المفروض إني أتصدى له بالموعظة الحسنة
ده اللي المفروض يحصل
بس بصراحة مطلقة
لبسك ده مش بيشجع أي واحد أنه يتصدى للمعاكسات
ليه لأن اللي بيعاكسك مش كان حيعاكسك إلا لما انتي لبستي اللبس ده
طبعا أنا باتكلم بصورة عامة لأن فيه بعض الشباب الغريب اللي بيعاكسوا حتى المنتقبات


فياريت تديني إحساس بأنك خايفة على نفسك ومهتمية بشرفك ومنظرك أمام الله والخلق

اه صحيح
انتي مش عارفه أن كل واحد شافك في الشارع وافتتن بيكي حتاخدي ذنبه
يعني مثلا انتي خرجتي من البيت النهاردة وقضيتي بره البيت 6 ساعات
شافك في الفترة دي حوالي 3000 شاب
2000 منهم بصوا عليكي وتمعنوا في البص
حتاخدي ذنب لبسك للبس ده وذنب 2000 واحد غيرك
وياسلام بقى لو حد مثلا صورك ونشر صورتك بين أصحابه وكلهم افتتنوا بيكي
تبقي واخده من 6 ساعات بس ملايين السيئات
عشان مجرد بنطلون ضيق ولا بلوزة ضيقة
ايه رأيك؟؟؟؟

ثالثا
سؤال؟ هو حضرتك مش عايزة تلبسي لبس صح ليه؟؟؟؟؟
1- خايفة من أصحابك لحسن يتريقوا عليكي !!!
2- بتتبعي الموضه!!!!
3- خايقة لحسن شكلك مايكونش حلو فبالتالي مفيش حد حيعجب بيكي وممكن ما تتجوزيش!!!!
4- ولا خايقة سن زواجك يتأخر!!!!
5- ولا خايفة أنك لما تلبسي اللبس ده يجيلك واحد بدقن ويقولك قال الله وقال رسول الله!!!!
6- ولا خايفة من دول كلهم
!!!!!!!

أنا حاتكلم عنهم بالترتيب كده
1- قال الله عز وجل في سورة غافر ( وإذا يتحاجون في النار فيقول الضعفاء للذين استكبروا إنا كنّا لكم تبعا فهل أنتم مغنون عنّا نصيبا من النار،،،،،قال الذين استكبروا إنا كل فيها إن الله قد حكم بين العباد)47,48
دلوقتي سمعنا الآية
وعايزين نناقشها شوية
ربنا بيقول أن فيه ناس يوم القايمة حتيجي ويكون عندها معاصي كتير فتقول يارب ده مش بإرادتنا ده فيه ناس تانية إحنا قلدناهم وهما اللي أغوونا ويقولولهم ده أنتم اللي أغويتونا خدوا شوية من عذاب النار
فتقول الناس التانية خلاص الوقت فات ومش حينفع كلنا دلوقتي في النار وبنتعذب مع بعض

الآية التانية في سورة البقرة ( إذ تبرأ الذين اتبعوا من الذين اتبعوا ورأوا العذاب وتقطعت بهم الأسباب،،،، وقال الذين اتبعوا لو أن لنا كرة فنتبرأ منهم كما تبرأوا منّا كذلك يريهم الله أعمالهم حسرات عليهم وما هم بخارجين من النار)166,167

الآية شارحه نفسها جدا ومش عايزة تفسير

وبعدين فيه حاجة تانية صغيرة
هو فين شخصيتك
كانوا بيسموا زمان اللي بيمشي ورا الناس بدون وعي بالدلدول
سوري بقى على اللفظ

2- يقول الله عز وجل في سورة سبأ (...ولو ترى إذ الظالمون موقوفن عند ربهم يرجع بعضهم إلى بعض القول يقول الذين استضعفوا للذين استكبروا لولا أنتم لكنّا مؤمنين،،،،قال الذين استكبروا للذين استضعفوا أنحن صددناكم عن الهدى بعد إذ جاءكم بل كنتم مجرمين،،،،وقال الذين استضعفوا للذين استكبروا بل مكر الليل والنهار إذ تأمروننا أن نكفر بالله ونجعل له أندادا وأسروا الندامة لما رأوا العذاب وجعلنا الأغلال في أعناق الذين كفروا هل يجزون إلا ما كانوا يعملون)31,32,33

برضه الآية مش عايزة تفسير وموضحة نفسها جدا
وطبق الآية برضه على المعاصي مش لازم الكفر بس يعني
بس حضرتك شفتي أصحاب الموضات حيقولوا ايه يوم القيامة
طبعا هما هنا في الآية (الذين استكبروا) واللي زي أنا باتكلم عليهم هما في الآية ( الذين استضعفوا)

3- دي ضعف شخصية وعدم ثقة بالله
الواثق بالله يمر في حياته كالصلب لا يفتته اي شيء

4- هو انتي ماشفتيش قبل كده واحدة مش محجبة وما اتجوزتش إلا قبل الثلاثين
ولا واحدة محجبة حجاب أي كلام وعنست
يبقى ليه نحصر نفسنا في دائرة أن الحجاب الكامل بيأخر سن الزواج
ويعدين هو مش ربنا برضه اللي فرضوا
وكلنا عارفين أن كل فرض من ربنا فيه خير لينا
يبقى ازاي تكون طاعة ربنا فيها تأخير لسن الزواج اللي هو إحنا شايفينه شر
واتباعا للقاعدة رقم 1 يبقى مش حتتجوزي جواز عدل إلا لما تتحجبي حجاب عدل
وحتى لو اتجوزتي وانتي مش محجبة كويس حتلاقي جوازك فيه منغصات كتير جدا بعكس اللي ماشية على طاعة ربنا

وبعدين حتة كده على الهامش
حضرتك خايفة لما تتحجبي حجاب صح يقوم الشباب يبصولك بصة استحقار وتخلف
ويقولوا شفتم فلانة جالها عقد نفسية وقامت لابسة اللي هيا لابساه ده
ثواني كده
اللي بيقولوا الكلام ده متخلفيــــــــــــــــــــــــــن عقلياااااااااااا والمفروض يروحوا يتعالجوا من الأمراض اللي هما فيها
اه والله العظيم أنا باتكلم جد مش باهزر
دول مرضى
وعيانيين

ليه مش بتبصي على أن فيه ناس تانية حتحب أوي حجابك وبتفرح جدا لما تشوفك لابسه لبس محترم
ليه مش بتفكري أن ربنا جل جلاله هو نفسه بيفرح بيكي لما تطيعيه وتلبسي لبس كويس يرضيه
ليه مش بتفكري أن النبي صلى الله عليه وسلم حييجي يوم القيامة ويقابلك ووجهه ينبض من السرور بكي وبتغييرك لهدومك القديمة بهدوم جديدة هو يرضى عنها

أنا نفسي لما باشوف واحدة مش كانت محجبة وبقت محجبة أو لما تلتزم بلبس صح والله العظيم بازقطط من الفرحة وباطير من جوايا
وباحس أن الدنيا لسه بخير وأن فيه أمل كبير فينا

ما تخافيش رزقك موجود في السماء حينزلك في ميعاده مهما كانت الأحوال
( وفي السماء رزقكم وما توعدون) الذاريات
وماتخافيش زي ما فيه ناس مش بتحب التزامك، فيه ناس أكتر بتعشق نبض إيمانك الداخلي
ماتخافيش طول ما انتي مع ربنا وماشية على خطى حبيبه صلى الله عليه وسلم

6- انتي المفروض أنه يجيلك واحد من 3 أشخاص لما تتجوزي إن شاء الله
الأول : مش حيقولك حاجة عن الدين ومش حيطالبك بحاجة فيه
الثاني : حيطالبك بس بالفروض يعني الصلاة والصوم والحج والزكاة ومش حيقولكك حاجة تانية خالص
الثالث : حيقولك فين الفروض وفين طاعة الله

فاهمه؟؟
الثالث ده حيخاف عليكي زي عينيه
مش بيحب حد يبصلك بصة ولا حتة يديكي غمزة
مش بيحب أن حد يتمرقع معاكي في الكلام
مش بيحب حد يقولك كلمة تجرحك
مش بيحب حد يقول عنك كلمة من وراكي مش كويسة

إنما الأول فده راجل مايع آسف فهو ليس رجل إنما ذكر فقط
ومفيش داعي أشتم فيه كتير

الثاني ده اقل ميوعة
لكن هو بس عرف الفروض واكتفى وربما لم يعرفها كلها، فلو عرفها كلها لما تركك تلبسين لبس مخالف للشرع

الشاهد أن لو جالك واحد باين عليه أنه بيخاف ربنا اقبليه بسرعة لقول النبي صلى الله عليه وسلم ( إذا جاءكم من ترضون دينه وخلقه فزوجوه) وبناءا على شكلك ومنظرك وطريقة لبسك حيجيلك واحد منهم فاختاري منظرك عشان تختاري راجلك

6- قال الله عز وجل (...ومن يتق الله يجعل له مخرجا ،،،، ويرزقه من حيث لا يحتسب، ومن يتوكل على الله فهو حسبه، إن الله بالغ مره قد جعل الله لكل شيء قدرا)الطلاق

أخيرا كلمة صغيرة عايز اقولها

بالله عليكي يا أختي
مش شايفة اللي بيحصل في فلسطين وغزة العراق وأفغانستان وكل البلدان بما فيها إندونسيا وبورما وغيرها وغيرها

مش شايفة أن أي حاجة بتحصل في الدينا بتتلزق في المسلمين مع إنهم مش بيعملوا أي حاجة خالص واليهود سبب كل خطيئة في هذه الدنيا
بعيدا عن السياسة

مش معقول يبقى الحال من بره ومن جوه كمان
يعني إحنا مش قادرين على اللي بيشتموا فينا ومش قادرين كمان على نفسنا

مش بالله عليكي حاجة تخزي

والله أنا ساعات بامشي مدلدل راسي لأني حاسس بالعار
وحاسس إني كل أما أمشي في حتة الناس حتعايرني
مع إن كلنا كده

بالله عليكي خدي خطوة دلوقتي
بالله عليكي ما تقفليش الموضوع إلا لما تاخدي قرار
بالله عليكي
أتوسل إلى الله أنك تكوني اقتنعتي

فيه حاجة تانية
اللي حيقروا الكلام هنا في المنتدى ممكن ما يطنبقش عليهم الكلام ده اللي أنا كاتبه
لكن مهمة حضرتك أنك توصلي اللي فهمتيه لزميلتك وصاحبتك وتقنعيها بيه وماتسيبهاش إلا لما تلاقيها غيرت طريقة تفكيرها

آسف على التطويل
جزاكم الله خيرا
السلام عليكم