مرضي الصفية

[هميان]

مساء الخير حبيبتي مهمومه اسمج الصراحه وايد ظايقني مفروض تسمين اسمج احلا من جيه ما شي يستاهل يخليج مهمومه
على العموم حبيبتي انا جربت اللوريد شهرين متواصلين الله على الحركه المتواصله احتمال تتركينه بسبب الحكه اقولج شي كل جسم يختلف فالعلاج عن جسم الثاني انا كان تروح عني الصدفيه 3ايام اربع ايام وترجع نفس ماهي
وانا الحين وقفت الدوا بعد شهرين من الاستعمال المكان الوحيد اللي طلع فيه بقعه سمرا في جسمي لان الدكتوره اغادير تقول اذا اسمر المكان بدايت الشفاء من الصدفيه نهائي وانا الحين اتعالج عند دكتور في قطر عن طريق ابره اسمها amevive(alefacept)مره فالاسبوع لمدة 3شهور والله ما اكذب عليج من ثاني ابره تقريبا شفيت 60% وبكره ان شا الله باخذ الابره الثالثه وان شا الله تكون النهائيه
واي سؤال تبينه او استفسار انا تحت امرج ونصيحه مني اذا حسيتي بالحكه من مرهم اللوريد استخمي ماي الورد
ملاحظه هامه : انا تزوجت وكانت عندي الصدفيه خفيفه وجبت بنت اموره مثل الورد عمرها 16 سنه ولا تخافين ماراح يصير في عيالج اي شي عن تجربه
الله يشفيج