ارجو تفسير حلمى عسى ان يكون الفرج قريب

[الشيخ أبوالبراءالأحمدى]

المشاركة الأصلية كتبت بواسطة نور عبد الرحمن

جزاك الله كل خير ارجو تفسير حلمى
عسى ان يكون الفرج قريب

حلمت ان الزوجه الثانيه لزوجى حدثتنى بالتليفون وقالت لى بطريقه متعاليه قولى لزوجك ( قالت اسمه ) ان تيته فلانه ماتت وهى جدتها متوفيه من زمان وهو نزل راح لهم وانا اخدت الاولاد وروحت اعزى (على الرعم من ان فى الحقيقه لا يوجد اى صله بينى وبينها وهو متزوج من شهرين وبيقول ان ده زواج محنه وان هو مش مبسوط ونفسه يخلص من الزواج ولكن مش عايز يظلمها وبيقول لو هى طلبت وصممت حطلقا وهى ساعات تطلب وبعدين ترجع فى كلامها تانى ) المهم روحت اعزى وخبطت على الباب فتحت لى هى وشبه متحجبه يعنى حاطه على راسها ايشاب مغطى نصف شعرها تقريبا وابتسمت فى وشها وانا بعزيها بس رجعت قولت لنفسى ده انا مش بحبها ازاى اقابلها بود كده ودخلت جرى وانا دخلت البيت لقيت ستات كتير قاعدين وشكلهم حزين دورت على وش اعرفه مالقتش ولقيت واحده لونها اسود حيتها وعزيتهاولقيت زوجى بيكلم اخوها فى التليفون واخوها بيطلب منه شغله او مساعده معينه وجوزى مش مبسوط انه بيشغله وخرجت من الحجره دى لقيت الست المتوفيه نايمه على حاجه زى ترابيزة السفره ولسه محدش غسلها ووجهها باين قمت حاولت اساعدهم فى الغسل قولت لهم هاتو 4 كروانات مايه دافيه وبحاول اساعد لقيت مفيش استجابه لكلامى وزى ما اكون مش مرغوب فيه او فى مكان مش بتاعى المهم اخدت اولادى ومشيت لقيت ناس مقابلانى بيقولوا ليه يا بنتى تيجى وتعملى فى نفسك كده دولا ناس اخدوا جوزك منل مردتش ولقيت نفسى فى حجرة نومى وحوليا اولاى وجوزى نايم على السرير على بطنه
وانا بقوله ايه اللى جابك علشان ده كان يومها قال سبتها فى المعز وجيت
وصحيت على كده

ارجو من فضيلتك الدعاء لى بظهر الغيب ان يفرج الله كربى ويستجيب لدعائى

ــــــــــــــــــــــــــــــــــــــــــــــــــ ــــــــــ

بسم الله الرحمن الرحيم
أختى الكريمة / نورعبد الرحمن
السلام عليكم ورحمة الله وبركاته
وبعـــــــد
حافظى على زوجك أختى الكريمة
وانظرى فى أمره جيدا
ولا تتركيه لهوى نفسه فإنه حقا فى محنة
ماأوقعه فيها إلآ هذا الهوى
ولعل أمركما ينصلح فى نهاية المطاف
ولا تنشغلى بأبنائك عن أبيهم
واجعلى له من الوقت ما يثلج صدره
يسر الله أمركم وجعل الخير والحب دائما بينكم
وجعلنى وإياكم من أهل طاعته ومحبته
اللهم آمــــــين