|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
|
|
#1
22-07-2007, 03:09 AM
|
||||
|
||||
السلام عليكم ورحمه الله وبركاته
اختي ماجده ... اخي فكري ذياب .. اخي صدى البكاء...
السموحة على تأخري في طرح الخلطه التي سبق أن نوهت عليها هنا في موضوعي ... ولكن لي عذري ... !! فاعذروني رجاء..! هنا سأرفق الخلطه على موضوع word اسأل الله لي ولكم النفع فيه ... ولم اقصد في تأخري أي شي لا سمح الله ... ! اتمنى منكم تجربته .. والتعقيب عليه هنا اول بأول يهمني ذلك ... لكل شخص استخدمه .. لن تخسروا شيئا بإذن الله ... اسأل لي ولكم الشفاء التااام ... بإذن الله تعالى ... اختكم في الله PrinCess |
|
#2
22-07-2007, 03:54 PM
|
|||
|
|||
السلام عليكم
سلامي وتحياتي للجميع ...
معاكم اخوكم ابوضياء من جده خبرة 10 سنوات مع هالصدفيه اللعينه اللي مطلعه عيوني والحمدلله ... اختى Princess اشكرك (وبعنف) على فكرتك الجميله هذه لطلبك للمشاركة من الجميع ويسعدني ويشرفني اني اكون معكم في هذا النقاش وتبادل الاراء والخبرات والتجارب والنقاش الجاد واللي ماهو جاد كمان .... لانه بجد مريض الصدفيه محتاج لأي ابتسامه لأي ضحكه لأي فرفشة تنسيه ولو شوى من هالعله اللي عايشينها ( لاتفهموني غلط وتقولوا هالراجل مرررره مضجر منها وتعبان في حياته ... والله بالعكس احمد الله على كل حال وراضى ومقتنع تماماً انها خير لنا بأذن ال وهذا قدر الله وماشاء فعل .... وابشركم اني عايش حياة جدا طبيعيه والحمدلله) بعدين يالبرنسيسة ماشاءالله عليكي نشفتي ريقنا لين نزلتي هالخلطه السريه .... بس إنشاءالله بتجيب نتائج حلوه ( بس سؤال اذا ممكن هالزيت ناريل هل له اسمه ثاني غير هالاسم لأني بصراحه اول مره اسمع فيه) ... واذا ممكن تفيدينا بأخر تطورات هذه الخلطة معاكي .... عموما الله يجزاكي بالف خير يارب وترجع والدتك بالسلامه وبصحه جيده ويطمنكم عليها ربي إنشاءالله. اخى صدى البكاء ... بعون الله تعالى ترجع لنا سالم غانم معافى إنشاءالله . اخى فكرى .... سعدت بلقأك هنا وافيدك باني اوقفت علاجات خبير الاعشاب اللبناني زين الاتات لاني بصراحه لم اجد أي تحسن يذكر والحمدلله ... وفي خلال الايام القادمه راح ارجع ثاني (للميتروكسيت) لاني زي ماقلت لك صاير معي التهاب شديد جدا في المفاصل بسبب اللي ماتتسمى هذه ..... اختي ماجده ... سعدت بلقائك وهدئي اعصابك شوى لأني مثلك فلتت اعصابي شوي من هالبرنسيسة الصغيره المرحه ماشاءالله عليها بس رجعت والتمست لها العذر لظروف مانعلمها ... عموما انشاءالله قد بديتي في تجربة هذه الخلطه ؟ وياليت تفيدينا بنتائجها معك .... عموما ادعوا الله للجميع ان يشفينا ويشفى مرضى المسلمين ... اللهم امين . واسف جــــــــدا على الاطاله وكثر الحكي |
|
#3
22-07-2007, 05:19 PM
|
||||
|
||||
|
السلام عليكم ورحمه الله وبركاته
اخي .. أبو ضياء
الشكر الجزيل لك على دخلت القوية معنا في موضوعي .. بالأحرى فهو موضوع لنا جميعااا...  هنا تقدر مثل ما تعرف ندردش .. ونسولف ونقول شنو يصير معانا مع اللصقه (الصدفية) .. بالنسبة لسؤالك عن العلبه ... للعلم أن اختي هي من اشترته بس هو ما يتوه أبدأ وممكن يكون معروف عادي .. هو في علبه خضراء ( تفتحه مثل لما تفتح معجون الطماط)... اظن تقدر تقول عنه إلي فيه رسمة جوز الهند .. اسأل عنه وأن شاء الله ما تتوه فيه .. على فكره يعني تكلفة الخلطه هاي لا تذكر .. العلبه هااي مش غاليه ... والثوم عندك في البيت .. وان شاء الله فور ما تحطه اصبر عليه وراح تخف الريحه .. وبعدين حط في بالك أن جسمك راح يمتص هالشي .. وتأثيره ما راح يروح بسرعه ... يعني شي طيب ولله الحمدلله إذا انت صايرة عندك حاليا متوسطه متفرقه راح تلاحظ الفرق بإذن الله .. اما عن نفسي .. فأنا سبف واشرت إني جربتها مرتين ... وعازمه كل العزم على ترك كل شي .. لي رب يعلم ما بحالي وقادر على شفائي .. ثانيا لا تنسى اهميه البحر .. فأنا احرص متى ما اتت الفرصه لي الذهاب .. حتى لو غطست نفسك لمجرد ربع ساعه هذا كافي ع قريب المغرب قبل الغروب ... ثالثا .. حط هالخلطه ... جربها مرتين في الإسبوع .. مبدئيا وقولي شنو راح يصير معاك .. وانا راح اساوي نفس الشي ... خلنا متعاونين .. نحن شنو ورانا ... راح اقولك شي ... انا عن نفسي احط هالشي بعد ما اصلي الفجر ... تقدر اقعد لي ساعتين ( هالفتره كاافيه ولله الحمدلله) وبعدها ارووح استحمى ولا من حس ولا من درى .. ولا احراج ولا غيره ... وما راح تحس بثقل الشي .. حطه في وقت تكون فيه فاضي .. ماظن راح تخرب الدنيا لو تفيجت لنفسك .. مرتين او 3 بالإسبوعين ولمده ساعتين في كل مره .. وما ظنه يعيق اي نشاط تقدر تعمله ... وبعدين شنو فيها ريحة الثووم .. انا عن نفسي اقول لنفسي هذا عطر جديد بينزل توه عالسووق  وانا اول ما يستخدمه خلنا على تواصل في هالموضوع ... وأن شاء الله .. كل دخلتي راح تكون بعد ما احطي الدوااء واغسله ... اختكم في الله  |
|
#4
23-07-2007, 03:28 PM
|
|||
|
|||
|
السلام عليكم
هلا بالاميرة الصغيره ... تحياتي لك واشكرك على ردك واهتمامك .
الحين علبة زيت منتي عارفه توصفيها لي صارت فزوره والله !! اقول اقول عطني اختك هاي اللي شرتها لك وانا اتفاهم معها ... اقول يااخت الاميرة الصغيرة ممكن تعطينا وصف احسن من وصف خيتك الاميرة لعلية الزيت (....... ) ومن وين شريتيها من صيدلية ولا من سوبر ماركت ولا من محل عطاره ولا تكون تركيبة خاصة لسيدة عجوزه عملتها ؟ وبعدين يالاميرة بالنسبة للبحر صدقيني اعتقد والله اعلم انه مابينفع لمريض الصدفيه كثير.... غير الارهاق والاجهاد والهجولة (حتقولي شنو هاي الهجولة ... اقولك اللي هي الروحه والجايه والشيلة والحطه... يعني شغلة متعبة ومرهقه ومن غير أي نتيجة مرضية) لاني بصراحة جات قترة كنت اذهب للبحر كثير لدرجة كنت اخذ معي جوالين ... حتقولي شنو هاي الجوالين ... اقولك جراكل ماء واعبيها من ماء البحر واخذها للبانيو واستحمى فيه .. وماتقولي لي شنو هاي البانيو هـــــا ... لاني مابعرف غير هالاسم هذا . المهم وبصراحه كمان ما قد سمعت احد معه الصدفيه واستفاد من البحر .... ونسيت اقولك عن تجربتي مع البحر الميت بالاردن كانت تجربة مرررره قاسية ومتعبه وللاسف بدون أي تحسن للحالة والحمدلله .... اما عن الثوم وازعاجه ومضايقاته ... ماهي مشكلة اذا كانت هناك نتائج مشجعة وتتحسن الحاله ولو شوى . عموما اذا ماكان هناك وصف ادق من وصفك لهذا الزيت ... الله يعيني راح ادوره محل محل وانشاءالله راح احصل عليه واستخدمه واعطيكي نتائجه . منتظرين نتائج مبشره منك انشاءالله . واسف على الاطاله ... ابوضياء . |
|
#5
23-07-2007, 09:49 PM
|
||||
|
||||
السلام عليكم ورحمه الله وبركاته
ههههههههههههههههههههههههههههه
هلا اخوي .. ابو ضياء عاد فيك تعرف انه موتني ردك من الضحك ... احسك قاعد تتحرطم مع نفسك لأنك ما عرفت شنو هي هالعلبه ههههه عالعموم انا وصفتها لك وحليلني قلت له هي خضرا فيها صورة جوز الهند مكتوب عليه ( زيت جوز الهند الصافي) اسأل البايع قوله ترا اباه اصلي ... المهم انا صورة لك صورته بالعربي والإنجليزي ههههههههه عن تقول عني شي عاد في ردك الثاني استعمله كله انزين .... وبالنسبة لتعليقك البحر .. انا بالنسبة لي ماله داعي اروح البحر الأحمر وعلى طاري النتايج فأنا قريب جريب من موقع عن التأثير الإجابي لها نسبة كبيرة وبدون استعمال اي نوع دواء ...فادهم البحر واااايد ... على العموم راح تلاحظ ملاحظه (أن الدواء ما يمشي مع الكل ) وإن شاء الله هذا ينفعك .. اختك الصغيرة برنسس ملاحظه (من وين الأخ + أي نوع صدفية عندك+ شنو حدتها + من اي بلد) << تحقيق ملاحظه2: ترا انا ارفقت بس الوجه إلي كتابته عربي عسب ماشي وسع للثاني ههههه |
|
#6
23-07-2007, 09:55 PM
|
||||
|
||||
ملاحظه ثالثه لو سمحت لي <<<
ترا هالزيت روح لأقرب بقالة اسأل عنه .. وان شاء الله يكون عندهم.. لا صيليه ولا خلطه من عند حرمه ولا غيرها ... جفت شلون انا مريحتك ... عشان بس تقول الأميرة الصغيرة ما تتعب الواحد |
|
#7
24-07-2007, 12:07 AM
|
|||
|
|||
|
السلام عليكم
اهلا وسهلا بالاميرة الصغيرة يسعدلي هالتسطيحة الحلوه هذه ... وماتقولي شنو هالتسطيحة هـا !!اقصد هالضحكه البريئة . طيب قولي من اول انه زيت جوز الهند طبعا اكيد انه معروف ومتوفر عندنا .. ومغلبه حالك واخذه العلبه لأستديو التصوير وصورتيها ومدري اشلون نزلتيها على النت ..سبحان الله ... بس تعرفي صديتي نفسي من قولك (انه مابيمشي مع الكل ) لاني عارف حظي المنيل بستين نيلة واكيد راح اكون من ضمن (الكل) اللي ماراح يمشي معاهم .... وماتقولي لي شنو هاي النيله لاني مابعرف اوضحها بصراحه !!! وعن نتائجه معك والله فرحت لك وانشاءالله هالخلطه هذه بتجيب خبر هاللصقه ( الصدفيه) . وبعدين مين قال انك متعبه ... سلامتك والله فيكي الخير والبركه ولا ماكان رحتي للأستديو !!! وعن البحر .. بصراحة مافهمت منك شـــي ... طبعا اكيد هذه مشكلتي بس مو مهم . اما عن حضرتي ... انا طال عمرك من جده بالسعوديه وصدفيتي منيله بستين نيله بعد ومن شدتها سببت لي التهاب شديد جدا في المفاصل والحمدلله على كل حال وماخليت ديره مارحت لها طالب العلاج ... يعني تقدري تقولي خلوني حقل تجارب من كثير من الاطباء وخبراء الاعشاب والعطارين وكذا خلطات وتركيبات من حريم عجائز مخرفين !!! ( اكيد بتعرفي شو يعني مخرفين صح ؟ ) وللاسف جميعها كانت مهدئات فقط .... واليوم الاثنين 23-7 اخذت اول جرعة من العلاج الكيماوي اللي هو الميتوتروكسيت (Methotrexat ) وانا عارف خطورته على الكبد لكن والله مضطر والله يسلم . عموما ... ادعوا الله ان ينزل لنا الشفاء ويكتب لنا اجره ويصبرنا على هذا البلاء . اسف على الاطاله .. ابوضياء . |
|
#8
05-08-2007, 07:42 PM
|
||||
|
||||
|
السلام عليكم ورحمه الله وبركاته
هلا إخواني وخواتي ...
يعلم الله الفرحة التي غمرتني لرؤية الفعالية التي عليها الموضوع ... والهمم العاليه التي ملئ بهاااا ... أسأل الله العلي العظيم أن يديم علينا هذه الروح العالية دائما أبداا ويجمعنا الله على خير ....  أختي حلا.. جروح .. بنت الكويت .... أنا شاكره لكم هالهمم العالية إلي دخلتوا فيها الموضوع الخاص فينا كلنا وإلي اضفيتوا فيه هالجوو المرح والإسلووب الرائع في المناقشه ... أخ فكري .... الشكر الجزيل على مواصلت الردود في غيابي.. الشكر الجزيل لك على ملاحظه غيابي .. ولكن الظروف كما تعلم!!  أنا في صيفي هذا اداوم دوام صيفي( ما تحب الفضاوه) ونوهت لهم إني راح أأجز من عندهم في نهايه هالإسبوع أو الإسبوع إلي بعده ... خططت بهالشغل .. أولا اشغل نفسي ... واشيل عني هالكسل إلي ايي من ورا الإجازات ... ثانيا اغير من نفسيتي وأجدد منها ... وأنا الآن مستعده فور الإنتهاء من الدوام أن ابدأ بالإهتمام بصديقتنا بالغصب الصدفية.. ... ما تحسها إنها ملقوفه .. تبي ترافجنا بالغصب ! ليت عندها ذووق وتعرف آدابها !!! ما راح اطول عليك في ردودي ... أخ ابو ضيااء ... جزاء الله خيرا .. على ردودك الطيبه في الموضوع ... أنتم فعلا لكم دور أساسي فيه .. بالنسبة لباريس وهالأماكن لا والله ما رحت لها...ولما بفكر أطلع لرحله .. أول شي ابغي اروح بيت الله الحرام .. اجدد من نيتي .. والكل عارف في هالمكان المقدس ؟؟ رااحه ما بعدها رااحه ... أفكار الدنيا كلها تنساها .. والحمدلله تاري نروح نروح نجوف الجوو الحلو في هالأماكن ... مشكور جدا على روحك المرحة إلي اضفيتها في سؤالك عني ... جدا ضحكت ههههههه السموحه أن كان ردي غير وافي وكافي ... بس انا مضطرة اطلع الآن للعلم.. إني كنت متابعه للموضوع لغاية الصفحه ال7 بس بعدها ما دخلت إلا اليوم .. وفرحت على هالرووح والهمم العالية ... وفقكم الآن .. ولي عودة قريبه بإذن الله .. لأشارك في حواراتكم ... |
|
#9
06-08-2007, 12:01 PM
|
||||
|
||||
|
اقتباس:
عاد تصدقون احس الميزه الحلوة بالصدفيه انها وفيه احسها اوفى من الاوادم بس صراحة اول مره بحياتي اتمنى الخيانه يالله متى إيي هاليوم الي تخوني وتكرهني فييييه وتفارج عني
__________________
انـا رغـم ( الألـم ) أسكـت ! وأشـووف الصمـت بـي يــحـكـي  |
|
#10
13-08-2007, 02:21 PM
|
||||
|
||||
|
السلام عليكم ورحمه الله وبركاته ..
اخي معانق طيفها الخلطه جدا بسيطه علبة جوز الهند (مرسوم عليها جوز الهند وبخط كبير كلمهCBC) + فص ثوم كامل ... والطريقه راح تحصلها في رد لي عشكل مرفق في صفحة رقم 4... وصورة علبة جوز الهند ( خذ الأصلي) في صفحه رقم 5 كمرفق لي ... لأنه هنا مش راضي يرفها لي مره ثانيه! وكما ستلاحظ التكلفه ستراها لا تذكــــــــر.. ان تشجعت وعملت الخلطه .. انا عن نفسي وضعتها في عبله زجاج فاضيه ... وامسح ع جسمي مثل اي زيت ... شي جميل ان الواحد يشجع الثاني في علاج معين ويتابعون مع بعض التطورت...هذا من نظري تشجيع.. السموحه على القصور.. اتمنى ان يكون كل خواتي واخواني بخير وبصحه وعافية |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض المتطور
