الجديد في علاج مرض الصدفيه

[بنـ الكويت ــت]

السلام عليكم ورحمة الله وبركاته
اول شي انا عضوة يديده معاكم بالصدفه اتصفح بقوقل طلع موقعكم ومن حسن حظي صراحة
يعطيكم العافيه يارب على هالموقع
وماقصرتوا صراحة رايتكم بيضه
الله يعطيكم على قد نيتكم ان شاء الله
انا اعاني من مرض الصدفيه سارلي تقريبا 5 سنين وانا الحين عمري 17 سنه
تعبببت لما اشوف البنات الي بعمري مافيهم شي وكلهم مرتاحين وانا اعاني من هالمرض وانا اتعب
حتى مستواي الدراسي قل من كثر ماتعب وابجي منهاا
اول شي اصابني روماتيزم ( الذيبه الحمره - التهاب بالمفاصل )
بعدها بسنه اصابتني الصدفيه وحيل اعاني منهاا
انا راضيه بالي الله كاتبه بس مهما كان انا انسانه واتعب واتضايق شوي
اول شي كنت اخذ كريم بانديرم
ومضاد حيوي ..
بعدها دكتوري مال الروماتيزم قالي ان ماصارت ماكو تحسن بحالتي كل مالها وتنتشر اكثر
فالحين اخذ ابرة ميتروكسيت وايد اتعب منها
انا كانت الصدفيه منتشره بجسمي كله
وهالسنه طلعت بشعري وحيل تعذبت صراحه والله
بس الحمدالله الحين راحت وصارت قشره
بس الي ابطني وفخوذي راح شلون مادري
بس بقى الي بالابطين و العضو التناسليي
والله ملييت انا عايشه عالمضاد الحيوي حتى الحين ماقمت اروح حق الطبيبه
لاني خلاص عرفت الادويه بانديرم ومضاد حيوي
والابره صارلي 6 شهور اخذهاا ماتغير شي !
انا صراحه لما قريت وايد تشجعت ابي اجرب عسل السدر لان متوفر عندنا بالكويت والصبار بخلطهم وبشوف
وبجرب مال العرق سوس والفازليين احس ارتحتلهم وان شاء الله اشوف
ومادري شنو تنصحوني اسوي ؟
يعني كثرة الاستحمام زينه حق الصدفيه تخفف منها ؟؟
وانا ملاحظة بلشتا تزيد علي وايد بالصيف تخف
وانا من النوع الي ماشرب ماي وايد فيمكن له اثر ؟
شنو تنصحوني اسوي شغلات بعد ؟؟