الدرس السادس من دروس فقه العبادات

[الفراشة المتألقة]

المشاركة الأصلية كتبت بواسطة بنوتة سوريا * نورة

بنوتة سوريا * نورة

مشكورة أختي الفراشة المتألقة ..

العفو يا سكرة ، ولوو واجبي ، الله يسعدك.

الدرس لليوم كان كتير مفيد ..
الحمدلله ، كتير فرحتيني

شو يعني : فيه تضييق للنقديين
الله عز وجل أباح لجميع النساء إستعمال الذهب والفضة في لباسهن إيش ما كانت طبقتهن أو جنسيتهن ، مافي فرق أبدا .

فلو إنه الذهب والفضة مباح الإستعمال في الأكل والشرب والزينة ، لصار الذهب والفضة كتير غالين ، وبيصير فيه إحتكار ، إنه طبقة معينة من الناس هي يلي بتقدر تستعمله والتانين لأ.

هاد معنى تضييق ، يعني إحتكار .

فالله عز وجل حرم على الجميع الغني والفقير إنهم يستعملو الذهب أو الفضة إلا للـ لبس فقط .

ولماذا السمك استثناه الامام الحنبل ؟
السمك بس يطلع من المي بيموت ، فإنت كيف بدك تقطعي منه وهو جوات المي؟ ما بيصير صح؟

كمان لأنه السمك هو الحيوان الوحيد يلي مو محتاج دبح ، إحنا ما بندبح السمك أبل ما ناكله صح ؟ الصياد بيطلعه من البحر ودغري بناكله .

لأنه السمك مو محتاج للدبح ، ولو كنتِ ع الشط ولقيتِ سمكة ميتة بيجوز تاكليها إلا لو إنه صارت زنخة ما بتقدري ، بس لو إنه ماتت ومافيها رائحة تعفن بيجوز أكلها .

والدليل قول الله تعالى: ( أُحِلَّ لَكُمْ صَيْدُ البَحْرِ وَطَعَامُهُ مَتَاعًا لَكُمْ ).

وقول ابن عمر رضي الله عنهما قال: أحل لنا ميتتان ودمّـان ، فأما الميتتان فالحوت والجراد ، وأما الدمّـان فالكبد والطحال .
أي ميتة محرم أكلها ، وأي دم محرم شربه إلا الحوت والجراد بيجوز أكلهن من الحيوانات الميتة ، و الكبد و الطحال بيجوز أكلهن من الدم .

هي القاعدة الفقهية بتحكي إنه كل جزء بينقطع من حيوان وهو حي بنعتبر الجزء المقطوع متل الميتة ومحرم أكلها .

الغنمة ممكن ناس تقطع إلها رجلها ، الغنمة مارح تموت بتضلها عايشة ، بس هالرجل المقطوعة لو حدا بدو ياكلها رح يرتكب إثم لأنه محرم أكل الميتة ، وكل جزء بينقطع من حيوان حي بيكون حكمه متل حكم الميتة ، إلا لو إنه دبح هالغنمة بالطريقة الشرعية للدبح بيجوز أكلها ساعتها.
عرفتي عيني ؟
وضحت الصورة ؟
الله يسعدك.

وشكرا لـ عبير العتيبي على الإجابة ..
وشكرا إلك كمان ..