قصتي...
انا يا اخوان ، اقر واعترف انه لي هفوات وزلات اسأل الله عز ان يغفر لي ويرحمني ....
اول امس كنت طالعة من بوظبي ع طريق العين ومعي ابوي وامي وبنتي واب واحد قريبنا وكنت كالعادة عالطريق افتح اغاني شي شامي شي خليجي او عبدالحليم والعياذ بالله ... وصارلي تقريبا 13 سنة اسوق داخل الدولة .... وسيارتي وكالة موديل 2008 نص فورويل ... والله يا اخوان ماشية اسولف ما حصلت غير واحد دعمني من جنب السيارة ولفت السيارة ولفت ولفت ولفت وبعدين ضربت بالسور ومشيت عتايرين وقلبت وتمتها زاحة عالارض لين وقفت وطلعت وطلعت ابوي وامي وبنتي والصبي طلعوا بروحهم ... والحمدلله كلنا طلعنا سالمين ولا واحد صابه خدش غير شوية رضوض وانا انجرحت يدي من الزجاج والله يا اخواني السيارة كلها طفت وما كان يشتغل فيها ولا شي ...
عدا شي واحد عبدالحليم وعلى اعلى صوت رغم انه انا ما كنت حاطاه عالى لكن صوته قسما بالله كان يرن بالشارع رن وكان بشع .. ابشع مره اسمع عبدالحليم رغم كنت احب اسمع صوته...
اسأل الله العفو والعافية ... يارب ارحمنا ان نسينا او اخطأنا
والله يا اخوان نصيحة لوجه الله الكل لازم ينتبه لحظة الموت فجائية والله الواحد ما يدري متى ... لكن احنا لازم انحضر حالنا
|
27-12-2009, 07:24 AM
العرض الشجري