مواقف صدفية

[جودينا]

شو بدي اتزكر لـ اتزكر...المواقف جدا كثيره واعلى نسبه حققتها ايام الطفوله ...تعرفون الاطفال نشبه ما يعرفون شي اسمه مراعاه مشاعر الاخرين

اول شي بقولكم شي مدري وش يسمونه بس مو موقف...يوم كنت صغيره كنت احب العب في التراب استمتع اذا رحنا المزرعه احفر وادفن واعجن وكل اسويه بالتراب وفي يوم من الايام رحت لـ امي وسألتها سؤال وجيه ... قلت لها يما ليش ايدي كذا على طول قالت عشان انك تلعبين في التراب لاتلعبين مرا ثانيه عشان تطيبين ومن بعدها معاد لعبت بالتراب بس ماطبت

الحين موقف...مرا كنت ادرس عند مدرّسه خصوصي وكان عندها بنات كثيييير بعدين جا ولدها عمره تقريبا سنتين او اقل كلمها بـ لغه محد يفهمها الا امه... وكان يأشر علي شوي ويدخل اصبعه في عيني...بعدين ردت عليه امه وقالت,,,لا ياحبيبي هذي اللي في يدها مو كخه هذي يدها تعبانه قول لها سلامات لا ياشيخه تعرفين تواسين والله...احرجتتتتتتتتتني قدام البنات,,,

موقف ثاني ...مرا جتنا حرمه ومعها بنت صغيره,,,بعدين دخلت عندي البنت قلت لها تعالي سلمي علي قالت ..لا ..قلت ليييييه؟؟؟ مع اني عارفه الاجابه بس حبيت اسمعها منها...قالت عشان انتي لابسه قفازات ’’جونتيات’’مو حلوه ...ضحكت ضحكه المنحرج وقلت في خاطري عشان معاد تسألين ياجودينا عن اشياء ان تبدو لكي تسؤكي