كرسي التحــقيق مع الأخت ) درة القســامـ (

[ابو كارم]

متى تذهبي الى البحر ..!!
للأسف .. لم أذهب يوما للبحر ..
كم اتمنى ذلك ..
أنا اعشق البحر دون ان اراه ..

مسكينة مسكينة .
قطعتي أنياط قلبي
أكيد أنتِ ضفاوية ، ما في عندكم بحر في الضفة .
خلص اذهبي إلى مصر وتسللي عبر نفق إلى قطاع غزة
البحر عندنا حلو وجميل وكبير يمتد من رفح إلى جباليا .
أفضل شاطئ هو شاطئ مدينة خانيونس لما يمتاز به من
إتساع الشط ونظافة رماله الذهبية ، وايضا منطقة التوام
رائعة جدا ، شاطئها كبير ، بإمكانك القدوم إلى غزة أنتِ والعائلة ، وقضاء إجازة صيفية رائعة في قطاع غزة .
غزة جميلة وحلوة الحلوات ، رغم ما حدث فيها من تدمير وخراب وحرب ، حلوة بناسها وبأرضها
وعنبها وتينها وزيتونها وسماها وبحرها الجميل الرائع .
سلام عليكم .

آه صحيح . نسيت أحكي شغلة مهمة .
مش ضروري إنه تكوني من سكان الضفة المحتلة بالإحتلال الصهيوعباسي .
قد تكونين فلسطينية وتعيشين في أي دولة مغلقة لا حدود بحرية لها مثل .
يمكن تكوني من الأردن ومقصرين تروحوا على العقبة لإنها بعيدة أو على البحر
الميت لإنه ميت .
افغانستان
أثيوبيا
الكونغو
كينيا
في كمان دول بس يعني المبدأ عام هو عدم وجود بحر تطل عليه .

والبعد التام عن التوجهات السياسية بأي طريقة

لالالا .. عفوا عفوا وثلاثة عفوا وصلحوو .
شو يعني ابتعدوا عن السياسة .
العالم وصلوا القمر والمريخ والزهرة والمشتري
وعمالهم بيفكروا يروحوا على عمو بلوتو
ما بعرف يمكن وصلوا هلا وبيفكروا يروحوا مكان تاني
وأنتِ بتحكي ممنوع الحكي في السياسة .
شو الرجعية إلي إحنا غرقانين فيها .
يا اختي السياسة وتعلمها واجب
يعني نضلنا مغفلين للأبد يعني . ؟
السياسة صارت مثل الأكل والشرب وأهم منهم كمان
وأنت بتحكي ممنوع الحكي في السياسة .
عنجد حاجة تنفرز وتخلي الواحد يفكر يموت فعص .
السياسة اليوم جزء مهم من الحياة اليومية
ولازم ندخل فيها ونتعلمها وناقشها ونبدي الرأي فيها .
اثنين بيكونوا بيحكوا عن البطاطا والبطيخ بقدرة قادر
بيصير الحكي عن السياسة ، لإن السياسة أهم من البطاطا
وأيضا أهم من البطيخ .
اعطي الاعضاء المجال كي يبدوا أرائهم ووجهات نظرهم
خاصة وإن كان ضيف التحقيق فلسطيني أو فلسطينية .
فالسياسة للفلسطيني والفلسطينية كالهواء بل أهم .
لإن وجودنا ومستقبلنا وقضيتنا وحياتنا وفلسطيننا وقدسنا وغزتنا وضفتنا
وأرضنا المحتلة مرهونة بكلمة سياسة .
قاتل الله السياسة .
وشكرا .
. خالد .