افتيني في امري يا شيخ

[تقية]

السلام عليكم ورحمة الله وبركاته

يا شيخ حبيت اخذ رايك بأمري وتفتيني في مسألتي

والله يا شيخ انا قابلت حرمة وها الحرمه عندها شيوخ(جان على راسها) وقالت لي اني احمل بس حملي ما يتم لان في شيء ماسكني او مانعني اني احمل وانها حاولت تساعدني بشيوخها بس ما جدرت و طلبت مني اني اروح عند شواف ومثل ما تقول ان ها الشواف ما يسوي الشر انا بصراحه خفت اغضب ربي لاني ما تأكدت من حكم الاسلام في فعل ها الشيء المهم الوالده الله يعطيها العافية رسلت حرمة لعند هالرجال حتى تسأله عني فقال اني بخير وزوجي بخير والقلوب متصافية وعملي دوا وها الدوا اذا استخدمته بحمل انشاء الله بعدين يا شيخ طلبوا مني مبلغ للرجال انا ما كنت راضية على روحتهم بس استحيت من الحرمه الي راحت لذلك انا عطيتهم المبلغ على اساس صدقه والوالده اخذت الدوا وانا يا شيخ للحين ما شفت الدوا والوالده تحاول تقنعني استخدمه بس للحين ما اقتنعت يا ريت تفتيني بامر الدوا عباره عن لبان(بخور) اتبخر فية وشيء اشربه وطلب انهم يفدون علي بخاتم فضة ويرمونه ودجاجة سوده ويذبحونها يا ريت تفتيني في امري بس ترد علي اذا ها المر شرعي ولا لا