ليتني خدامه بين اياديك..........

[زهرة الامارات]

‏يـا ليتنـي خدامـة بيـن اياديـك .. ‏من ‏شان اشوفك كل يوم برضايـا



(ما عاش من يخليك خادمة يا يمه)


هذي قصيده روووووووعة لأم تشكي حالها بعد ان وداها ولدها (الله يهديه) للمصحه (دار العجزه) ‏او كما يقااال ( دار النسيان) والبيت أعلاه يبكي حتى القلب القاسي


‏اترككم مع القصيده




وين انت ‏يا حمدان امـك تناديـك ‏وراك مـا تسمـع شكايـا وندايـا



‏يا مسندي قلبي على ‏الدوم يطريـك ‏ما غبت عن عيني وطيفك سمايـا


‏هذي ثلاث سنين والعيـن تبكيـك ‏ما شفت زولك زايـر يـا ضنايـا



‏تذكر حياتي يـوم اشيلـك واداريك ‏والاعبـك ‏دايـم وتمشـي ورايـا



‏ترقد على صوتي وحضني يدفيـك ‏ما غيرك احدٍ ساكن فـي ‏حشايـا

‏واليا مرضت اسهر بقربك واداريك ‏ما ذوق طعم النوم صبـح ومسايـا

‏ياما عطيتك من حنانـي وبعطيـك ‏تكبـر وتكبـر بالأمـل يـا منايـا


‏لكن ‏خساره بعتني اليـوم وشفيـك ‏واخلصت للزوجه وانا لي شقايـا


‏انا ادري انها ‏قاسيـه مـا تخليـك ‏قالت عجـوزك مـا ابيهـا معايـا


‏خليتني وسط المصحه وانا ‏ارجيك ‏هذا جزا المعروف وهـذا جزايـا


‏يـا ليتنـي خدامـة بيـن اياديك من شان اشوفك كل يوم برضايا

مشكور يا ولدي وتشكر مساعيـك ‏وادعـي لـك الله ‏دايـم بالهدايـا



‏حمدان يا حمـدان امـك توصيـك اخاف ما تلحق تشـوف الوصايـا


‏اوصيت دكتور المصحه بيعطيـك ‏رسالتـي واحروفهـا مـن بكايـا


‏وان مت لا ‏تبخل علـي بدعاويـك ‏واطلب لي الغفران وهـذا رجايـا


‏وامطر تراب القبر بدموع ‏عينيـك ‏ما عـاد ينفعـك النـدم والنعايا

انا حبيت انقل لكم هذه القصيدة عشان كل واحد يفكر ويعتبر ولا يسوي في امه الي سواه حمدان عشان الدنيا دواره وبيجي يوم وعياله يرمونه