رؤيا القطط تكفون فسروه لي والله خايفة

[روان الشهري]

السلام عليكم ورحمة الله وبركـأته
ي شيخ ابحكيلك عن حالتي بالاول ثم بدخل بالرؤى
انا طالبة ايام الثانوية متوفقة ماتنزل نسبتي عن 98
ومن ثم دخلت الجامعة ماصرت اهتم بالدراسة ولا عندي حب للمذاكرة
وتخصصت بتخصص انا مابيه غير كذا معدلي زي الزفت
ثم احاول اني احول منه لتخصص غيره وماقدر ابد الا ويعطوني جواب بالرفض من قبل الجامعة رغم اني جايبة وآسطآت قوية جدا لكن مايتم تحويلي
وانا حاليا 3 سنة جامعة
ومن دخلت الجامعة عندي احلام تتكرر علي
فهل لها علاقة حالتي بالحلام ؟؟


منها ارى قطة سودا ورآي وين ماروح تجي ورآي


وايضا

حلمت اني حامل وبشهري المهم ويجون عندي حريم يقولون لي شايفة ذوليك الحرمتين
قلت لهم ايه قالو لاتسلمين عليهم ابد ترا المصافحة بس يسقطونك
قلت طيب مابقرب حولهم
الا شوي هالحرمتين جاين لي
وانا خايفة يقربون
والله ويصافحوني انا خايفة منهم الا مسكو بطني ويضغطونه واني سقطت
وانتهى الحلم


وفي حلم اخر

وايضا حلمت قبل امس باني رايحه لعرس واني ببيت ابو العروس
وابو العروس انسآن مشهور ومعروف كبير ( بالوآقع ماعرفه ولا عمري شفته )اللهم انه مريض ومصنم مايتحرك بس وآقف
وانه بالدور الثاني وحنا كلنا تحت
ابوي يقول لرجال نزلوه عشان ناخذه معنا زوآج بنته
المهم الرجال رموه من فوق لتحت طاح ابو العروس على راسه ومات
وقلت لابوي يبه شوف وش سوو فيه قالي لاتقولين فلت منهم ومات
قلت ايه والله قال ابوي احسن له
المهم
وجاء جدي وقال يلا تعالو ورآي نروح العرس كل خالاتي وامي راحو معاه
بقيت انا واختي وابوي
قالي ابوي روحي يلا انتي واختك قلت له وانت قال لا انا بحلقكم بعد شوي
قلت زين
اخذت اخذتي اسمها دانية صغيرة عمرها 9
قلت لها خلك وراي تمسكي فيني قالت زين
وانا طالعة من البيت الا اني فوق سور
وامشي لين نهايته يقابلني جرذين وانت بكرامه اللي يكونون بالمجاري كبار
واحد منهم ابيض وعيونه حمراء والثاني اسود
وجالسين ياكلون من الارض خشب وعشب يابس
واتعوذ بالله واسمي واهشهم برجلي طيحتهم من السور
وشوي نزلت من السور للجهة الثانية عشان القاعة هناك
الا الجرذين يتحولون قطوتين بنفس المواصفات وحدة بيضاء وعيونها حمرا
والثانية سودا
واحاول اهشهم مايوخرون وابي اوخر منهم مايبون يفكوني ويصآيحون وينآظروني بشكل يخوف
وانتهى هالحلم


وبعد في حلم
اني بالكلية والكلية على البحر وان فيه عمال معاهم فيلة كثار يجيبون رول ارض ويحطونها فوق البحر وتسير الفيلة عليها عشان تثبت وتصير مثل الارض
واني دخلت اباخذ اغراضي منها ماني بكمله عندهم
واشوف الفيلة تمشي فوق رول لارض تثبته والله واقول خل اشوف كيف يثبتونه
وااطلع فوق الارض الا الفيلة جاين مقبلين عليه
واركض ويلحقني فيل يركض وراي وانا خااايفة اخذنا نص لفة حول الكلية الا وارمي نفسي داخل المبنى والحمد لله نجيت الفيل مالحقني
وانتهت الرويا الله يسلمك

مع العلم انه تكررعلي هالفترات الاحلام المرعبة المزعجة اقوم من الليل وانا خايفة
وصرت انام عند امي من الخوف


والله يجزآكم خير ي شيخ ويحقق مرادكم

اسمي روآن الشهري
عمري 20 سنة
غير متزوجة
جامعية