ياجماعه الحقوني بسرعه بيتي بيقع ومش عارف اعمل ايه؟؟؟

[ابوعمارالمصري]

السلام عليكم ورحمه الله وبركاته
احبتي في الله

طبعا اللي قرا العنوان هايدخل بسرعه ويكتب اتصل بالنجده او اطلب الاسعاف او اعمل كذا او كذا عشان بيتك ميقعش
لكن للاسف بيتي فعلا بيقع وبيتك وبيتكم كلكم بيقع بس ده مش بيتك في الدنيا انما ده بيتك في الجنه اللى بيبنهولك ربنا
ايه ده؟؟؟
انت بتتكلم جد؟؟معقوله ربنا بيبنيلي بيت ليا في الجنه؟؟
نعم اخى الفاضل
نعم اختى الفاضله
ان الله يبنى لكم بيتا في الجنه ولكننا مع الاسف باعمالنا نهدمه
كيف هذا؟؟؟
ساخبركم الان


اخرج الامام مسلم (يعني حديث صحيح 100%) عن ام المؤمنين ام حبيبه رمله بنت ابي سفيان رضي الله عنهما قالت سمعت رسول الله صلى الله عليه وسلم يقول مامن عبد مسلم يصلى لله تعالى كل يوم ثنتى عشره ركعه تطوعا غير الفريضه الا بنى له الله بيتا في الجنه او الا بنى له بيتا في الجنه.

وهذا الحديث من افضل الاحاديث التى تؤكد على ضروره الاهتمام بالسنن المؤكده
ومعناه باختصار بسيط
معادله بسيطه جدا

الفرائض + 12 ركعه سنه = بيتا في الجنه بشرط المحافظه عليها

يعني لما تقصر فانه لن يبنى لك هذا البيت
طيب الفرائض معروفه وهم خمس صلوات الصبح والظهر والعصر والمغرب والعشاء
اما السنن المؤكده فماهي؟؟؟

1-ركعتان قبل الصبح (وهم ركعتا الفجر وان لم تصليهما قبل الصبح فعليك ان تصليهما بعده لفضلهما العظيم)
2-6ركعات قبل الظهر وبعده (اثنان قبله واربعه بعده او العكس )
3-ركعتان بعد المغرب
4-ركعتان بعد العشاء

وكل اللي فات مجموعه 12 ركعه
ومنساش طبعا ركعه الوتر لانها ايضا من وصيه النبي صلى اله عليه وسلم للصحابه ان لا يناموا قبل صلاه ركعه الوتر.

ياريت كلنا نعاهد ربنا من انهارده اننا منضيعش ابدا بيتنا ومنوقعوش بايدينا ونحافظ على السنن دي لان فضلها عظيم جدا وهتشوفوه بعنيكم في الدنيا وفي اعمالكم

ياترى بعد كل اللي قريته ده هتسيب بيتك بيقع برضو؟؟؟؟


بارك الله فيكم
اخوكم الفقير الى الله
ابوعمارالمصري