يوميات بيت فلسطيني‎

[تل الاسلام]

يوميات بيت فلسطيني

الولد لأخته : قومي هاتي كاسة مي .
الأخت : ما بدي أنا مش خدامة أبوك .


الأم :مين اللي ترك باب الثلاجة مفتوح .
يرد الجميع : مش احنا يمه .

الأب عندما يدخل البيت : ها شو طابخين اليوم .؟
الأم : أي قول السلام عليكم بالأول ..

الأب لأبنته ( الساعة 8 مساء ) غيري هالمحطة على الجزيرة وسيبيك من المسلسلات الفاضية .
البنت تغير المحطة بسرعة وتذهب للمطبخ وهي تقول : ( يلعـ توت توت توت توت توت ) طبعا الأب لا يسمع المسبات .

الأب لأبنه اللي بالجامعة : سيبك يا ولد من المظاهرات والكلام الفاضي كلهم بدهم يطلعوا على ظهرك وانت زي الهبيلة .
الولد : حاضر يا باه .. بس بعد اذنك بدي عشرين شيكل اشحن الجوال .
الأب : روح انقلع .
الولد ينقلع فورا .

الأب لأبنه طالب الثانوية العامة : ادرس يا باه احنا ترا مش قد مصاريف الجامعات الخاصة .
الولد : حاضر حاضر .

البنت لأبيها : يا باه الأسبوع الجاي في رحلة مع المدرسة وبدي ايك توافق .
الأب : شوفي امك بالأول .
البنت لأمها : يمه الأسبوع الجاي في رحلة مع المدرسة وبدي إياك توافقي .
الأم : طيب شوفي أبوك بالأول .


الأم بعد أن كسر ولدها كاسة الشاي بالمطبخ : يلعن أبو الخلفة على اللي بخلفوا ولك احنا عنا مصنع قزاز ، ،،،،،،
يلي ذلك قذف جميع الشباشب على ظهر الولد وهو يركض هاربا .


البنت لأبيها ( لا تدري انو متهاوش مع سواق التاكسي قبل ساعة ) : يا باه .
الأب : بو يسطح نيعك .


الأم لأولادها بعد انتهاء الهوشة مع الأب : أي لولاكم كنت رحت على بيت ابوي ، أنا قاعدة معاه علشانكم بس .
الأولاد : ( ساكتين

[&ام عبد الرحمن&]

هههههههههههههههههههههههههههه
بالضبط متل ما بيحصل عندنا

[*مسك القسام*]

ههههآآآآآآآآآآههههيييوووو
هههآآآآآآآي
لآ وآلله أحلى وأروع يوميآت حتى أحلى من آلمسلسلآت بذآت نفسهآ
هع هع هع
أحلى شئ إصة آلرحلآت هآي كلوآ كوم وهي كوم
بنعمل ألف حجة وحجة ليوآفئ عمود آلبيت آلمستر مآي فآذر
هههههههه
مآي مآذر قري فست ع طوووول بتوآفئ
بس هآتك يآ يآ .... ترجي وحلفآن لبآبآ حتى يوآفئ
لتكون يآ مآن بتسآوي كدة مع ببآك خخخخ
يلآ بضل هآلإصة مثآل آلأسرة آلمثآلية هههههه من ورآآآآآآ
عنجد يسلموآ ع يوميآت هآلبيت آلفلسطيني مجهول آلهوية
هههههآآآآآآآآآيآآآآآآآهههههه
يسلموآآآآآآآآآآآآآ

[تل الاسلام]

مشكورين أخواتي على الرد الطيب ان شاء الله دايماً مواضيعي تعجبكم

[دمعة الاحلام]

هههههههههههههههههههه
فعلا هاد من يوميات البيوت الفلسطينة
يسلمووووووو

[قسامية غزه]

ههههههههههههههههه
شو احنا فى غزة يا جماعة

[ام قيس]

السلام عليكم
هههههههههههههههههههههههه
كتيير اليوميااااااااااات هذه رائعة
اي هيك العيشة ولا بلاش
وهي بتسير عنا كل ثواني هذه العيشة
طيب انا عندي سؤال لكل الموجودين
احكولنا شوي عن حياتكوا في البيت ؟؟؟؟

انا طبعا طبعا بسير عنا مشاكل في البيت انا واخواتي
وبنتف شعورة بعض هدا غير الكفوف والشلاليط
ههههههههههههه
بارك الله فيك وجزاك الله كل خير

[ملاك القسام]

هههههههههههه
هاى ردود اهل غزة
ههههههههههه
بارك الله فيك اخى عالنقل

[Riwaa Mahmoud]

ههههههههههههههههههههههههههههههه
يعطيك الف عافية حلو كتير

[زهرة ملاك]

السلام عليكم
فعلا قصص من واقع الحياة
وكمان بتصير في كل الشعوب
وبتصير بكل اللغات
وبتصير في ارقى العائلات
ههههههههههههههههههههههههه