تنظيم العلاقات (شاب & فتاة )

[ورد جوري]

نظيم للعلاقات ....؟؟

ليه ترخصى نفسك كدا !!

انتى غاليه اوى على فكره ..

ليه تسمحيله يكلمك ويهزر معاكى ويحكيلك ويستمتع ببرائه روحك !

اكلمك بصراحه
الشاب ...أى شاب بطبيعته يحب يتعرف على الانثى
يتعرف على المخلوق الرقيق الجميل ده يحب يحكيله ويتكلم معاه ويكون المخلوق ده سكن روحه وراحه قلبه والدفئ المفتقد فى الكون
والحنيين الى روح اخرى تكون بجانبه ....

ربنا نظم العلاقه ما بين الشاب والفتاه مش اى حد حقه انه يكلمك ويهزر معاكى ويصاحبك ويستمتع ببرائه روحك لانك غاليه اوى فوق ما تتصورى .
لدرجه الى عايز يكلمك ويتعرف عليكى لازم يروح لوالدك ويتفق معاه على صيانتك وسعادتك وتبقى هدفه فى الحياه راحتك ويبقى منتهى امله ان تسكن روحك وتهدء نفسك وتطيب عيشك

تصورى ربنا سخرلك قلب زوجك انه مهمته اسعادك وادخل السرور على قلبك ,,,ولازم تخدى مهرك ولازم كتاب يحفظ حقك ووصى الرسول ان اكرامك من شيم الرجال ولازم نرفق بقوريرنا وخيركم هو احسنكم لاهله

بعتى ده كله بأيه ؟؟ بكلمتين حب ..بنظره حب دافئه من حبييب ..
بمسكه ايد ..بمكالمات الليل واجمل كلمات الحب !!..

بتعملى كدا ليه !!والله عارف انك محترمه !!وانك نفسك تتجوزيه وتعيشى فى الحلال !! عارف ومتاكد وفاهم كمان
لانى بكلمك انتى ..

عارف انك محتاجه الحب والحنان ودفئ تلك المشاعر والحاجه للاهتمام
ديه طبيعه فى كل بنت انتى مش مختلفه عن حد

بس عايزك تفهمينى ..الشاب الى بتتمنيه زوج ده لو ربنا مش كاتبه زوج
لو قلتيله اجمل كلام وسمعك ارق مشاعر واتعهدته على اقوى عهود
وربنا مش كاتبه ليكى صدقينى والله ما هتخديه ابداااااااااااا

مفيش حد بياخد نعمه من نعم الله رغم عنه
محدش يقدر ياخد نعمه من نعم الله الا برضاه
خدى كلامى ثقه اوى ببساطه لانى مفيش ما بين مصلحه او اى حاجه تخلينى اقلك كدا
ربنا قالك رضايا بالعفاف والحياء والحجاب وانتظر الثواب

هتحاولى تمدى ايدك على نعمه من نعمه
انتى مش مديتى ايدك على خزائن النعم لا
انتى حطيتى ايدك فى اصل العذاب وانتى متوهمه انه نعمه

لما يسيبك حبيببك ويمل قلبه منك هتتذوقى عذاب ما بعده عذاب
حنيين قاتل وشوق حارق واحساس رهيب بالضياع ولن تجدى الا الدموع تلو الدموع

كان علينا من ده بايه لو كان مكتوبلنا عريس كان هيجى لحد البيت ده قدرك ومكتوبلك صدقينى مفيش فرار منه ده نصيبك محدش يقدر فى الكون ياخده منك استنيه اوعى ترخصى نفسك وتدى لحد حق عمره ما كان ليه انه ياخده لانك غاليه اوى

ربنا يحفظك
خلى بالك من نفسك
انا هكون يوسف وانتى هتكونى مريم ومش هنحب الا ازواجنا
منقول عن / فريق العفة