** مسلسل يوميات مشرف ..!!

[الدكتور مؤمن]

** مسلسل يوميات مشرف ..!!

مسلسل يوميات مشرف ..

الموضوع عبارة عن
حلقات متجدده من يوميات
بعض المشرفين فى منتدى آخر ..
و مكون من 8 حلقات ..

الحلقة الاولى :

اول ما قام المشرف
من النوم لقى الموبايل بتاعه بيرن

الادمن بتاع المنتدى بيتصل بيه

المشرف : اصطبحنا واصبح الملك لله ....
صباح الخير يا فندم ..

المدير: خير هييجى منين الخير يا سيدى

انت سايب قسمك ونايم .. الله يخرب بيت اللى شار عليا
الشورة السودة دى انى امسكك مشرف انت متنفعش حتى
تبقى عضو موقوف ..

المشرف : ليه بس يا فندم دا انا حتى مغسلتش
وشى ودخلت على طول على المنتدى ..

المدير : عموما ادخل شوف قسمك ودا اخر انذار ليك ..

وانتهت المكالمه والمشرف طبعا مضايق
وبيقول انا ايه بس يا ربى اللى دبسنى التدبيسه
السودة دى ما كنت عضو وميه ميه ..
المهم دخل على الرسايل الخاصه

بتاعته بقى لقى الرسايل دى ..

الرسالة الأولى

السلام عليكم ...ازيك مشرفنا .. بقولك أنا اضفت
موضوع بس معرفش شكله نزل ثلاث مرات بالغلط
أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف :
في عضو قاعدلي كل موضوع يرد عليا ويهيني
قدام الأعضاء ... لو ماسكتوش هعمل حاجه محصلتش..
واقلبلكم المنتدى .. وقد اعذر من بنجر ..

الرسالة الثالثة

ياااأبو الشبااااااااااااب ألحقني ...
كل ماأدخل المنتدى يطلعني بره ... ومش راضي يدخلني
ايه الحكاية شكلها كدة الدخول .. بفلوس ..

الرسالة الرابعة

مشرفنا ... ممكن لو سمحت تعدل اسمي
من الحلوة الى ملكة جمال المنتديات

<<<<< مصدقه نفسها ..

الرسالة الخامسة

هاي عمري ... يارب تكون مبسوط ..
بصراحة شخصيتك عاجباني ولك هيببة في المنتدى
بس ياريت يعني اذا عملت موضوع تثبتهولي ..
على فكرة انا زعلانة محدش بيثبتلي مواضيعي ليه ..

وانا مال اهلى انا .. محدش بيثبتلك مواضيعك
متغورى انتى والمنتدى ..
( دا رده طبعآ )

[الدكتور مؤمن]

الرسالة السادسة

يا عم هقلك على حاجة : مش هسلم عليك
ولا حاجة انت أصلاُ ماتستاهلش .. كل ما اعمل موضوع
تحذفهولي .. عجيبة والله ...

الرسالة السابعة

مساك زي الفل يا سوبر ستار المنتدى ..
بصراحة انا مكسوف منك عايز أطلب طلب بسيط ..
يعني انا عايز اعرف ازاي المشرف بيتعامل مع المواضيع
و ايه الطريقة يعني بالعربي الفصيح ..
عايز الباسوورد بتاعتك اذا تكرمت ..
(ماهو دا اللى ناقص)

الرسالة الثامنة

يا اخي انت زودتها ... شايف نفسك علينا
وكل مانكلمك ما تديناش وش .. يا اخي الاشراف مش
يعني بقيت ملك ... اختشي على دمك بقى .. قال مشرف قاال ..
انت أصلاً خدام عندنا يعني تخدمنا ..
اقولك : روح هاتلي واحد شاااي
صحيح الى ميعرفش يقول عدس

الرسالة التاسعة

حبيب قلبى... ازيك حبي .. ؟؟
انا نفسى ابقى مشرف زيك وباسرع وقت..
واذا لزم الامر تعرفني عالادارة وملكش دعوة ..

الرسالة العاشرة
لو سمحت والنبى يا سعاده الباشا
فيه بنت موجوده على المنتدى
ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا فتحها عالم سمسم بوزع ايميلات )

الرساله الحادى عشر
(من المشرف العام)

السلام عليكم ..أخي ...الاحظ كثرة الشكاوي
من الأعضاء وكثرة المشاكل أرجوا تهدئة الأمور بأسرع وقت ..
وان تفعل أي شي لمصلحة المنتدى ... وشكرا ..

بعدها الحمد لله المشرف
اتجنن ..

مع احترامي طبعا لجميع المشرفين ..
منقول..

وحلقة اخرى ..

[ورد جوري]

السلام عليكم ورحمة الله وبركاته
اضحك الله سنك دكتورنا الفاضل
دكتور مؤمن
حقيقة موضوع معبر
جزيتَ خيرا على طيب النقل..
ملاحظه بسيطة لحضرتك:
ارجو ان تجعل الادوار باسم ( مشرف ),(مراقب), ( مدير عام)
هكذا فقط دون ذكر اسماء
فذكر اسماء مشرفي منتديات اخرى قد يسبب مشاكل
ارجو ان تكون قد وصلت الفكره..
في حفظ الله ورعايته

[لمسة ملاك]

أضحك الله سنك دكتورنا الفاضل مؤمن
حفظك الله وبارك الله فيك

[*وجدان*]

بارك الله فيك
واضحك سنك

[عبق الأحبة]

مشكور اخي لما قدمت
طرح مميز
الحمد لله اني عضو خالي مسؤولية

[الدكتور مؤمن]

السلام عليكم ورحمة الله وبركاته

شـكــ وبارك الله فيكم ـــرا لكم ...
ولكم مني أجمل تحية ...
وجزاكم الله خيرآ ..
بصراحة اشكركم جميعآ

على هذه المشاركات الرائعة .. والحضور المميز
واكرر ..
بان هذا المسلسل من نسج خيال المؤلف ,,
والشخصيات الرئيسية فيه وهمية ..
ولا علاقة لها بآى شخص او منتدى ..
ولذلك تم اختيار اسماء غريبة
والآ ن ننتقل الى الحلقة الثانية ..

[الدكتور مؤمن]

الحلقة الثانية


مدير عام المنتدى :
يا فتاح يا عليم يا رزاق يا كريم ..
أصبحنا وصبح الملك لله..
شغلانة ما يعلم بيها إلا ربنا..
إيدك معايا يا أحمد علشان نفتح المنتدى
الساعة داخلة على سبعة والنهار شقشق ..


المراقب : سمى انت وادخل يا محمود ..
أنا عايز أنام شوية ..!!


المدير العام : يا جدع قوم بلاش كسل ..
المواضيع كتيرة ولسه على ما نقرأ ونفرز
ونشوف إيه اللى هنخليه وإيه اللى هنحذف منه
سلة المحذوفات فاضية بقالها اسبوع ..!!


المراقب : أهو بالوظة وفتكات و حلموس وحزلقون ..
جم أهم .. خليهم يبدأوا معاك على ما احلق دقنى ..




المدير العام : على فكرة يا جماعة الواد بالوظة
ده زهقنى من عيشتى .. أنا مش ملاحق عليه ..
ده تشوفولكم صرفه معاه ..


المراقب : أنا رأيى إن سيد ده نعامله معاملة فاقد الأهلية


المشرف : سيد مين .. انت مش معانا ولا إيه.!!
الدور والباقى على
بالوظة وفتكات و حلموس وحزلقون ..
مثقفين زيادة عن النسب المسموح بيها فى المنتدى..
كلام فى الدين شوية والسياسة شوية والإرهاب شوية
وابن لادن شوية والاثار شويه والازياء شويه
وعالم المرأه والمطبخ شويه لما الضغط ابتدى يعلى عليا..
انتم عارفين العنيين مفتحة علينا الأيام دى..
وعشان يلبسونا السلطنية .. تلاقيهم فجأة
نقلوا ع الموسيقى والفن التجريدى والالعاب الكتابيه
علشان ننسى الكلام التقيل ..




المدير العام : أنا شايف إن أخطرالموجودين على الإطلاق
فتكات..
عاملة ركن لسلطة بابا غنوج
فى باب المطبخ .. وسببت لى مشاكل فى البيت مع المدام


المراقب : وسع يا جدع أبو حميد وصل ..
صباحين وحته .. مين بس اللى مزعلكم ..
وانا احذفه من على خريطة المنتدى ..
بس شوفولكوا حل فى اللى بيقول
جواز عتريس من فؤادة باطل ..
ده هنسكت له ولا حنبقى رجالة ونقف وقفة رجالة
وكل ما حد مننا يشوفه يروح لازقه إنذار ..
لحد ما يزهق من عيشته ويخلع لوحده ..




المدير العام : انا معاكوا يا رجالة ..
لازم نقف لهم وقفة رجالة ..
اهم حاجة عتريس وبابا غنوج ملهمش دعوة
بفؤادة ..
يروحوا يقطعوا بعض فى طبق سلطة تانى ..
اقصد منتدى تانى ..


حلموس : أنا رأيى إن الفرخة وهيا بتعبر الطريق
داست على كل اللى قدامها ..
يبقى نتعلم من الفرخة يا جماعة مش عيب ..
اللى مش عاجبه قواعد الكتابة هنا ..
ندوس عليه أو أقل ما فيها ننتف ريشه ..


حزلقون : عفارم يا حلموس ..
هيا دى .. ننتف ريشه .. فكرة فى الجون ..
بعيد عن الإنذارات واللبش ..
ننتف ريشهم .. هيا دى ..

فتكات : أنا ضد العنف فى الحوار ياجماعة ..
مش كل ما نختلف مع واحد فى الرأى ننتف ريشه..
خلينا نتحاور معاهم حوار راقى يا نقنعهم يا نقنعهم ..!!


المشرف : يا فتكات معلش مع إحترامى ..
فيه كام واحد جايين جداد هنا ..
محتاجين شوية ترصيص وظبط زوايا
سيبوا الحكايه دى عليا ..




المدير العام : كفايه بقى كده ..
واقفلوا المنتدى النهاردة للصيانة ..






وحلقة اخرى ..

[ورد جوري]

ههه هدول عصابة شكلهم مش ادارة منتدى
جزيل الشكر لك اخي الفاضل
دكتور مؤمن
وشكرا على التوضيح بخصوص ان القصه خياليه
بانتظار بقية الحلقات
ونشوف اخرتها معاك يا نحذف الموضوع يا نخليه
في حفظ الله اخي الكريم

[مريم96]

بس وين المشريفين عن المووووضوووع ..*ـ^
يسسلمو بجد يوميات صعبة بس كتييير حلوة