|
|||||||
| ملتقى الأخت المسلمة كل ما يختص بالاخت المسلمة من امور الحياة والدين |
 |
|
|
أدوات الموضوع | انواع عرض الموضوع |
|
#1
19-02-2011, 06:18 PM
|
||||
|
||||
••~ الحب~••
بسم الله الرحمن الرحيم إن الحمد لله نحمده ونستعين به ونستغفره ونعوذ بالله من شرور أنفسنا ومن سيئات أعمالنا من يهد الله فهو المهتد ومن يضلل فلا هادى له السلام عليكم ورحمة الله وبركاته هذه كلمة صغيره عن .. ••~ الحب~•• موضوع الحب ده خطير جدا ياجماعة  ويمكن الواحدة مننا بتحب الشاب من دول بالأخص الشاب الرومانسي اللي دايما يقولها كلام جميل ... لكن ياترى فيه مرة واحدة مننا سألت نفسها هو الحب ده حرام ولا حلال ؟ ترضى ربنا يشوفك وحبيبك ماسك إيدك ؟ كتير مننا هيقولوا حلال .... طيب سؤال تانى كل واحدة تجاوب فى نفسها .... طبعا لأ ده الواحدة ممكن تموت من الخوف لو أبوها أو أمها شافوها كده ………. ما بالكم ربنا ؟ طيب ياترى ترضى تموتي وانتى قاعدة معاه وتقابلي ربنا كده ؟ ياترى كده هتكون خاتمتك مختومة بالسعادة ولا بالندم والحسرة ياااااااااااااااااااااااااااااااااااه تخيلي نفسك كده إنك واقفة أدام ربنا وبيسألك يا فلانة ما كانت علاقتك بفلان ؟ هتردى تقولي إيه ؟.........فكرى كده هتردى تقولي ده حبيبي أو صاحبي يارب ، مش هتتكسفي من نفسك وانتى بتقولي لربنا كده ؟ طب تخيلي كده ربنا بيقولك لو كان هو حبيبك فماذا كنت أنا؟ وماذا كان محمد - صلى الله عليه وسلم -؟ ساعتها هتردى تقولي إيه ؟ وتخيلي ربنا بيقولك يا فلانة أنتى كنتى تعلمين أن هذه العلاقة تغضبني وكنتى لا تبالي أهان عليكى غضبى ؟ كل واحدة مننا لازم تقف مع نفسها شوية وتفكر فى الموقف ده كويس قوى أظنك ساعتها مش هتكونى عارفة مصيرك إيه ؟ ويا ترى هيكون شعورك إيه لو سمعتي المنادى ينادى خذوها إلى النار !!!يااااااااااااااااااااه النار !!!.............. جهنم ده أنا مكنتش أقدر أستحمل شوية مية سخنين شوية ييجوا على إيدى ،وتصرخي .. وتصرخي .. وتنادى ولكن مفيش مجيب ساعتها …..الموقف صعب قوىىىىىىىىىىى طب لو شافك رسول الله - صلى الله عليه وسلم - وانتى قاعدة معاه وسألك مين ده ؟ هتقوليله إيه ؟ هتردى عليه ازاى ؟ هتقولى ده حبيبي اللي هيتقدم ليا بعد ما أخلص دراسة ؟ ياأختى خلى بالك ،لو ربنا نظر ليكى نظرة غضب وانتى بتقوليله كلام الحب الحرام ده معناه إن كل شيء ضاع منك دنيتك وآخرتك وهتفضلى غرقانة فى غضب ربنا لو ماتوبتيش ليه أمنا عائشة - رضي الله عنها ذكرت النار فبكت فقال رسول الله -صلى الله عليه وسلم- : ما يبكيك يا عائشة ؟ قالت : ذكرت النار، هل تذكرون أهليكم يوم القيامة ؟ قال : والذي نفسي بيده في ثلاث مواطن فإن أحدا لا يذكر إلا نفسه : إذا وضعت الموازين ووزنت الأعمال حتى ينظر ابن آدم أيخف ميزانه أم يثقل ، وعند الصحف حتى ينظر أبيمينه يأخذ كتابه أم بشماله ، وعند الصراط " إسناده جيد يااااااااااااااااااااااه أعظم تلات مواقف محدش هيعرف حد فيها خلى بقى حبيبك ينجيكى من عذاب الله لو ربحت كفة السيئات خليه ساعتها يحط شوية حسنات عشان تدخلي إنتى الجنة وخليه لو وقعتي من على الصراط يشيلك ويضحى بنفسه علشانك مش هو ده كلامه اللي بيضحك عليكى بيه ويقولك أنا ممكن أعمل أى حاجة علشانك ، أنا ممكن أموت نفسي علشانك كذاب .....أيوة كذاب خليه ساعتها ينفعك فى موقف محدش هيقدر ينفع أهله فيه يوم يفر المرء من أخيه وأمه وأبيه وصاحبته وبنيه ، هيجرى منك أختى إنتى عاوزة إيه ؟ جنة وحياة وسعادة وتكوني ملكة على الحور العين ولاّ نار وحميم وزقوم وغسلين وبغض الله عز وجل اختاري ها اخترتى إيه ؟ تعرفي .. لو بتخافى عليه بجد سيبيه لله ....... لأنك ماشية معاه فى طريق آخرته جهنم لو سبتيه عشان ربنا.. لو فيه الخير ربنا هيرده ليكى تانى ، ولو غير كده هيرزقك باللي أحسن منه إفتكري إن كل شعرة فيكى هتتحرق جسمك هيولع على إيه ده كله وإيه اللي يستاهل إنك تدخلي النار بسببه لو بتحبيه بجد سيبيه عشان إنتى كده بتفتنيه في دينه إنتى عارفة إيه جزاء اللي يفتن حد فى دينه ؟ وإوعى تقولي دي علاقة بريئة ...اقفى كده مع نفسك وفكري فيه ملكين يمين للحسنات وشمال للسيئات كلامك معاه نظراتك ليه دقات قلبك رناتك ليه رسايلك هتتكتب فين؟ في الحسنات؟ ........ لا طبعا أكيد في السيئات الأرض اللي أنت واقفة عليها هتشهد ليكى ولا عليكى ؟ إيدك .. رجلك .. قلبك .. عينك طب تعرفي إيه المصيبة الكبرى ربنا بيقول "ولا تجعلوا لله أندادا " واسمعي كمان " ومن الناس من يتخذ من دون الله أنداداً يحبونهم كحب الله "يعنى إيه؟ يعنى الحب اللي في قلبك ليه ده بيخليكى أحيانا تقدميه على ربنا مش مصدقة؟............ طب كام مرة أذن عليكى الأذان وانتى معاه ومصليتيش علشانه الحب اللي في قلبك ده مين أولى بيه ربنا ولاّ هو؟ معنى " ند " هو أى شيء ينازع الله فى ملكه وحكمه وحبه وتوحيده معنى إنك بتقدمي حد على ربنا معنى كده حاجة خطيرة جدا جدا، معناها البعد والطرد من رحمة ربنا يااااااااااااااااااااااه دا انتى ضايعة خالص كده طب والحل !! الحل بسيط ؟؟ من ترك لله شيئا عوضه الله خيرا منه لو سبتيه عشان ربنا لو فيه الخير ربنا هيرده ليكى تانى ولو غير كده هيرزقك باللي أحسن منه أختي.. ما تخلى ربنا يختار ليكى ؟ أكيد هيختار ليكى أفضل من اختيارك إنتى لنفسك معلش أنا عارفة إنى طولت قوي بس هقولك حاجة بسيطة كمان بس، تخيلي كده في طريقين طريق فيه ربنا والجنة وطريق فيه حبيبك وغضب ربنا ها هتختارى إيه ؟ ربنا ولا حبيبك؟ سيبيه لله وانجي من عذاب القبر ، وانجي من الوقوع من على الصراط ، وانجي من اشتعال القبر عليكى ولو ألح عليكى قوليله أنا مستعدة أضحى بكل حاجة علشانك .....إلا ربنا أنا مستعدة اخسر كل حاجة علشانك .....إلا ربنا وتأكدي إن لو الإنسان ده فيه الخير ليكي ربنا هيرده ليكى تانى الكلام كتير جدا ....بس المهم يكون فيه قلوب ذكية تقدر تعرف نجاتها من فين ؟ نجاتها مع ربنا ولا مع حبيبها ؟ أقول قولي هذا وأستغفر الله لي ولكم سبحانك اللهم وبحمدك أشهد أن لا إله إلا أنت أستغفرك وأتوب إليك والسلام عليكم ورحمة الله وبركاته
__________________
 
|
|
#3
19-02-2011, 07:07 PM
|
||||
|
||||
|
رد: ••~ الحب~••
صراحة سلمت يداكِ اختي الحبيبة على الموضوع القيم والمهم والشيق" بلهجة المصرية " رااااائع ماقدمتي وأسأل الله ان يكون عملك هذا في ميزان حسناتك وأسأل الله ان ينور طريقك الى الخير ويحفظك ويبارك فيكي ويحقق لكي ماتتمنين
__________________
يارضى الله ويارضى الوالدين
|
|
#4
19-02-2011, 08:44 PM
|
||||
|
||||
|
رد: ••~ الحب~••
جزاكى الله خير أختى المسلمة الملتزمة موضوع مهم للبنات بتوع اليومين دول نسوا الله تماما وانشغلوا بالحب نسأل الله الهداية لجميع بنات وشباب المسلمين وهذا موضوع أخر كمان اتفضلوا خااااااااااص بالاخواااااااااااااااااات
__________________
|
|
#5
19-02-2011, 10:37 PM
|
||||
|
||||
|
رد: ••~ الحب~••
السلام عليكم ورحمه الله وبركاتة موضوع رائع بارك الله فيك اختى على المشاركه
__________________
  
|
|
#6
20-02-2011, 02:54 AM
|
||||
|
||||
رد: ••~ الحب~••
  أكيد يهدي من يشاء بغير حساب الله يهدينا ويهدي كل مسلمه ومسلم الى هدايته والخير ورضاه يارب ويصلح حالنا وحال بنات وشباب الامه ويستر علينا وعلى خواتنا وعلى بنات وعيال المسلمين من بنات وعيال الحرام ويرد كيد كل من به شر في نحره ونفسه ويرينا فيه عقابه ويرينا بهم ثأرنا ونقر بذالك اعيننا قادر على كل شيء اللهم امين  اللهم انا نسألك الهدى والتقى والعفاف والغنى اللهم الهمنا رشدنا وقنا واعذنا من شرور انفسنا مشكورات ياعسولات*_^ عساكم على القوه موضوعكم مره جميل وجدا رائع   والله يصلح حال ومافي نفوس شباب وبنات المسلمين ويبصرقلوبنا الى مايحب ويرضى اللهم آمين   قلبي لله 
__________________
 يآربّ .في صدري بكآءٌ لم يسمعهُ أحد وحدكَ يآ الله تعرفُ حجم الألم فخففه عنّي ..
|
|
#7
20-02-2011, 12:11 PM
|
||||
|
||||
|
رد: ••~ الحب~••
يسلمو ايديكي اختي المسلمة الملتزمة على هذا الموضوع الطيب وبارك الله فيكي
__________________
|
|
#8
20-02-2011, 03:55 PM
|
||||
|
||||
|
رد: ••~ الحب~••
السلام عليكم ورحمه الله وبركاتة حياكم الله جميعا شاكرة لكن حضوركن أخواتى نسأل الله ان يهدى شباب وفتيات المسلمين
__________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
رد: ••~ الحب~••
العرض العادي
