ابسألكم مآفيه علآج سهل وفعآل ومجرب ترآني والله تعبت

[أنآ هي أنآ]

السلام عليكم
أخبآركم؟؟!
الله يشفيني وأيآكم من الصدفيه ويمتعنآ بالصحه الكآمله..
أول شي انا بنوته في ثاني ثانوي وبقول لكم قصتي:-
من يومي صغيره وانا معروفه بين اهلي ببشرتي الصافيه
ويوم وصلت اولى متوسط بدت تطلع لي قشره في شعري
على حسب ماتوقعنآ أنآ والوالده المهم انه ما اثرت فيني
وكنت من النوع الي تحب تشتري كريمات واحطها بعض الأحيان على وجهي
يعني الي يدخل غرفتي ينصدم من الي يشوفه [كريمآت متروسه ترس فوق بعض]
أنآ صراحه احب اشتري اكثر من اني احط هع..
المهم يوم صرت في ثاني متوسط بدت تطلع الصدفيه في جبهتي
أنآ هنا انصدمت ويوم رحت المستشفى قالوا انها صدفيه مره ضاق صدري
كم اسبوع بعدين تعودت على الوضع..
ومرت الأيآم وحسيت انها مع الحر تطلع بزياده ويصير لونها احمر او بالأصح فوشي
فجئه طلع لي في اخر رقبتي فيه شوي مره وعلى خشمي وجبهتي يعني على شكل حرف i
المهم مع الايام معد تهمني لكن هالفتره صرت ما أنآم الليل إلا بعد مآ أموت من الصيآح
والله الي مانومني غير الصياح نفسيتي زفت × زفت صارت تضايقني لأنهآ مآطلعت إلا في وجهي
وبعدين مع الإضآئه البيضآء صآرت واضحه مره جربت اشياء كثير حتى بول الأبل جربته
مرتين وماقدرت اتحمل لأنه اتعبني بريحته والله خفت بس عشاني وقفت رجعت ..
ولا أعرف واحد كانت في يدينه لكن بعد بول الأبل راحت..
الوالده طلبت بول الأبل وجابوه لي وزي ماقلت لكم ماقدرت اتحمله.
قريت عن الخميره في منتدآكم وجربتها يوم وكل ماشربت استفرغتهآ عجزت ابلعهآ وحآمت كبدي ..
وقريت مره انها ماتنتقل عن طريق الجينات طيب كيف جتني؟؟
الوالد الله يخليه لي فيه صدفيه وعمي فيه بعد هل من الممكن اني ورثتهآ منهم؟؟
المهم اكمل قصتي الحين حالتي النفسيه دمآأـإر شآمل صرآحه
أوكي عند الناس عادي لكن إذآ قعدت في غرفتي اصيح واتعب بشكل مو طبيعي
دعيت كثير صحت كثير جتني فتره من الحاله النفسيه نحفت مره وفتره سمنت 10 كيلو زياده عالى وزني
بعدين فجئه نحفت بشكل مو طبيعي..
والسبب كله منهآ ..
والله بالأول مآ كآنت تهمني بس لسبب والله اخاف اقوله وتحسونه تاافه مره..
كل من شافني يقول يؤ حرآم خربت بشرتكـ..
واكثر شي يضيق صدري وادري انه سبب تافه بس وش اسوي
؟؟
اقاربي كلهم ماقالوآ شي لكن صديقاتي وبنات المدرسه..
لا حرآم خربت بشرتكـ
أو يؤ قهر تغيرتي
لا عاد ماجت إلا لكـ أنتي..
--> ماودي اقولها لكن انا الله منحني جمآل ولله الحمد فكل من شاف بشرتي
قام يتكلم وانها خربتني ولا زم اتعالج منهآ
يحسبون علاجها سهل والله وانا اكتب الكلام اصيح ..
يحسبون اني فرحانه فيها ولا اني متساهله عجزت اعالجها رحت لنص الدكاتره في الرياض
ولا لقيت حل لها..
تكفون عطوني حل والله نفسيتي تعبت مره
قريت موضوع الي علاجها ملح وماء وش هذآ مآ أقدر عليها ابدآ صعبه..
ابي علاج مجرب وابداوم عليه ..
والي تعآفآ من الله ثم من الخميره يقولي والله لأشرب ابو جدهآ ..

يآنآس والله تعبت تعبت تعبت مره مره مره وبذآت اليوم
ورحت لعماتي بشوفهم وشفت بنات عمي مآشآء الله بشرآت تجنن
الله يحفظهآ لهم ويشفيني ويخليني زيهم

ويآرب ترجع بشرتي زي أول وأحلى منهآ

والله يحقق أمنيآتي ووأمنيآتكم..