أنه يحترق ...!!!ساعدوني

[بالاسلام نرتقي]

السلام عليكم و رحمة الله و بركاته
سؤال يا اعضاء الشفاء الطيبين ...
في شخص بمبنى و المبنى عم يحترق و الشخص مصاب
و انت و ابنك قدام المبنى مافيك تترك ابنك و اذا دخلت للمساعدة بدك تدخل ابنك معك
وانت عندك خيارين مساعدة و عدم ...
شو بتساوي بتتدخل و بتساعد هل شخص ...
علما انك ما بتعرف
يا انت بتنجو يا لا
يا الشخص بينجو يا لا
يا ابنك بينجو يا لا
بجوز تخسر واحد
وبجوز تخسرالتنين
بجوز تربح واحد
و بجوز تربح التنين
بتدخل بهل شي و لا بتضل بعيد عن الموضوع وما تغامر
رغم انك متوجع لوجع الشخص ومحرق عليه و ببتتمنى تساعدو ؟؟؟
ساعدوني لشوف ...بس جاوبو بصدق ...

وع فكرة
في غيرك قدام المبنى و لست الوحيد ..
جاوبو ع هل سؤااااال يا ابطال ...
تخيلت و جاوب بس بصدق
أصدق عقلانيا وواقعيا قبل ما تجاوب عاطفيا و خياليا


طيب انت لست امام المبنى
بس سمعت ع هل مبنى و ع هل حريق الي صار بهل مبنى و سمعت بهل قصص ...شو تعقيبك ع كل قصة بعدين

*القصة الاولى*
واحد دخل ع المبنى هو و ابنو و استطاع ان ينقذ الشخص المصاب
و لا هو اتضرر و لا ابنو وانقذ المصاب
هاد الشخص شجاع و لا متهور ..؟؟؟

في يحكم ع غيرو ان عديمي الانسانية "كون غيرو ما عندو شجاعتو و تحملو " ؟؟؟
و لا تنسو
"هي مغامرة و فيها شجاعة هون بس كمان فيها حظ و توفيق و مو كل مرة بتصيب
!!!!"

هل الاتهامات الي بوجهها هل شخص لغيرو بقلة النخوة و قلة وجدان وضعف وجبن ووو بتوافقو عليها ..؟؟
و لا بتشوفها تقيلة وما بتنبلع ..؟؟

*القصة التانية *

في شخص فكر بالموضوع و ما تحمل و شاف حالو ما قد المسؤلية
خاف يخسر نفسو خاف يخسر ابنو خاف ما يقدر يأنقذ المصاب
هل الشخص هاد هو عديم الانسانية و اناني و عديم الاحساس
و لا برأيك انسان ذكي و حاول انقاذ ما يمكن انقاذه رغم انو متوجع وبنيتو متعاطف مع المصاب
هو انقذ نفسو و انقذ ابنو من هل حريق ودعى للمصاب بالخير و العافية والله بيتوكلو وو

هل هوعديم الانسانية و جبان ولا واعي و فهمان ..؟؟؟

* قصة تالتة *
هاد الشخص اقتحم هل حريق هو و ابنو
بس سبحان الله ما توفق وطلع املو و نظرتو لنفسو اكبر من امكانياتو و قدراتو
و تسبب بخسارة "نفسة او ابنه او المصاب "
هل هاد الشخص برايك بطل و مغوار رغم فشله بس هو نيتو كانت صافية و قصدو مسااعدة ..
ولا هو انسان طايش ومتهور وما بيعرف يقدر الامور وكان تفكيرو عاطفي اكتر من عقلاني ..؟؟

شو رايك بابطالنا الثلاث كلا ع حدا...

جاوب ع الاسئلة بعد ما تتخيل حالك مرة الشخص الي امام المبنى و مرة الشخص الي داخل المبنى ...و بعدها
نزلو ردودكن لنكون صادقين وواقعين وما نظلم

هههه لا تقولو صعبة شفنا بطولاتكن بمكانات تانية فرجونا ياها هون ...!!!
واذا عندكن امثلة و احتمالات تانية هاتو لشوف ...
ولضيقها شوي تانية عليكن بالرغم اني ما بحب الضيق بولا شي
و دعائي المفضل يا رب وسع قبري بس رح ضيقها هون... بجوز هل نار تكون كنار ابراهيم ..
حلوها هون متل ما حليتوها هنيك ..؟؟

وبقول الي ما في يجاوب هون يسحب كلامو من هنيك

[راغبة في رضا الله]

الله يسامحك يازهراء
والله هون مش متل هنيك ابداً
هنيك مافي ارواح بتروح ومتل مابيقول المتل ياروح مابعدك روح
لا لا ماتسدقي بمزح اكيد
اللي فيني قلك ياه انك صعبتيها لانك حطيتي الابن بالنص والواحد مابيقدر يحب حدا أد مابيحب ابنه
القصص التلاتة اللي زكرتيها انا مابلوم ولا واحد فيهن لانه بالنهاية كل انسان على حسب استطاعته ولايكلف الله نفساً الا وسعها
أما جوابي كيف بتصرف انا بهيك موقف
فممكن اترك ابني بالخارج بعد ما استودعه الله وفوت انقذ الشخص
اما في حال هناك خطورة شديدة على ابني ببقاءه خارجا فلا اجازف بحياة ابني ابدا لانه مهما كان الشخص اللي في الداخل لن يكون اغلى من ابني
يعني باختصار بغامر بحياتي ايه بس بحياة ابني لا والف لا
بقى متل ماقلتلك لو مافي خطورة شديدة على بقاء ابني خارجا بتركه وبستودعه الله وبفوت
أما دخله معي اكيد لا
هاد جوابي
وشكرا كتير عالموضوع الجريئ
يسعدك ربي حبيبتي

[سائلة-]

.

طيب بس مممم ممكن شوي اللهجة صعبة علي ^^" لو إنها بالفصيح ،
فبحاول قدر ما فهمت من الموضوع ..
.

قلتِ :
* هناك من يقف أمام المبنى دونما مساعدة .
* معي ابني خارج المبنى .
* أنا خارج المبنى .
* شخص يحترق بالداخل .
::
أسأل الله لنا السلامة والعلافية وألا يبتلينا في مثل ذلك ، وإنما في حال حصل قدر الله وقضاؤه:
1) الحالة الأولى :

* ادفع بابني إلى من يقف أمام المبنى .
* أدخل لوحدي أحاول إنقاذ الحريق ..
.
.
... لأجل الآخرة :

.
فإن أماتنا الله كلانا، أو أماتني الله وأحياه، فآنذاك ..أنا كاسبة أجرين ؟
(أ) لأنه من يموت بالحريق شهيد + نية صادقة في إحيا نفس بشرية " فَمَنْ هَمَّ بِحَسَنَةٍ فَلَمْ يَعْمَلْها كَتَبَها اللهُ لَهُ عِنْدَهُ حَسَنَةً ".
.
فإن أماتني الله وأحياه ، فأنا كاسبة نفس الأجرين وإنما الثاني أعظم ؟
(ب)"فَإِنْ هُوَ هَمَّ بِها فَعَمِلَها كَتَبَها اللهُ لَهُ عِنْدَهُ عَشْرَ حَسَناتٍ، إِلى سَبْعِمائَةِ ضِعْفٍ، إِلى أَضْعافٍ كَثيرَةٍ ".
.
.
.. لأجل الدنيا :
.
- أنا كسبت بفضل الله ومنته أن "نسلي لم ينقطع في بقاء ابني" ،
ولو عانى بعدي "فإن الشدائد تصنع الرجال "، و ربما أحتسب قبل ذلك من الله أن ينفع به الأمه ويخدم دينه - ونسأل الله الإخلاص في النية والقبول لأن الإنسان ضعيف جداً- ، ولعله يكون لي زاداً بعد الممات ،
و الله أرحم به مني ومن أمه والخلائق اجمعين .
____________

2- الحالة الثانية في حال فهمت مقصدك خطأ في الأول ،و وجوب أخذ ابني معي :

* اذهب أنا وابني لمساعدة الحريق .
.
.
... لأجل الآخرة :
.
فإن متنا جميعاً فلي أجراي اللذان ذكرتهما في (أ) + فضلين في موت ابني ؟
- أن يكون شهيداً شفيعاً لسبعين من أهله .
- أجر من مات ولده وصفيه - وله تفصيل ولا أعلم أرجو المساعدة - .
.

فإن أماتني الله وابني ، ونجا الحريق ؟
فلكلانا أجران مشابهاً لماذكرته في (ب) .
.
.. لأجل الدنيا :
.
قد لا يشاء الله لي حسن خاتمة غير ذلك ، ولو كنت أعتزم إنقاذه وإحياء نفساً بشرية بإذن الله إحياء نفسينا أنا وابني لأنها علينا حقاً وهي النية الأصح والأصل، وإنما جاءت أقدار الله بموتنا فلربما هناك حكمة عظيمة كما ذكرت ،
ولربما يجعل الله من هذا الرجل زاداً لنا بعد مماتنا في الدعاء لنا " تقديراً للجميل " ، وفي حين لايذكر ذلك من أهلنا ،
ولربما فيما شاء الله لنا في عمله أن نكون أسوة حسنة لمن يشاهدنا آنذاك ، أو موعظة أو عبرة ..
لا أحد يدري .
.
.

قاعدة جعلتها لنفسي ،فأومن بها كثيراً ..لعلي أصدق بها أو أكون أكذب الكاذبين ..فالله الهادي وحده سبحانه :" أنا ميت ..ولو بعد حين " ،
وجعلت لي أيضاً :
Do we die ?..
, Uh ..but..
How we die ?
forgive me Shakespeare " This is the question".



و صدق النية في ذلك الحديث فقط هو من يحدد صحته ، فلربما أكون أكثر أهل الأرض
دجلاً حينئذ ، فلا يوفقني الله له !

[بالاسلام نرتقي]

المشاركة الأصلية كتبت بواسطة راغبة في رضا الله

الله يسامحك يازهراء
والله هون مش متل هنيك ابداً
هنيك مافي ارواح بتروح ومتل مابيقول المتل ياروح مابعدك روح
لا لا ماتسدقي بمزح اكيد
اللي فيني قلك ياه انك صعبتيها لانك حطيتي الابن بالنص والواحد مابيقدر يحب حدا أد مابيحب ابنه
القصص التلاتة اللي زكرتيها انا مابلوم ولا واحد فيهن لانه بالنهاية كل انسان على حسب استطاعته ولايكلف الله نفساً الا وسعها
أما جوابي كيف بتصرف انا بهيك موقف
فممكن اترك ابني بالخارج بعد ما استودعه الله وفوت انقذ الشخص
اما في حال هناك خطورة شديدة على ابني ببقاءه خارجا فلا اجازف بحياة ابني ابدا لانه مهما كان الشخص اللي في الداخل لن يكون اغلى من ابني
يعني باختصار بغامر بحياتي ايه بس بحياة ابني لا والف لا
بقى متل ماقلتلك لو مافي خطورة شديدة على بقاء ابني خارجا بتركه وبستودعه الله وبفوت
أما دخله معي اكيد لا
هاد جوابي
وشكرا كتير عالموضوع الجريئ
يسعدك ربي حبيبتي

اهلا و مرحبا بك بداية ت
انيا شكرا ع الرد ...
بس رح علق بعدين ...
مو حابة فصل هلا ...بس انتي مافيكي تلغي الابن يعني ابنك معك بالحلوة و بالمرة ...

انتي ليش لغيتي خيارين وهم
انك ممكن تخسري المصاب و تربحي ابنك
وومكن تخسري نفسك لا سمح الله و تربح ابنك ؟؟؟

ونهاية الله يحميكي انتي و بناتك و يبعد عنكن السوء و الاذى
تحياتي
ننتظر المزيد من الردود