تبي علاج يامريض الصدفيه ؟؟؟؟؟؟

[أم ناصرررر]

السلام عليكم ورحمة الله وبركاته
ان شاء الله الجميع بخير
ماذا تريد يا مريض الصدفيه ؟
تبي تخف عنك الصدفيه وتقل عندك الحكه المزعجه وتريد جسمك ناعم أملس
هذا الجميع يتمناه هذا صحيح ويقل عندك الاحمرار وانا أوافقكم الراي هذا اللي نبيه
يا اخوان المنتدى له جميل علي ولاكن لي عتب عليكم لوسمحتولي
مانبي الخربطه بالخلطات بعدين ماتستفيدون عليكم يا اخوان ان تصبرو شوي
لازم تحملون هالمرض دون كلل ولا ملل أنا بنصحكم جميعا وانتم كيفكم عليكم بالاتي
1-الصبر والاحتساب على المرض
2- جرب خلطه واحده دون الخلط بين وحده واخرى أكثر من 3أسابيع
3- استمر وكافح وانتظر النتائج بكل هدوء وتكون حاط في بالك ان هذا هوشفاءك بعد الله
4- لاتحطون في بالكم ان الخلطه أو أي علاج تبي تجربه سحري على طول تشوف النتيجه وتطيب
5- التريث والركاده زينه (كويسه )
6- يشهد ربي اني ما استغنا على هالمنتدى ولازم كل يوم ادخل وأطمأن عليكم ولا حاطه في بالي اني خذيت مصلحتي ورحت لانكم عزيزين علي صحيح أبيكم جميعا تشفون وترتاحون وتنامون في هدوء دون ازعاج من الحكه والحرقان
واتمنى لكم جميعا ان الله يخفف عنكم ويشفيكم بإذن الله الواحد الاحد
وجزاكم الله خير
وبارك الله فيكم

[ahmad12]

السلام عليكم ورحمة الله وبركاته ،،،

بارك الله فيك أختنا الكريمة الطيبة أم ناصررر يعلم الله عز وجل مدى احترامي لكل مريض في ملتقى الصدفية أسأل الله تعالى أن يفرج همنا جميعا ويلهمنا الصبر والسلوان ويكتب لنا الشفاء العاجل ويديم علينا الصحة والعافية.

[نور~]

الله يشافي الجميع يارب ويعطيك العافية ام ناصر ,

يشهد الله ان هذا المرض قاسي ويحتاج الى صبر وعزيمة واصرار ..


: )


بالتوفيق جميعاً

[جودينا]

جزاكـ الله خيـــر يم ناصر

والله يعيننا ويصبرنا على صدوفه مستلزماتها

[ابو سلمى الوايلي]

السلام عليكم ورحمة الله وبركاتة

جزاكِ الله خير اختي الكريمه ام ناصر

ومبروك الشفاء

ونسال الله جل جلاله ان يشفي مرضى المسلمين

فالعلاج يحتاج الى صبر وهمه ورجوع الى الله
وان لاينسى القراءة من القران الكريم وان يرقي نفسه في كل لحظه
بالمعوذات والكرسي وايات الشفاء

ويشرب ويدهن فالله هو الشافي المعافي

بارك الله فيك

[saroona-84]

ام نااصر.. مادري شقول .. غير الله لايحرمنا من مواضيعج..
عتاب رقيق.. ومشاعر ارق
كلج انسانيه..
لاخلا ولا عدم..

[بسمـــة]

3- استمر وكافح وانتظر النتائج بكل هدوء وتكون حاط في بالك ان هذا هوشفاءك بعد الله
4- لاتحطون في بالكم ان الخلطه أو أي علاج تبي تجربه سحري على طول تشوف النتيجه وتطيب
""""""""""""""""""""
جزاكـ الله كل خير
بس يم ناصرررر الصبر ويلاه من وين اجيب الصبر
دعواتك لي يام ناصرر
احسهااا وصلت معي بس اصبر نفسي واقول لابد يجي يوم وارتاح من الالم والتعب ..ياالله تقرب ذااا اليوم

[بوسطن]

جزاك الله الف خير وبارك الله فيك لحث الجميع للصبر والتفائل

[أم ناصرررر]

شكرا لكم جميعا على مروركم ومشاركاتكم
والله يعطيكم العافيه ويجزاكم ألف خير
نصيحتى لاتشوفون صدفيتكم وتناظرونها كل يوم أو اكزيما اليد وغيرررره
لاتحسبولها حساب من النظروالله بقولكم تجربتي كان كل يومين تطلعلي صدفيه جديده على ذراعي ومن فوق الاصابع منتشره حتى كنت استحي اذا مديت ايدي لصاحب المحل أعطيه فلوس لانه كان يلفت نظره هذه البقع الحمراء المنتشره وكان يضيق صدري
والله يا خوانى وخواتي قلت في نفسي حتى ارتاح شوي ما أفكر وأشغل بالي كاهي وحده طلعت والثانيه بالطريج وكنت بحيره من أمرى بس شغلتى أدور بالجسم خلوني أعطيكم من الاخر قلت بكل عزيمه وبرود ويعنى شنو صار ايدي ولا جسمي منقط بموت يبي ينقص منى شي يعنى ماراح أكل ولا أشرب ولا أقوم أعمل واجباتي هذا المرض يبي يمنعني وكان هذا الكلام دائما يدور في بالي ودائما أكرره عيالي أو خواتي إذا شافوني مثلا اليوم شنو يقولون زايده عندج الصدفيه يبون منى أقول لا صج زايده علشان يذيقون خلقي ولاكن أم ناصر بالمرصاد تدرون شنو يكون ردي
زادت ولا قعدت مالها إلا الفازلين وكنت أضحك علشان ردت الفعل بداخلي حتى لاأتأثرمن الكلام وما أعطيها حساب مو مثل أول كاني ملهوفه متخسبقه كل ما شافوني هالناس فيج وفيج خلوهم يولون وعطوهم طاف ريحو بالكم وسعو صدوركم شنو عاد مرضنا أهم شي انه مايعدي الاخرين
واتمنى لكم الشفاء جميعا
هذه السطور كتبتها من القلب لين الكبورد مباشره دون تحضير منى

[saroona-84]

سبحان الله الكلام اللي يطلع من القلب يوووووصل للقلب..
نفس احساسج.. بالضبط