|
ملتقى مشكلات وحلول قسم يختص بمعالجة المشاكل الشبابية الأسرية والزوجية |
|
أدوات الموضوع | انواع عرض الموضوع |
#1
|
||||
|
||||
عايز تحل مشاكلك ؟
بسم الله الرحمن الرحيم
السلام عليكم عايز تحل مشاكلك ؟ يا ترى ايه هي المشاكل اللي بتعاني منها ؟؟ فكر مع نفسك كده و اكتب كل المشكل اللي انت حاسس انها بتعيق سعادتك و تقدمك .. - الناس مش فاهماك ؟ - الظروف حواليك صعبة ؟ - المدير في الشغل مضايقك ؟ اكتب مشاكلك بسرعة في ورقة قبل ما تقرا الموضوع و هانرجعلها بعدين.. * * * * * * كتبت؟؟ جميل .. تعالى بقى نعرف ايه الحكاية.. عشان تحل جميع مشاكلك لازم أولا تفكر بأسلوب صح..لأن الباحثين اكتشفوا ان الفرق الحقيقي بين الناجحين والفاشلين هو نمط تفكيرهم.. فيه نمطين من التفكير هم اللي بيحددوا ما ذا كنت انسان ناجح و لا فاشل .. و النمطين دول يمكن تغييرهم بإرادتك.. نمط الفاشلين في التفكير: الفاشلين دايما بيميلوا انهم يهربوا من مواجهة مشاكلهم بحيلة ظريفة قوي.. و هي حيلة : (أنا ضحية الظروف و لا يد لي في حل مشاكلي !) تلاقي الواحد من دول قاعد يلوم كل اللي حواليه.. أبوه لأنه كان بيعاقبه- الفرص لأنها غير متاحة – زوجته لأنها مش فاهماه - مديرة لأنه مش بيقدره - الجو لأنه مش مناسب !! تلاقيهم فنانين في تأليف أسباب فشلهم و يبتدوا يدوروا على شماعات يعلقوا عليها فشلهم.. أي شماعات و خلاص .. أي شيء يلوموه إلا هم أنفسهم ! تلاقيه قاعد يلوم كل حاجه حواليه و يعتبرها سبب فشله و تعاسته.. و يعتبر نفسه ضحية وسط ظروف صعبة لا يد له فيها.. لو لقيت المشاكل اللي انت كتبتها انت دايما فيها الضحية .. فأنت في مشكلة و يجب أن تغير نمط تفكيرك ! نمط الناجحين في التفكير: الناجحين دايما بيفكروا بأسلوب مختلف عن كده .. يقول ريتشارد باندلر: ( أنا مسئول عن عقلي , إذن أنا مسئول عن نتائج أفعالي..) طريقة التفكير دي هي : أنا مسئول عن حياتي مش أي حد تاني .. بدل ما يقول : مشكلتي هي ان الناس مش فاهميني.. يقول : مشكلتي هي إني مش قادر أخلي الناس تفهمني ! فاهم الفرق ؟ بدل ما يقول : مشكلتي هي ان المدير مش بيقدرني . يقول : مشكلتي هي اني مش عارف أقنع المدير بقدراتي ! المشكلة حلها عندك انت مش عند الناس ! بدل ما تقول: مشكلتي ان الظروف صعبة. قول: مشكلتي هي اني مش عارف أقهر الظروف ! عشان تنجح لازم تؤمن تماما ان لك سيطرة تامة على حياتك و انك مش ضحية ظروف و لا حاجه ..لو فيه مشكلة يبقى انت السبب فيها و انت اللي في ايدك حلها .. لوم نفسك انت مش تشوف شماعة تعلق عليها مشاكلك.. انت في ايدك تغير اي حاجه حواليك و اي مشكلة انت بنفسك ممكن تتولى حلها .. هي دي مهمتك طوال حياتك.. الناجحين بيفكروا بالأسلوب ده. لو فكرت بأسلوب الضحية , هاتبقى فاشل و مش هاتغير حاجة لأنك – ببساطة – أقنعت نفسك ان قوى خارجية هي اللي بتتحكم فيك و تفضل تستحمل اللي بيجرالك و خلاص .. انما لو آمنت ان اي مشكلة بتحصل, حلها في ايدك انت مش في ايد اي حد تاني , هاتتحرك و تحلها و تبطل تلوم الظروف اللي حواليك.. لو لقيت نفسك بتلعب دور الضحية .. و لقيت نفسك قاعد تلوم شخص ما أو ظروف معينة.. اعرف ان آن الأوان تير طريقتك لأنها مش هتاخدك للاتجاه الصحيح.. انت مسئول عن حياتك و أي تغيير انت عايزه هاتحققه نفسك, مش بلوم الظروف و الأشخاص.. هي دي بداية تحقيق التغيير الايجابي اللي بتتمناه لحياتك.. بقلم د/ شريف عرفة
__________________
اللهم ارحم امي و اغفر لها و ادخلها الجنة اللهم ارحمها واعفو عنها اللهم اغسلها بالماء والثلج والبرد اللهم جازها بالحسنات احسانا وبالسيئات مغفرة وعفوا ورحمة اللهم اجعل مثواها الجنة وموتى المسلمين جميعا يارب العالمين من قرا هدا الدعاء يؤمن عليه جزاكم الله خيرا |
#2
|
|||
|
|||
جزاك الله خير
ووفقك الله لما يحب ويرضى |
#3
|
||||
|
||||
وفقك الله اختى ليلى
وجعلنا الله ممن يستمعون القول ويتبعون أحسنه نعوذ بالله من الهم والحز والعجز والكسل
__________________
وما من شدة إلا سيأتى لها من بعدشدتها رخاء لقد جربت هذا الدهر حتى أفادتنى التجارب والعناء |
#4
|
||||
|
||||
بوركتم اخوتي على ردودكم واعاننا الله الى ما يحب ويرضى
__________________
اللهم ارحم امي و اغفر لها و ادخلها الجنة اللهم ارحمها واعفو عنها اللهم اغسلها بالماء والثلج والبرد اللهم جازها بالحسنات احسانا وبالسيئات مغفرة وعفوا ورحمة اللهم اجعل مثواها الجنة وموتى المسلمين جميعا يارب العالمين من قرا هدا الدعاء يؤمن عليه جزاكم الله خيرا |
#5
|
|||
|
|||
السلام عليكم و رحمة الله و بركاته
موضوع جميل و نصائح جيدة قد يستفيد منها البعض إن شاءالله جزاك الله خيرا و وفقك لما يحب و يرضيه عنا و السلام ختام و خير الكلام و الصلاة و السلام على رسول الله
__________________
و لربّ نازلةٍ يضيق بها الفتى ذرعاً ، وعند الله منها المخرجُ ضاقت .. فلما استحكمت حلقاتها .. فرجت .. و كنت أظنها لا تُفرجُ .
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
عايز تموت ازاى | وســـــــــام* | الملتقى الترفيهي | 27 | 08-08-2007 08:58 AM |
لو اي حد عايز عايز دعوة لــــــــــــــgmail ياريت يقولي.... | lolarose | الملتقى العام | 1 | 31-08-2006 05:03 PM |
لو اي حد عايز عايز دعوة لــــــــــــــgmail ياريت يقولي...... | lolarose | الملتقى العام | 1 | 28-08-2006 02:35 PM |
؟؟عايز اية؟ الصدقة | كريـــ2ـــم | الملتقى الاسلامي العام | 5 | 22-12-2005 11:28 PM |
|
Powered by vBulletin V3.8.5. Copyright © 2005 - 2013, By Ali Madkour |