سؤال للأخ المدربي والأخ سعد وبس

[منوره]

السلام عليكم انا اعرف بالنسبة للأخ المدربي انك استخدمت الخلطة الدهيمية كيفك الآن بشرني لأني انا حاليا استخدمها والأخ سعد وبس كيف امورك وكم صارلك من استخدمت سمن القطران وهل خفت صدفية الرأس وخف الإحمرار وشكرا

[بوسطن]

اختى من ملاحظاتى انتى يبيلك تروحين البحر يوميا وراح تشفين
واحب انبهك من مهيجات الصدفيه سواء من الغذاء او ملابس او العطور والدخون

[سعد وبس]

هلا فيك اختي بالنسبه لي والحمد لله ودعت الصدفيه نهائيا من كذا شهر والحمد لله

[الامير الوسيم]

الله يديم عليك الصحة والعافية يا سعد ويبعد عنك كل شر

[ألانوار]

حياك الله اخوي سعد
الله يديم شفاؤك ..ذهاب بدون عودة للصدفية بقوة الله وعزيمتك حابة اسالك ممكن ؟؟
كم مدة طولت في العلاج ؟
هل يوميا تستخدم سمن القطران؟
تاكل اي شئ بدون حمية؟
جزاك الله خيرا..

[سعد وبس]

اسأل الله ان يوفقك ا لامير الاخت الانوار لا ابدا مااخذت وقت طويل ايام بس والحمد لله هذا من فضل ربي ثم دعائكم فشكرا لكم احبتي

[ألانوار]

ألاخ الفاضل سعد وبس
اللهم يشفيك من كل داء..خاصة الصدفية ويشفينا جميعا بحق شهر الطاعة والايمان شهر رمضان الفضيل

[المدربي]

حياك الله اختي ..

ابشرج الحمد لله اموري تمام يالله لك الحمد والصدفيه الى الان مختفيه في 95% ..
والخلطه ممتازه لكن يبيلها صبر وهو الاهم ..
لكن الراس ما قدرت عليه الى الان بصراحه تقدرين تقولين انا مهمله شوي ..

لكن انا بالمرصاد له ان شاء الله ..

اشكرج على السؤال ..
نبي دعواتكم والله يشافي كل مسلم يا رب ..

تحياتي وانا جاهز لأي استفسار ..

..

[منوره]

السلام عليكم بالنسبة للرأس هاك الأخت القرطاجية ذكرت انها تستخدم شامبو السيف للقشرة والصدفية اختفت من الرأس من اربع شهور ولكن بالنسبة لي للأسف ما حصلت الشامبو بالكويت لقيت بس الفيف والأخت القرطاجية من تونس ما اوصيك اذا رحت تونس جيبلى معاك ههههه يا ليت وشكرا

[المدربي]

تامرين امر (هذا اذا رحت )

انا عندي شامبو ممتاز يقتلع القشره قلع لكن ما يعالج الصدفيه يعني اتروش ما احصل قشره في راسي لكن ترجع واتروش وتروح وشغال كذا ..

منه انواع واجد لكن الاهم يكون من هالماده كيتوكونازول ومالها اي علاقه بالكرتيزون على حسب علمي
وهي ماده مضاده للفطريات لكن لحالها ما تعالج الصدفيه اللهم القشره ..

وانا مستمر بالتجارب لين الله يكتب لنا الشفاء ..

والله يشافينا ويشافيكم ويشافي كل مصدف على هالارض يا رب العالمين

..