الطلاق أم زوجة ثانية ؟

[زارع المحبة]

بسم الله الرحمن الرحيم .

السلام عليكم .


أحب أن أعرف رأيكم : إن كان لا بد من أحد الأمرين , فما الأفضل للمرأة أن تكون زوجة ثانية أم مطلقة ؟

[أم اسراء]

من رأيى زوجة ثانية أفضل من مطلقة

[زارع المحبة]

شكر أم اسراء على المشاركة

وأظنك مخطئة في اختيارك!

[أم اسراء]

المشاركة الأصلية كتبت بواسطة زارع المحبة

شكر أم اسراء على المشاركة

وأظنك مخطئة في اختيارك!

إذا كنت تقصد فى موضوعك أيهما أفضل للمرأة أن تطلق أو يتزوج عليها زوجها

فأنا أفضل أن يتزوج على ولا يطلقنى .

أما إن كنت تقصد بعد الطلاق هل الأفضل أن تتزوج أو تبقى مطلقة فهذا يختلف من إمرأة لأخرى وكل شخص حسب ظروفه المحيطة به .

[بالاسلام نرتقي]

السلام عليكم

[بالاسلام نرتقي]

أحب أن أعرف رأيكم : إن كان لا بد من أحد الأمرين , فما الأفضل للمرأة أن تكون زوجة ثانية أم مطلقة ؟
ما بعرف انا ما بتخيل ان في امرأة بالكون بتضحي تكون زوجة تانية "يعني تنزل عليها ضرة "
الا بحالات منها
_ زوجها منكد عليها عيشتها و رح ترتاح بزواجو من اخرى
_ عندها اولاد بدها تضحي مشانن لان اذا تطلقت رح يكون ضياعهن وهي على امل ان يكونولها عون بالمستقبل
_ حياتها وهي مطلقة رح تكون اقسى "بجوز مالها عون او سند "
_او ان تكون ميتة بزوجها وبتحبو وبتضحي مشانو و بترضى يتزوج غيرها
غير هل حالات انا ما بعتقد في

بالنسبة للاجيال الجديدة
بعتقد اكيد رح يكون الطلاق خيارن ..
لان لاحظت يا زواج بسعادة ...يا طلاق
ما شفت الي كان موجود بجيل السبعينات و الستينات ..
مضحي


وبضل هل سؤال ع حسب المرأة
وطريقة تفكيرها ..

[سائلة-]

لأ بصراحة
المفروض ربنا يوم جاء يشرع التعدد ياخذ شورنا .


أستغفر الله العظيم .

[بشير المحمدي]

عجيب امر النساء وخاصة في هذا الزمان
الانانيه غلت على عقولهن

[زارع المحبة]

المشاركة الأصلية كتبت بواسطة سائلة-

لأ بصراحة
المفروض ربنا يوم جاء يشرع التعدد ياخذ شورنا .


أستغفر الله العظيم .

كوني نبيهة ياسائلة ....

فإن الله أباح التعدد ولم يوجبه , فهو مباح وليس بواجب أو مفروض .

وما كان من قسم المباح فإنه يمكننا مناقشه وقبوله أورفضه وفعله أو عدم فعله وووو..

فالزوج حين يتزوج من أخرى لم يكفر .

والزوجة حين لا توافق له على الزواج من أخرى لم تكفر .

وكذلك حين تطلب منه الطلاق لأنه تزوج عليها لم تكفر أيضا...

وكذلك زارع المحبة حين يطرح هذا الموضوع لم يكفر إن شاء الله ...

استغفر الله العظيم .استغفر الله العظيم .....

شكرا على مشاركتك القيمة يا سائلة ...

[بالاسلام نرتقي]

عجيب امر النساء وخاصة في هذا الزمان
الانانيه غلت على عقولهن
!!!!!!!
وعليكم السلام عم بشير
وين الانانية بالموضوع ..؟؟

ليش انتو تعودتو ان المرأ لازم تكون مناضلة و مضحية ووو
وتكسر
ع انفها بصلة و امرك ابن عمي ...متل مابدك
و اذا قالت لا وما قدرت تجي ع حالها بتكون انانية ...!

و الله انا بشوف الانانية بان
مرتك تخدمك كذا سنة ...تتحمل عناء الحمل و الولادة و بعدها تربايتن و تعليمهن "و بالاخر هم اولادك و اسمهن ع اسمك "..
وووووووامور و لا اكتر منها
اخر شي تجيها انت ببراءة
و تقلا و الله بدي اجوز الشرع حللي ..

والله انا ما بشوف الانانية عند المرأة لما بقارنها بانانية الذكور

الانانية هي انك ترضى ع ابنة غيرك مالا ترضاه ع بنتك ...
الانانية هي ان انت معلش غيرك لا

اذا بترضى بنتك تكون زوجة 2 روح اجوز 4

"و انا ما بقصدك بالحكي ...لاني ما بعرف لا ظروفك و لا اوضاعك .._وبجوز بجوازك بتانية تكون اسعد او اشقى الله اعلم وانت ادرى بحالك
و الله يسعدك ويوفقك و يكتبلك الخير _"
انا بقصد ابناء ادم بشكل عام لان حتى لما بدن يمزحو ما عندن غير هل مزحة المعتة
وما براعو لا مشاعر امرأة و ما بفكرو ان رح تتضايق تنزعج ووو انا هون بشوف الانانية ...

ولاحظت حتى الي مو طالعلو يجوز بتانية او ما في يعبر عن محبتو بالجواز بتانية بكون حكيو كلو ع هدول حوريات الجنة ...

واذا قلتلي ان الانانية هي من مكونات الرجل فالغيرة هي من مكونات المرأة
و بتبقى ع طبيعة الشخص "رجل او امرأة"

وبعدن لكل فعل ردة فعل ..
ومتل ما الله حلل الزواج بتانية حلل الطلاق ..نفس الشي
وكل شي بالحياة الو ضريبة


واذا في غلط بكلامي خبروني ...لنتعلم