|
|||||||
| علاج مرض الصدفية والامراض الجلدية ملتقى يختص بعلاج الامراض الجلدية ومرض الصدفية المزمن وآخر ما توصل اليه العلم حول هذا لمرض |
 |
|
|
أدوات الموضوع | انواع عرض الموضوع |
|
#71
30-07-2007, 12:00 AM
|
||||
|
||||
السلام عليكم ورحمة الله وبركاته
اقتباس:
ممكن تقولين لي العلاج اللي استخدمتيه .. وراحت الصدفية منك مابقي الا خمسة في المئة .. وكم مدة استخدامه ... وكم لك بعد ماراحت منك ... |
|
#72
30-07-2007, 12:04 AM
|
||||
|
||||
|
معانق طيفها
السلام عليكم ورحمة الله وبركاته ... ياليت ترسل لي الكتيب ؟؟؟ كل الشكر والتقدير لك ... الله يشفينا ويشفي كل المسلمين من امراضهم |
|
#73
30-07-2007, 12:27 AM
|
|||
|
|||
|
هلا اخوي ..خارج التغطيه..
بالنسبه للعلاج يلي اخذه هو في البدايه كيماوي شهرMethotrexat ثمن خذيت(اneotigason ) بس نصيحه اذا انت صدفيتك مو شديده مثل الصديديه والمفاصل لاتاخذه لا ابد مو كويس له مضاعفات كثيييييره ويضعف الجهاز المناعي.... وانا من عمري 16 سنه اخذ النيوتيقزون يعني لي 6سنوات اخذه.. بس ترى الصدفيه ماراحت مني مجرد مااترك العلاج ترجع بصوره فضيعه... والدكتور المعلاج كان بيحولوني لمستشفى التخصصي بالرياض لان في علاج ناجح عن طريق الحقن كورسات..بس للآسف الشديد ماينفع ماحالتي  ^_^ تحياتي للجميع عافانا الله واياكم من كل داء يارب |
|
#74
30-07-2007, 12:32 AM
|
|||
|
|||
|
السلام عليكم ورحمه الله وبركاته...
آخوي معانق طيفها... هل العلاج يصلح لجميع انواع الصدفيه؟؟ لان انا اتعالج بمستشفى القوات بالظهران وبعدين صرت بمستشفى القوات المسلحه بالهدا والدكتور قال ان في علاج عن طريق الحقن بالتخصصي بالرياض بس للاسف ماينفع مع صدفيتي الشينه فحبيت اعرف بالكتيب او الندوه وضحوا انها فعاله مع جميع الانواع ولا انواع محدده؟؟ عشان اعلم الدكتور^_^ وانا صدفيتي صديديه ومفاصل.. وشاكره لك حسن تعاونك |
|
#75
30-07-2007, 08:41 PM
|
||||
|
||||
|
السلام عليكم
اهلا اهلا شلونكم وشخباركم شمسوين ؟ انا اختكم من الكويت وعمري 17 احم احم بريعان شبابي عمري عمر الزهور :p انا اول شي حاشني الروماتيزم من 7 سنين بعدها بسنه يتلي الصدفيه يعني قبل 6 سنين طبعا كليت هوا تعرفون شنو الهوا كليته منها :P بس الحين تعودت وسرت قويه شوي والي زادني قوه اهو ثقتي بالله لاني كبرت شوي وفهمت اكثر كنت اخذ مراهم وجذي كانت بكل جسمي والحين بس بمكانين !! وبشهر 9 حاشتني بشعري واغلب الظن انها عين والحين الي بشعري ماكو ولله الحمد " احمدكـ واشكركـ ياربي " كنت اخذ مراهم ومضادات حيويه اما دكتوري مال الروماتيزم خلاني اخذ ابر الميتروكسيت الله يهداه وايد اتعب من الابره من اللوعه الي تييني حدها موطبيعيه عاد تصدقون اليوم موعد ابرتي انا سارلي 8 شهور اخذها بس اليوم ماخذيتها وقلت حق امي ماني ماخذتها بس لان ويع حدها وماتسوي شي ! يعني شدعوه 8 شهور وماسوتلي شي الصدفيه لما اخذها كللش اتم نفس ماهيا ماتتاذر الا بالمراهم عرفتااو ؟؟ مع ان ادري اني غلطانه لاني هديتها فجاه والدكتور راح يذبجني ان درى هههه بس كيفه لان حتى امي سالته متى بتركها قال لما اطيب !!! وبعضهم قالو ليلحين ماحدداو يعني !! على قولت امي شكلهم مايدرون .. وانا اهم شي علي نفسيتي صح ؟ يعني الحين لو اخذ الابره وخلاص نفسيتي تعبانه منها ماعتقد بتاثر فيني وبعدين انا شذنبي اخذ دوا مال الي فيهم سرطان الله يكافينا الشر !! وفوق هذا تسمم جبدي ؟ ناقصه انا بعاد ؟ فـ انا قلت كيفهم بسوي الي يريحني الزم ماعلي راحتي :p وببدي اكلي شغلات تقوي المناعه الي قالي عنهم اخوي فكري وماقصر .. بس انا الي احاتيه الحين تتوقعون شبسيرلي ؟ خاصه ان انا من فتره ماتيبست علي مفاصلي يعين مفاصلي الحمدالله مافيها شي فاخاف يردلي بسبت الابره تاثر ؟؟ عفيه قولولي وريحوني .. وشنو الاحتياطات الي اسويها عشان اخفف من الاثار الي بتسيرلي بعد ماتركتها ؟ وتقبلوني إخت بينكم وماعتقد بكون إخت ثقيله على قلوبكم لاني عصله :p |
|
#76
31-07-2007, 12:28 AM
|
|||
|
|||
|
السلام عليكم
هلا اخي فكري ..
اتمنى لك حياة هنيئه سعيده من غير هالمتنيله وانشاءالله من غير رجعه ... ومع قوة اصرارك وتفاؤلك وعزيمتك الا انه في اعتقادي ان صاحب (العين) اللي اصابك وكان السبب في علة الصدفيه هذه قد توفى لرحمة مولاه ... وكان هذا السبب الاكبر في شفائك منها والحمدلله .. والله اعلم . اشكر اخواتي جروح هالزمن وحلا .. على التوضيح .. وبالنسبة للحميه ... جميع الاطباء يقولوا مالها اي حمية غذائيه اما خبراء الاعشاب هم اللي مصرين على انه لها حمية .. اللي اشوف مالها اي داعي والله اعلم . اخواني بالنسبة للـ Methotrexat صحيح خطير وبيخوف بس طالما يستخدم باشراف طبيب وبيعمل له تحاليل فأنشاءالله ماعليه خلاف وبيفيد كثير جدا جدا في حالات التهاب المفاصل مثل حالتي والحمدلله ... اما الذين مابيعانوا من التهاب المفاصل لا انصحهم باستعمال الـ Methotrexat . اختي بنت الكويت .. الف سلامه لك وربي يشفينا جميعاً يارب .. لاأؤيدك لتركك الـ Methotrexat فجئه من راسك .. المفروض تستشيري طبيبك وبما انه خفت عندك التهاب المفاصل والحمدلله فأكيد راح يقر لك طبيبك بأنتها هالكورس المزعج قريباً ... |
|
#77
31-07-2007, 12:38 AM
|
|||
|
|||
|
السلام عليكم ورحمة الله وبركاته
شخباركم اخواني ان شاء بخير...شخبار الحبيبة (الصدفية) اللي جمعتنا على خير ان شاء الله انا لاحظت اسماء ادوية غربية ..انا اتعالج بالقوات المسلحة بالرياض وما عرفت الا الديفونكس اتوقع اسمه كذا وماهذا ما استخدمته الا اول الامر بعدين لاحظت انه اذا تركت العلاج تزيد فقلت الله الشافي و ركبتي صار فيه روماتيزم مرة وحدة قبل اربع سنين جلست اسبوع ما كنت اقدر امشي والحين الحمدلله ...وانا الحين لي سنتين تاركة العلاجات باقية على مراجعة المستشفى,, انا احس انها عين برضه لانها ما جتني الابعدين مناسبة كنت حاظرتها ... بس احس انها ماتروح الا لما الواحد يشيلها من باله وجودها نفس عدمها بتروح باذن الواحد الاحد يالله مع السلامة اشوفكم على خير وتراني بالخدمة يالغاليين محبتكم للابد جروح من هالزمن ^_^ |
|
#78
31-07-2007, 12:41 AM
|
||||
|
||||
|
أهلين أختنا العزيزة .. بنت الكويت .
وبروحك الطيبة ومعنوياتك هذة أن شاء الله سوف تحققين الشفاء الذى تمنيتية .. وأرجوا ذيادة زيت اللوز على حبة البركة والزيتون وهى مجربة وأن شاء الله فيها الخير .. وكذلك أقول لأخونا سلمو أن يحتاط عند طحن كمية من حبة البركة أن يتم وضعها فى أناء زجاجى غير شفاف لعدم أكسدة المسحوق لتعرضة للأضاءة المباشرة .. |
|
#79
31-07-2007, 12:48 AM
|
||||
|
||||
|
حلا
شكراَ على التوضيح والله يبارك فيك وان شاء الله شفاء لي ولك من الصدفية بدون رجعة . |
|
#80
31-07-2007, 12:57 AM
|
||||
|
||||
|
أخى الحبيب .. أبو ضياء ..
الله يسلمك أن شاء الله من كل عين .. ويمكن صحيح أن صاحب العين التى أصابتنى قد توفاة الله القادر على قبض روح هذا الذى نظر اليك بعين حاسدة . الله يكفيك شرورها .. ويكفيك أن تقرأ كل صباح المعوذتين وقل هو الله أحد ليحفظك الله سبحانة وتعالى من كل عين طوال يومك بأذنة تعالى .. لأنك أنسان تستحق كل الخير .. وأسمح لى أخى العزيز بأن أشبهك .. بشمعة تحترق لتنير لمن حولها طريقهم .. الله يجزاك خيرا لما تقدمة للجميع |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
|
|
Powered by vBulletin V3.8.5. Copyright © 2005 - 2013, By Ali Madkour |
العرض العادي
