تحدية صدفيتي وعشت حالة من السعادة المطلقة

[ansam islam]

سلام عليكم جميعا احبائي
الاحظ ان الموضوع يعتليه التفاؤل والامل فما احوجنا لمثل هكذا مواضيع
خليتوني اتفاؤل وحبيت موضوعك يا أختي العياش وحبيت فكره تغيير اللوك وتغيير الروتين

[بنـ الكويت ــت]

ابيّييه انتي نفسي لووول
على الرغم من انه صدفيتي صعبه وشديده
لكن انا اكثر انسانه عايشه دنيتي :d
كل مره اصبغ شعري واقصه
واشتري كل الي بخاطري !
بس هالمره اعترف شي واحد مكدرني اني اذا عملت اللايت ثيرابي لل feet
شلون بلبس صنادل ! مادري اخاف الشكل يكون غامج وموحلوو

الله يعييين ..

تصدقين بقولج شغله
انتي لو شنو فيج والله لما تكونين واثقه من نفسج الناس بتشوف كل شي فيج زين !
يعني انتي بنفسج تخيلي وحدة مثلا فيها صدفيه او اكزيما وبكل جسمها
لكن تلقين البنت واثقه من نفسها وشكلها مرتب ووحلوو وتضحك وتسولف
شنو الانطباع الي بتاخذينه عنها ؟؟ اصلا يمكن تحسدينها بعد

اهم شي الثقه بالنفس ، الحياة حلووة اذا شفناها من جانب حلو
واحنا بنفسنا نقدر نتحكم بنظرة الي حوالينا فينا !

[أم فرفورة]

موضوعك جميل من ناحية التقبل والتفاءل حبيبتي بس لابد يدخل معاه الرضا وإحتياطات والحذريعني ماننساه تجاهل نفسي ننساه تفاءل ورضا لكن نوقي نفسنا ونصدق المرض وأزيدك من الشعر بيت لو نقدرنقرب من الله ونحس بحلاوة الإيمان علاقة خاصة مع الله تعالى ونقدر نعطي الحب والاحترام لغيرنا ملكنا الدنيا بصدفية أو بدونها

[مناير الكويت]

واو كلام يجنن ويني عن هالتشجيع من زمان .. :d

صراحه عن نفسي احيانا انساها بس اغلب الاحيان اتذكرها في كل مناسبه اتذكرها اني ما اقدر البس شي قصير او كم قصير اخاف من نظرة الناس .. بس مع اهلي انساها والبس اللي ابيه

و مثل ما قالت ام فرفوره حلاوة الايمان والقرب من الله لها تاثير عجيب على النفسيه

وان شالله انها تكفير للذنوب

يارب نسالك الشفآء من عندك يارب ارحمنا برحمتك فانت تعلم مافينا ونحن عبيدك الضعفاء المستجيرون ..

[جودينا]

شجعتيني اتهور واسوي نفس سواتك

لكن صدقيني لو اطير للمريخ اني ما انساها ولا اقدر اصلا

مع تحيات المخلصه للعشره

[أم فرفورة]

صدقتي ياجودينا سبحان الله هذه نقطة ضعفنا مع الصدفية

[أنـــا]

أنا عن نفسي ما أقدر أنساها.. أحس انها صارت عضو من أعضائي..
خصوصاً عند الخروج والمناسبات أتعب إلين ألاقي اللبس اللي ما يبين أي بقعة من بقع الصدفية..
وإذا مالقيت.. خلاص.. أبطل.. ما أخرج..!

ياشيخة خليها على ربكـ..
ربنا اللي بلانا بدا المرض.. وهوا القادر على شفائنا..

( يارب اشفي مرضانا ومرضى المسلمين )

[بنـ الكويت ــت]

^
^

ليش جذي معذبين نفسكم ؟
اقولكم شغله :d
انا اصلا مومتحجبه ، والصدفيه تبين بجسمي
واطلع وارووح الجامعه وكل مكان !
والوضع عادي :d
لانه هذا شي مو بيدي !
يعني بالعقل لو شي بيدنا بنخلي نفسنا جذي ؟!
اكيد كل واحد بخلي يلده احسن يلد
وعادي عشان الاوادم اذا نفروا او لاعت جبدهم عساس يتعلمون
انه مايخزون ! :p

( من خزّ ما لا يعنيه ، وجد ما لا يرضيه :d )

[مناير الكويت]

بنت الكويت اقص عليج اذا اقولج اقدر انساها..

كل شي تذكرني فيه لدرجه لما اقوم من مكاني اطالع تحتي اشوف القشره اللي تطيح مني

وحتى المطبخ ما ادشه اخاف يطيح مني شي بالاكل ..

والملابس اه يا الملابس اصلا اذا كان عندنا عرس بالصيف اتجهز له وافصل واشتري واضبط بس

لما اعرف ان هالعرس راح يكون بالشتا ما اتعببب نفسي ما افكر اروح له اصلا الله يعيين بس

والله انا الملابس عندي اكبر مشكله بس الله كريم ..

[ayache]

المشاركة الأصلية كتبت بواسطة هجهوج

انها الحياة جميله ستنتهي لا محاله

والله مدري هالعباره تصلح لموضوعس ولا داخلن عرض

على قولة العم ابرفسور فكري دياب
يبقى الامل ما دام الفرح
وما دامت الحياة

نعم اخي الهجهوج الحمد لله على كل الحال.....ما باليد حيلة مش إحنا لخترنا المرض لكن المرض هو الذي إخترنا ...لا يجب أن نقول لماذا إحنا من دون الناس ,,, بس نقول فيه خير ربما لحكمة ما....بس لا ننسى أن نقول الحمد لله رب العالمين