باركوا لي قربت أشفى من الصدفية

[سعيدة بحياتي]

المشاركة الأصلية كتبت بواسطة منوره

السلام عليكم ياخت سعيدة بحياتي ما شاء الله عليك اسم يبعث التفاؤل بالنفس بس سؤالى ممكن اضع مع الخلطة الدهيمية خل ومن وين شريتي خل التفاح الأصلي يعني من كلامك يوم نستخدم الخلطة الدهيمية ويوم خل وفازلين وكم الكمية وشكرا

وعليكم السلام ورحمة الله وبركاته
انا احط مع خلطة الدهيمية خل التفاح فعلا , بس اللي على الوجه بدون الخل لأن وجهي حساس حيل .
اما بالنسبة للخلطات اكثر شئ استخدم الفازلين مع خل التفاح لاحظت انه اقوى واكثر شئ استخدمه يوميا في الوقت الحالي هو الفازلين والخل .
الكميات غير محددة ادهن جسمي كله وامارس رياضة المشي لمدة ساعة في اغلب الاحوال او ارتاح وبعدها اتحمم بصابونة الكركم .
اشرب ربع كوب ماء برودته عادية مع ملعقة شاي خل التفاح مرتين في اليوم صباحا ومساء فقد وصى به الرسول الكريم
والهم ملعقة متوسطة بذر الكتان مطحون مرتين يوميا وهذه التجربة استفدت منها من احدى الاخوات في المنتدى جزاها الله الف خير
افضل خل هو خل معجزة الشفاء ومتوفر في كل الجمعيات
اللهم اشفنا وعافنا
وحاضرين لأي سؤاااااااااااااال ولا تنسونا من الدعاء

[منوره]

اتصدقين انا ودى فى بذور الكتان اسمع انها ممتازة بس مشكلتي انى نحيفة واخاف اكلها واضعف زيادة بس يمكن اذا كثرت من الأكل ما تأثر حيل شرايك؟ ابي نصيحة

[منوره]

السلام عليكم أفهم من كلامك انك تحطين خل التفاح والفازلين بس لمدة ساعة أو كثر؟ بعدين شاور وبشنو اترطبين جسمك؟وبالنسبة للرأس شنو استخدمت؟سامحينى دوختك بالأسئلة انا اهتم بالقادير كمية الخل تكون اقل من الفازلين ولا العكس؟

[سعيدة بحياتي]

[quote=منوره;989392]السلام عليكم أفهم من كلامك انك تحطين خل التفاح والفازلين بس لمدة ساعة أو كثر؟ بعدين شاور وبشنو اترطبين جسمك؟وبالنسبة للرأس شنو استخدمت؟سامحينى دوختك بالأسئلة انا اهتم بالقادير كمية الخل تكون اقل من الفازلين ولا العكس؟[/quot
عادي انا كنت مثلك مو عارفة شلون اسوي الخلطات , بس تراها سهلة جدا ابدأي في التطبيق عشان تشوفين بنفسك لأن الكلام الشفوي بيضيع وقتك كثير وبتسألين كل شوي كل ماتخيلتي سبحان الله ,اهم شئ الفازلين يكون مع فيتامين e , طلعيه من علبته وحطيه في علبة زجاجية وصبي عليه الخل وحركيه باستمرار لما تحسين انه تغير لونه صار فاتح وكأنه كريم وتشوفين فيه بعض كميات من الخل منفصلة عن الخليط عادي .
يعني فازلين 240 ملم ضيفي عليها تقريبا استكانة خل وحركيها كل شوي لين تختلط تقريبا .
للشعر استخدمت زيت الخردل مع خل التفاح بكميات متساوية وافرك فروة راسي فيه واغطيه بكاب لمدة 3 ساعات تقريبا , اما اذا فروة راسك مليانة جروح افضل تستخدمين زيت الخردل لمدة اسبوع بروحه وبعدين اخلطي معاه خل التفاح .
بالنسبة للمرطب بعد الشاور مو دايما استخدمه بس افضل شئ استخدمته الاوتوديرم وهو موجود في الصيدليات الحجم الصغير قيمته 10 دنانير تقريبا والكبير 14 دينار بس مرطب فرنسي رهيييييييييب

[منوره]

بس يعطيك العافية من وين زيت الخردل وهل الإجمرار في فروة الرأس يخف مع زيت الخردل واي شامبو تستخدمين وبالنسبة لخلطة الفازلين ما قلتيلي كم ساعة؟ والله يعينك على

[هجهوج]

قدامك العافيه
لا تنسى الرياضه ضروري ان الجسم يعرق كثيرا
ويا حبذا تخفيف خل التفاح بكاس ماء
وشربه وعليك بالعافيه