اللوز !

[بنـ الكويت ــت]

المشاركة الأصلية كتبت بواسطة ايهاب العراقي

اي انا قريت انها تأثر على الكبد بعد..ماحسيت بشي لأن كنت تحت البنج..بس بعد ماصحيت اكيد حسيت بألم لأن مكان الجرح طري واذكر بعد ماصحيت من البنج عطوني ايس كريم وقطع ثلج يعني مثل الماي المجرش مادري يمكن على مود يلحم مكان العملية..وبعد ماتطلعين من العملية راح تحسين ببرد بسبب البنج ..والعملية طولت 20 دقيقة وهي عملية سهلة ..وراها ماراح تقدرين تتكلمين الى امدة اسبوع اكثر شي الى ان يلتئم مكان العملية ..بالنسبة ليا انا كنت اتكلم بالأشارات وكانوا اهلي يفهمون علي بطلوع الروح وكنت اعصب عليهم..واذا تبين شي تقدرين تكتبين على ورقة..انا اذكر اني طلعت من المستشفى بنفس اليوم وبقيت يومين او اكثر بالفراش بالبيت تقريبا وراها قمت افتر بالبيت عادي بس مااقدر احجي ..ومع مرور الأيام خف الألم ورجع كل شي طبيعي ..طبعا انا سويت العملية سنة ال 97 يوم كان عمري 13 سنة ومن يومها ماصار عندي التهاب بالحلق ولا امرض ابد والحمد لله..طبعا انا هذي مو اول عملية اسويها بحياتي سويت عملية ازالة مفصل الرسغ (اليد اليسرى)بعد ماتدمر الغضروف(سنة 2006 سويت العملية) بسبب التهاب المفاصل الصدفي اللي صار عندي قبل 10 سنين وهاي جانت عملية صعبة طولت 2:30 الى 3 ساعات عملية كبرى وقطوا قطعة عظم من الحوض وحطوها بمكان الغضروف اللي شالوه وحطوا فوقها قطعة بلاتين وثبتوها بأربع براغي وللحين موجودة بأيدي ..وراح اطلعها عن قريب ان شاء الله والحمد لله التهاب المفاصل ماطول راح من زمان وشفيت منه بعد مااستعملت الميثوتركسيت بس بقت الصدفية..كله بسبب الصدفية الحمد لله على كل حال نحتسب الأجر عند الله.
فأنتي اذا الأطباء قرروا يسوون العملية لاتخافين ترى والله هي عملية سهلة وماتخوف وان شاء الله عقبها راح ترتاحين من الالتهابات وكورسات الانتي بايوتك.
تمنياتي لك بالشفاء العاجل

وااااي عورت قلبي
حرام عليك ما اتحمل اقرى جذي

لاحول ولاقوة الا بالله

كله بأجره كله بأجره ..
والحديث الي بتوقيعك يثبت هالشي .. الحمدالله على كل حال

يعني تنصحني اسوي العمليه صح ؟!
انا الي احاتيه اثناء العمليه اخاف اختنق او اشرق

وبنفس الوقت الي احاتيه بعد العمليه الالم ! شلون الالم ؟!
تقدرتوصفه لي ؟!

وبسألكم هل الالم نفس عوار ما بعد المنظار .. لانه بعد منظار المريء ظليت 3 ايام
احس باللللللللم بالبلاعيم ..

الله يعين يارب .. انا اصلا احتمال اقول للدكتورة اذا بسوونها يخلوني انام بالمستشفى
احسلي كذا يوم !