جاكم الفرج بإذن الله علاج cosentyx الكوسينتيكس

[الدعم]

اي مستشفى او اي صيدلية ....
؟

[Dr. Amr Ibrahim]

المشاركة الأصلية كتبت بواسطة الدعم

اي مستشفى او اي صيدلية ....
؟

بعتذر بشده عن التاخير،، كل عام وانتم بخير

الحقيقه معنديش فكره فين بالضبط ف السعوديه هو اخذ موافقات من شهرين او تلاته وبالتالى ممكن مش متوفر غير ف صيدليات محدده اللى اعرفه ان سعر العلبه ودي الجرعه الشهريه من 6000-7000 ريال سعودي
ف الامارات حوالي 1500 $
ف مصر حوالي 550 $

[الدعم]

المشاركة الأصلية كتبت بواسطة dr. Amr ibrahim

بعتذر بشده عن التاخير،، كل عام وانتم بخير
الحقيقه معنديش فكره فين بالضبط ف السعوديه هو اخذ موافقات من شهرين او تلاته وبالتالى ممكن مش متوفر غير ف صيدليات محدده اللى اعرفه ان سعر العلبه ودي الجرعه الشهريه من 6000-7000 ريال سعودي
ف الامارات حوالي 1500 $
ف مصر حوالي 550 $

اخذ موافقات من مين بالسعودية ؟؟

[Dr. Amr Ibrahim]

المشاركة الأصلية كتبت بواسطة الدعم

اخذ موافقات من مين بالسعودية ؟؟

موافقات يعني ترخيص وتسجيل انه يطرح ف الاسواق السعوديه

[maznho]

السؤال الأهم

هل عند استعمال هذا النوع من العلاج يجب الاستمرار عليه مدى الحياة لأنه في مثل هذه الحالة سيكون مكلف جدا

[Dr. Amr Ibrahim]

المشاركة الأصلية كتبت بواسطة maznho

السؤال الأهم

هل عند استعمال هذا النوع من العلاج يجب الاستمرار عليه مدى الحياة لأنه في مثل هذه الحالة سيكون مكلف جدا

الصدفيه مرض مزمن وبالتالي الصح ان المريض يستمر مدي الحياه.. ونجاح العلاج ف انه يستمر ف اعطاء نفس الفاعليه بعد الوصول لجلد خالي من الصدفيه مع الاستمرار الطويل وده حصل بالفعل مع الكوسينتكس
ولكن زي ما بتقول التكلفه غاليه عندنا لان مفيش مظله تأمينيه قويه .. وبالتالي من خبره الاطباء العمليه وعشان يقللو التكلفه بدأو يلجأو للتالي:
ان المريض يستمر6 اشهر عالعلاج خلالها يصل المريض لمرحله Remission
او خمول المرض يعني توقف نشاطه ومن ثم يوقف استعمال العلاج البيولوجي تماما مع المتابعه حتي تعود الصدفيه ومع الادويه الحديثه الصدفيه بترجع تدريجي يعني بشكل قليل مش اسوأ من الاول.. وقتها يبدأ المريض ف استخدام العلاج البيولوجي

او ان بعد 6 اشهر يبدأ الطبيب ف زياده المده بين كل جرعه والتانيه بمعني الكوسينتكس مثلا جرعته كل شهر ,, بعد 6 اشهر بيخليها كل شهر ونصف مثلا عشان يحافظ ع استمرار التحكم ف المرض وكمان يقلل التكلفه قليلا وده توجه اطباء الروماتيزم خصوصا ف حالات التيبس المناعي للعمود الفقري و صدفيه المفاصل بسبب تجاربهم وخبراتهم الكبيره ف العلاج البيولوجي

ف حالات المرض بيكون شديد ولو وقف ممكن ف خلال شهرين ترجع وبالتالي ده لازم يستمر علطول وه بيختلف من شخص للاخر

[meqdadi77]

المشاركة الأصلية كتبت بواسطة Dr. Amr Ibrahim

بعتذر بشده عن التاخير،، كل عام وانتم بخير
الحقيقه معنديش فكره فين بالضبط ف السعوديه هو اخذ موافقات من شهرين او تلاته وبالتالى ممكن مش متوفر غير ف صيدليات محدده اللى اعرفه ان سعر العلبه ودي الجرعه الشهريه من 6000-7000 ريال سعودي
ف الامارات حوالي 1500 $
ف مصر حوالي 550 $

may i ask why the coast is cheap in egypt?

[Dr. Amr Ibrahim]

المشاركة الأصلية كتبت بواسطة meqdadi77

may i ask why the coast is cheap in egypt?

أكيد,, عملية تسعير الادويه عموما بتتوقف علي عوامل كتير هل الدواء استراتيجي للشركه ولا عايزين ربح وبس منه والحاله الاقتصاديه ف الدوله وضعها ايه والمنافسين اسعارهم ف ادويه غاليه زى دي هل ف تآمين صحي قوي هيغطي عدد كبير من المرضي ولا لا وغيرها من عوامل تانيه..
ف مصر نزل الاسواق قبل تحرير سعر العمله ووقتها كان السعر حوالي 1000 $
وايضا مفيش نظام تآمين قوي يغطي تكاليف مرضي كتير وبالتالي لازم سعره يكون ف متناول اكتر عدد ممكن من المرضي, بالاضافه لاسعار الادويه الشبيهة, ولو تم زياده سعره بعد تحرير الصرف مكنش حد هيشتريه خالص.

لو لاحظت هتلاقي اكتر الادويه مبيعا ع مستوي العالم هي ادويه بيولوجيه لان ف اوروبا اسعارها غاليه جدااا كوزينتكس ف اول سنه اعتقد كانت المبيعات مليار دولار,, ده لان ف اوروبا السعر ممكن يوصل أكتر من 3000 $ شهريا ولكن المريض لا يتحمل اي تكلفه.