رحلة ابنتي مع الاكزيما و رجائي من الله الشفاء

[nisreen1811]

يا رب يا امل تجربي طريقة عازمة - انا كتييييييييير متفائلة فيها وابنها ماشاء الله ماعد رجعتله الحبوب - وانت ماشاء الله عليك مبدعة واكيد راح توصلي للشفاء قريب ان شاء الله.
بس كان نفسي اسالك من زمان - طالما نظامكم الغذائي ممتاز زي ما قرات - فكرك شو سبب صدفية ابنك؟ حسب رايك؟ وليش توقفي اي دهان طالما طاب - ليش ما استعملت اشي للوقاية؟ لو تقليل مرات الدهان مثلا بس مش توقيفه نهائي عندي الك اسئلة كتير والله ونفسي اتعلم منكم كلكم

عازمة يعني فكرك الدهان بعد التغسيل احسن؟ مش قلتيلي تقليل الحمام احسن ؟ بخاف ينشف بزيادة وفكرت اني ما اغسله احسن ؟ وبدهن عليه على طول ؟ والا شو رايك؟

يا رب تشفي اولادنا وبناتنا و ترحمهم برحمتك يا رب العالمين

[عازمة على شفائه]

المشاركة الأصلية كتبت بواسطة nisreen1811

يا رب يا امل تجربي طريقة عازمة - انا كتييييييييير متفائلة فيها وابنها ماشاء الله ماعد رجعتله الحبوب - وانت ماشاء الله عليك مبدعة واكيد راح توصلي للشفاء قريب ان شاء الله.
بس كان نفسي اسالك من زمان - طالما نظامكم الغذائي ممتاز زي ما قرات - فكرك شو سبب صدفية ابنك؟ حسب رايك؟ وليش توقفي اي دهان طالما طاب - ليش ما استعملت اشي للوقاية؟ لو تقليل مرات الدهان مثلا بس مش توقيفه نهائي عندي الك اسئلة كتير والله ونفسي اتعلم منكم كلكم

عازمة يعني فكرك الدهان بعد التغسيل احسن؟ مش قلتيلي تقليل الحمام احسن ؟ بخاف ينشف بزيادة وفكرت اني ما اغسله احسن ؟ وبدهن عليه على طول ؟ والا شو رايك؟

يا رب تشفي اولادنا وبناتنا و ترحمهم برحمتك يا رب العالمين

شوفي حبيبتي نسرين بالنسبة للجسم فقط حمام مرة واحدة بالاسبوع لانو اولا الجو بارد فما بدنا الصغار يمرضوا وبالتالي كنت اخاف انو الصدفية تزيد...وتانيا لانو الجسم بنشف بعد الحمام يعني حتى احنا بنشف الجسم كتير بعد الحمام صحيح؟؟فلازم ارطب جسم ابني مرة بالاسبوع بعد الجمام بزيت الزيتون البكر وباقي الاسبوع ما يعمل اي شي الا للمناطق المصابة متل ما قلتلك الي هم الاكواع والركب..هدول دهان يومي عشان ما ينشفوا ويلتهبوا...والدهان بزيت الزيتون الي في قشر مندلينا..
بالنسبة للوجه يا نسرين فهو مكشف للهواء والغبرة مو متل الجسم مغطى....يعني بزكر اول ما اجت على وجه ابني كنت ما ارضى اغسلو عشان ما ينشف وجههو الا بالماء فقط اول ما يصحى ...بس الي صار انو صار يطلعلوا حبوب صغيرة كتييييييير كتيييييير حوالين الصدفية بعدين اكتشفت انو المنطقو ما عم بتتهوى دهان ورى دهان ورى دهان وما في تغسيل يومي بالصابون...وبالتالي طلعت الحبوب...وكنت شاكة اصلا بانو طريقتي فيها شي غلط...وبعدين قرات الاخ خويلد الجزاثري والاخ سعيد مسلم على ما اعتقد كذلك نصحوني بالتغسيل اليومي بالصابون....بعدين فكرت بحالي وقلت انا بدهنلوا زيت سمسم وقتها كنت وبروح عالمدرسة وبلعب وتخيلي كم الاوساخ الي رح تعلق على وجهو وهاد شي طبيعيوبعدين اول ما يرجع كنت اغسلوا بمي فقط وكمان مرة ادهنلوا نسيت شو...وهيك عمتجمع اوساخ فوق اوساخ وبالتالي عمبتطلع الحبوب الصغيرة هاي...صرت الصبح اول ما يصحى بالصيف لانو بكون عرقان تغسيل بالصابون...واول ما يرجع من المدرسة وازا طلعنا مشوار كمان بغسلوا بالصابون....اما بالشتاء الصباح بغسلوا بماءفقط لانو بتعرفي الواحد ما بيعرق بالشتاء واول ما يرجع من المدرسة بالصابون النابلسي وازا طلعنا مشوار كمان نفس الشي...وقبل ما ينام بالماء فقط...واحيانا بالصابون ازا حسيت وجهو مو نظيف لانو بتعرفي بالليل وقت الدهان لازم يكون الوجه نظيف...يعني انتي قدري الوضع المهم لا تحطي دهان على دهان بدون ما تفصلي بيناتهم بالصابون مرة...وان شاء الله اكون افدتك حبيبتي نسرين مع تمنياتي للامورة لين بوافر الصحة والعافية واخوانها كمان وعيلتك كلها ولا تزعلي...
اللهم اشف جميع مرضى المسلمين اللهم ااامين...

[عازمة على شفائه]

عزيزتي امل الربيع:
والله اول مرة اعلم بان طفلك صدفيتو وراثية ربما لذلك تكون اصعب قليلا في العلاج...على كلا بالنظام الغذائي الخاص بجميل دويك لو اكتفى بشرب الخل بخلاصة الاعشاب مرتين في اليوم بعد وجبات الطعام فانها تبدا بالزوال لحالها بعد شهر وبعد ثلاث اشهر ان شاء الله بتختفي علطول ..مع الدهان بزيت الزيتون بخلاصة الاعشاب..انا بالنسبة لطفلي كان اول تحسن بلش يظهر بالوجه عندو بعد استعمال زيوت الدويك بصراحة ولا انكر ذلك ولكن انتهت الكمية وكملت على العسل وحليب الام..عزيزتي بالنسبة للعسل بعد الخل لازم يفصل بيناتهم ساعة هيك قالتلي لما اتصلت بمركز جميل دويك....
سلميلي على الامور ابنك وبوسيلي ياه بوسة مني وقوليلوا هاي من امو للولد ولهلا الله وكيلك بدهلوا وهو نايم ...ما بيرضى الافندي..وب100خناقة بدهنلوا لما يصحى الصبح !!!الله يهديه بس...
واخيرا يا امل...لما قرات ردك تاثرت وقلت في نفسي ان الله يبتليك لانو فعلا يحبك...وانتي ما شاء الله لا قوة الا بالله
عليكي صابرة وان شاء الله يدخلكي جناته من اوسع ابوابها...
انا كنت اعتبر نفسي في ابتلاء غير ابني في مشاكل بحياتي...ومع هذا لما اشوف الناس حوالي اكتشف انني في نعمة احسد عليها...وادعو الله ان يبتليني بما استطيع تحمله وان لا يبتليني بما يصعب علي تحمله بالتالي لا اعلم ردة فعلي أأصبر ام اكون جاحدة بنعم الله الاخرى علي....لذلك احمد الله دائما وابدا ...وبالنسبة للحظات الضعف..فلا تشعري بالذنب ابدا فنحن بالنهاية بشر..ولكن الذنب ..اذا استمر الشعور ولم يعقبه الرضا والحمد والرجوع عن هذه الافكار التي هي في النهاية من الشيطان ابعده الله عنكي وعني وعن كل المسلمين...
تحياتي لكي....ولكل ام متلك..بارك الله فيكي وشفى قرة عينك يا رب العالمين..
اللهم اشف جميع مرضى المسلمين اللهم ااامين...

[ألانوار]

أعجبتني المحاورة اللطيفة بينكما أخواتي..الشكر لله اللهم لك الحمد على ماأبتليتنا به اللهم يشفي مرضاكم ويشفينا بأرادته