ماخاب من استشار

[ايهاب العراقي]

هلا اختي سارة ..الحمد لله على السلامة طولتي الغيبة..ازيد على كلام الأخوان..بالنسبة للأبر البايلوجية مو شرط تشتغل مع الكل اكو ناس يستفادون منها واكو لا ماتأثر بيهم.. وانتي سبحان الله صدفيتك من النوع العنيد اللي مايستجيب لكل العلاجات..بالنسبة لي انا ايضا استعملت علاج بايلوجي يستعمل للأمراض المناعية (ولكن غير مخصص للصدفية) اسمه rituximab ريتوكسيماب والدكتور قلي انها ابر قوية من الأبرة الثانية راح يبدي التحسن 50% ..واستعملت ابرتين وماصار عندي اي تحسن..فما مثل ماقلت العلاجات البايلوجية مو شرط تشتغل مع الكل..وادري انك صبرتي كثير وتعبتي كثير واستعملتي الكثير من العلاجات بدون فائدة..لكن ماصعب الحياة لولا فسحة الأمل.. لازم نكمل المشوار ونجرب علاجات اخرى عسى ولعل رب العالمين يجعل فيها المخرج..تحياتي وتمنياتي لك بالشفاء.

[جودينا]

المشاركة الأصلية كتبت بواسطة ساره2000

بس الي مخليني افكرر ليش الابر ماجابت معي نتيجه !!!

اممممممم لا تستعجلين ولا تحكمين عليها الين اخر الكورس لأنك مازلتي في البدايه

[جودينا]

المشاركة الأصلية كتبت بواسطة صدى الدعاء

أهااا كأني حزرت يا ستي الله يبشرك بالخير .
و أنا كمان اتفق معك مئة بالمئة هههههه ( شفتي المصلحة شو بتعمل )
بس جد أم الجود صدقيني انني من هذه الفئة الي ما بتتأثر صدفيتهم بالحالة النفسية(يعني مافيها احساس )

هلا بالصداديش كلهم هلا بك صدوشه

رشيقه البديهه اسم الله عليك

اصدق ياصدوش مو احساس وبس..الهانم كل شي مافيها

[ساره2000]

ايهاب مشكور على كلامك الي يبعث الامل وفعلا انا صدفيتي عنيده جدااااماعمري شفت جسمي بدون صدفيه ابد ومحكوره في البيت لااطلع ولاشي

بس ربك بيفرجهااااا ان شالله


جودينا حبيبتي المشكله الكورس ستة شهور وانا صار خمس شهور الحين وخذيت 12 ابره
ورجعت استعمل بذر الكتان مع العسل داخليا مع الاوميغا 3 بس خايفه يكون فيه تعارض مع الابررر
يارب رحمتك والشفاء بيد الله والعلاجات خلاص ياست منهااا

[جودينا]

المشاركة الأصلية كتبت بواسطة ساره2000

جودينا حبيبتي المشكله الكورس ستة شهور وانا صار خمس شهور الحين وخذيت 12 ابره

هلا سارونه
اعتقد ان الكورس اكثر من كذا والست شهور هي مرحله اولى
دكتورتي قبل قالت لي ان كورس الهيوميرا سنتين والعلاج يكون على مرحلتين وكل سنه تعتبر مرحله
تصرف لك وزاره الصحه دفعه اولى حقت سنه ..وانتي قد تتشافين في هذي السنه او حتى اقل من سنه وما تحتاجين لتكمله باقي السنه ولا للمرحله الثانيه
واذا قضيتي على الدفعه الاولى في اول سنه واحتاجت صدفيتك الى دفعه ثانيه وقتها نرسل تقرير عن حالتك للوزاره ونطلب منهم الدفعه الثانيه حقت السنه الثانيه...هذا ماقالته لي الدكتوره وانتي اسئلي دكتورك وشوفي وش يقول لك
والصدفيه مو مرض يستحيل شفائه ..تفائلي لكل داء دواء

عسى الله يفرجها بوجهك ويشفيك عاجل يارب

[ساره2000]

جودينا مرررررررره شكرا على ردك وبعثتي فيني الامل من جديد يالبى قلبك

موعدي بعد شهر عند الطبيب وراح اساله

طيب انا استعمل بذر الكتان واميغا 3 تتوقعين يتعارض مع العلاج او لا؟

[جودينا]

المشاركة الأصلية كتبت بواسطة ساره2000

طيب انا استعمل بذر الكتان واميغا 3 تتوقعين يتعارض مع العلاج او لا؟

هلا سارونه
والله ما اتوقع يتعارض معه لأنه مكمل غذائي ا والعلم عندالله
لأنه مايشتغل عالمناعه زي الحبه السودا
بس اهم شي تزينين التغذيه ركزي عالمفيد في ذي الفتره

[ساره2000]

جودينا تتذكرين الي تشافى من الحلتيت والمره؟؟

اليوم اقرا عن المس والعين وكيف ان من فيه مس من الجن يتشافى بالحلتيت والملح والخل وزيت حبة البركه والشذاب والحرمل وكلها تقريبا اشياء تضايق من به مس والتالي يحصل الشفاء

وجلست افكر وقلت اكيد مرضنا مس عشان كذا اغلب الي يتشافون بالرقيه الشرعيه مع هالاعساب الي ذكرتها بالاعلى

الله ولي التوفيق ولاحول لاوقوة الا بالله


شكرا ياجودينا على اضافتك ربي لايحرمنا منك ولامن كل الاعضاء الي يشاركونا فرحنا وحزنا

[جودينا]

هلا سارونه
صراحتن صراحتن نقطه محتاجه فلسلفه وتشمير اكمام وشرح باليدين <<تحمست الاخت

شوفي ياعزيزتي حكايه المس هذي ما استبعدها ابدا ممسوسين ..ملموسين اي نعم تابعي معاي واحكمي
سالفه المره ذي حكايتها حكايه انا استخدمتها بس من غير حلتيت مفعولها عجيب
كلامك عن المره نبهني على شغله وقد تعتبر نقطه التحول في تاريخي الصدفي ..هع
قبل كانت صدفيتي عاااااااصيه وطول عمري ماشفت منها الا 3 مرات بوادر شفاء على فترات متباعده وكل مرا كانت احسن من اللي قبلها..والرابعه كانت مسكته
اول بادره شفاء كانت من زمان ايام الطفوله في منطقه بسيطه جدا اللي هي منطقه مابين المفصل و الاضفر في اصبع واحد بس في يدي اليسرى..تخيلي قد ايش صغر المساحه بس فرحت بها لأني اول مرا اشوف جلد في مكان ماتعودت اشوفه الا مصدوف وكلها كم يوم ورجع المكان زي ماكان
ثاني بادره شفاء شفتها بعد استخدام الديرموفيت(كوتيزون عالي) ووقتها كنت اجهل تماما وش يعني كورتيزون..قالي الدكتور انه زين لحالتي.. عاد انا ماصدقت خلاص مسكت خط دايما ادهن منه وكل ماخلص البزاز جبت منه والنتيجه بس منطقه اصغيره على ظهر القدمين المنطقه اللي بعد اصابع القدم على طول..تخيلي كل ذا الكورتيزون والنتيجه بس بقعه بسيطه..بس الصراحه مآآآآآآآره فرحت فيها مع انه خرب لي جلد المنطقه اللي كنت ادهنها وبعد ما وقفت عنه بفتره رجع كل شي زي قبل..يافرحه ماتمت
البادره الثالثه واللي حسيتها نقطه التحول هو زيت كانت تسويه لي امي الله يعطيها العافيه مكون من 3 شغلات من عند العطار وهي (مره+صبر حضرمي+فارعه) اشكالهم تشبه بعض وتنطبخ في زيت زيتون..اول مادهنت منه تعالي شوفي الله لايوريك جتني حكه مجنونه وصارت فيني حبوب في السواعد شي ماينطاق وقلت لامي بتركه تعبت بس هي مارضت تقول لاقي فيك بلا والا كان ماتأثرتي وهي تدهن منه قدامي وتقول شوفي والله مايوجعني المهم كانت تصبرني وكلها فتره وبعدها هدت الحكه والحبوب راحت والاهم صارت مناطق الصدفيه زي الخريطه يعني فيها مساحات جلد طبيعي ومساحات جلد مصدوف والصدفيه الموجوده صارت اهون عن قبل معاد صار فيها قشور وحمرا زي قبل.. والله ماتتخيلين اشكثر كنت فرحانه بنص شفاء وبعدها تركت هذا الزيت لكني لاحظت انو صدفيتي طخت شوي بعده رحت البحر وتحسنت صدفيتي شوي وبعده خلطه عم هجهوج فازلين وخل هدت الهانم معها شوي وبعدها اللوريد المخفف يعني صارت تستجيب لمحولاتي
ومتى لاحظت انها لانت شوي بعد زيت المره لأن قبل استخدامه مآآآآآره ماتعطي مجال للتفاهم ..شاده حيلها على طول
وبعدها <<ياكثر ماتهذرين ..بعدها استخدمته وحده معاها اكزيما تقول بغيت اتجنن منه لكن واصلت..تقول ادهن منه على مناطق بسيطه بس الا ان جسمي كله يتأثر بعد دهانه احس ان جسمي يطلع منه بخار حراره وتقول كل مرا تزيد علي الاعراض بعدها احس ان كل اعصاب جسمي مشدوده واخلاقي واصل حدها بعدها تقول صرت احس بثقل في عضامي والم فضيع وان كل مفصل من مفاصلي بينفك من الثاني وبعدها تورم جسمي ووجهي ..تقول يوم اني وصلت لهذي المرحله قلت خلاص بتركه لكن اهلي قالو لا كملي تقول واللي كان معطيني شوي حماس ان اثناء الاعراض السيئه اني كنت الاحظ انو الاكزيما اللي عندي تخف..انا حالتي تزيد سوء واكزيمتي تهداء تقول ثم كملت وسبحان الله بدت هالاعراض تخف الين انتهت وانتهت معاها الاكزيما بنسبه تفوق الـ 98% والغريب تقول انو كان فيني مرض عضوي ثاني وبعد هذا الزيت تقول والله تشافيت ورميت الحبوب الي دمرت معدتي ..وبطلت اراجع المستشفى

بس خلاص تعبت بس اذا انتي بتجربينه جربيه على منطقه بسيطه وشوفي وش يصير معاك
وبس خلاص اصابعي اوجعتني من كثر ما اعزف عالكيبورد
وسلامتك

[hzin]

السلام عليكم اخت ساره
انا استعمل الهوميرا منذ 5 اشهر والحمد لله النتائج جيدة جدا 90% شفيت من صديفة اللسان و الجلد والمفاصل و ايضا الاظافر...
وللعلم من بعد الابرة الثانية توقفت عن استعمال المراهم لان حابب اعرف مفعول الابرة بدون اي وسائل مساعدة من كريمات وغيره.
بالنسبة للحمية 0% يعني كل شئ بيخطر على بالي باكله مثل اي انسان تاني ولا استعمل اي نوع من الفيتامين..
وانا مستغرب كيف مانفعت معك الابرة ؟؟؟؟ مع العلم صدفية المفاصل والاظافر اقوى من صدفية الجلد و شفائها بحاجة الى مدة اطول
بهذه الحالة بيخطر على بالي سؤال هل تستعملين الابرة في الوقت المحدد ؟؟؟ (كل 14 يوم)
والسؤال الاهم هل تحفظين الابرة في درجة حرارة 2-8 درجات...؟؟؟ لان هذا العلاج يفقد مفعوله اذا لم يحفظ في البراد, يعني الابرة اذا جرجت من البراد اكثر من ساعة تقريبا ارميها في الزبالة لانها بدون مفعول.
بالنسبة للانفلونزا كان من المفروض ان تاخذي لقاح قبل البداية ومع ذالك بتقدري تاخدي اللقاح الان, انا اخذت اللقاح بعد الابرة الاولى والحمد لله الامور كلها تمام مع العلم اصابني الزكام مدة ست ساعات تقريبا, من بعد المغرب وحين استيقذت في اليوم الثاني كانت جميع اعراض الزكام اختفت ومع ذالك راجعت الطبيب وعملت تحليل دم بسيط وكان النتيجة اللقاح يعمل بحالة جيدة...
اي سؤال اخر انا حاضر
تحياتي