سالفتي من اصبت الي ان تعافيت

[بنـ الكويت ــت]

ئي والله
مثل ماتوقعت والحمدالله ماخاب ظني ..
انا لي تقريبا شهر او اكثر شوي مداومه عالمره ..
بس احس تاثيرها بطيء .. وودي اجرب الحلتيته .. هل اهي امر من المره ؟
وممكن اعرف الايات الي تقراهم على نفسك ؟؟
وتضع ايدك على راسك ؟ او صدرك وانت تقرا ؟ اي مكان بالضبط ؟
وشنو الشغلات الي كنت تحس فيها ؟
جزاك الله خير ..
لاني رحت حق شيوخ كثير ومانفع
الي يقول عين والي يقول حسد والي يقول سحر !
ومشكور ياخوي

[reem50]

ياخوي سواليف ياهلا بيك وياهلا بسواليفك والله ذكرتني بهجهوج اللي صار له يومين غايب انشاء الله خير ويكون في صحه وعافيه
ياخوي سواليف اخر شي سمعته من هجهوج قال مره وحلتيته خمروها بالماي ويكون شرابكم الصباحي على الريق لحين الشفاء بس تدري والله لاعمري شفت اوعرفت هاي المره والحلتيته ياريت تحكيلنا عنهم
نشكرك يااخوي على هذه السالفه المفيده وانشاء الله يستفاد منها الاعضاء في هذا الملتقى الرائع

[بوسطن]

الحلتيت اخوى ايهاب تحصله عند المعالج مالك شيخ مظفر يعنى عند العطار

والمره بعد تحصلها عن العطار لاتخربط وايد علاجات يا خوى ايهاب خلص شوى شوى

بنت لكويت حطى بالك لا تستخدمينهم 24 ساعه تدرين وضعك غير عن الاخوان الله يشفى الجميع

[نور]

السلام عليكم و رحمة الله و بركاته
أهلا و سهلا بحضرتك معنا في ملتقيات الشفاء الإسلامي و في هذا القسم الطيب

إن شاءالله الشفاء لحضرتك و للجميع

و أشكر حضرتك على عرض قصتك مع الصدفية نسأل الله لكم الشفاء جميعا

و حبذا لو يتم إجابتك على هذه الأسئلة على هذا الرابط ، حتى يتابع الجميع معك بعد معرفة نوع الصدفية جيدا

(أسئلة لمرضى الصدفية ) ممكن تجاوب على الاسئله ليستفيد منها الاخرون

و أهلا و سهلا بك معنا

في أمان الله وحفظه

[بنت العم]

رجعنا من اول .....نقول ان الصدفية فيها شي من الحسد او العين
وقراءة القران هي الشافي من هذا المرض .....لكن لا مانع من استخدام مرهم او دهان مع شرب الحلتيته او المرة واولا واخيرا الرقية ......
انا من بعد مارحت للحرمه الي تقرا وقرت علي واجد تحسنت وارتحت......جربوا مافيها شي ....لكن انتبهوا لازم يكون شيخ تقي مب مشعوذ او ما يعرف اسلوب الرقية
الشي الثاني ...اخواني وخواتي الي ياخذ دواء ياثر على مناعة الجسم ممكن يتضرر من المره ....لان المرة مضاد حيوي ....قوي نوعا ما
الشي الثاني ان الحلتيته يقولون فضيحة الي يشربها تقعد ريحته طالعة تخنق ......عاد ما ادري انا ماقد شفتها او استخدمتها بس سمعت عن ريحتها
على فكرة الرقية الشرعية ما تفيد اذا كان الانسان يعمل معصية او كبائر..

[بوسطن]

الله ينور عليك اختى ازيرا بارك الله فيك للتوضيح
الحذر من استخدام الحبة السوداء +المره+الحلتيت مع استخدام العلاجات حتى لاتعوود بالضرر

[بنـ الكويت ــت]

اصلا انا ماخذ علاجات الحين سوى مراهم ..
بسئلكم المره لها ضرر على قرحه المعده ؟
لان انا كل مره اشربها بعد الاكل شوي
اليوم شربتها عالريج واي حسيت عوار ابطني ..
فـ مادري والله ..
وصح الحلتيت سمعت ريحتها قويه .. بس اوف تصبغ يومين !!!
موناقصين ;$
عاد انا بروحه جبدي بسرعه تلوع ..
الله يعيين ..

[بوسطن]

ابحثى عن فوائد المره والحلتيت شيكى يناسبك ولا لاء مشكلتك الذيبه بجهه والصدفيه بجهه والقرحه بجهه
الله يعينك ويشفيك

[بنت العم]

ما ادري والله يابنوته اذا لها تاثير على المعدة ...انا بعد الولادة ثاني يوم على طول في الفجر لازم اخذ من المرة فنجان على الريق ....المرة مضاد حيوي وتساعدني على اني اقوم بالسلامه اسرع من وجع الولادة
بنوته روحي لعطار زين عندكم بالكويت واساليه عن المرة والحلتيت وتاثيرهم على المعدة
اما الذئبة الحمرا فانصحك دوري في النت اذا ان المضادات الحيوية تاثر عليها او لا

[بنـ الكويت ــت]

ماتوقع المضادات الحيويه تاثر عليها
لان اذكر اول ماوقفولي ابرة الانبريل الدكتور عطاني مضاد حيوي قوي عشان الصديد الي فيني
اوف لما اتذكر هاليوم عيوني تغوورق والله .. حالي مايهون علي وقتها حتى الدكتور احس انكسر قلبه
إييييه الله كريم ان شاء الله