الصدفيه انواع لكن ..؟

[احساس زوجه]

صدفيه أنواع لكن اي نوع من أنواع الصدفيه هو المؤذي أي هو اللي يؤثر علا المفاصل انا ملاحظة في اشخاص يشكون مفاصلهم .. لكن من معرفتي والدي تتركز صدفيته علا مفاصله ولا يوجد اي الم بهما مع العلم انه يعاني من 30 سنه وانا تتركز بين الثنايا فقط

ارجو الرد اي انواع الصدفيه يوثر على الجسم من داخل

وبس :d

[بنـ الكويت ــت]

التهاب المفاصل ماله شغل ب نوع معين
لانه مرات في ناس يعانون من التهاب المفاصل واهم مافيهم صدفيه !
ومرات ناس بسبب الروماتيزم .. عادي ماله علاقه أتوقع

اسوء نوع اهو الصديديه .. وللاسف انا اعاني منه
ووانا صدفيتي الي كله مناشبتني ماتروح منها اهي الثنايا
اما باجي الاماكن الي تكون بأماكن اليلد فيها قوي .. فتروح وترد عالدوا

[خويلد الجزائري]

اختي الفاضلة اعاني من الصدفية منذ مايزيد عن 25 سنة وعانيت من ألام المفاصل ما يقارب 15 سنة . وجدت في هذا المنتدى تجربة للاخ سيد عبد العال لتجربة شخصية قام بها بنفسه ( الموضوع تحت عنوان 27 سنة علاج من الصدفية ) هذا الموضوع موجود هنا بالمنتدى بامكانك الاطلاع عليه .
اما يخصني وعن تجربة الاخ سيد قمت باستعمال الماء والملح لمدة 03 اشهر او يزيد وما زلت استعملها لحد الساعة كلما سمحت ظروفي لذلك . والحقيقة ارتحت كثيرا وكثيرا من تلك الالام وساعدني ذلك في التخفيف من الصدفية .
وبعد هذه التجربة واصلت باضافة الفازلين لهذه التجربة ولله الحمد والشكر انا مرتاح منها كثيرا .

[احساس زوجه]

اختي بنت الكويت يا بنت ديرتي ( حدي وطنيه )

شلون صاير نوع الصديديه يعني ما فيها قشور
انا النوع عندي ما اعرفه لكن هي عباره عن حبوب حمرا اذا انشفت طلع عليه قشور بيضاء
وهل جربتي اخلطه الدهيميه وشنوارتحتي عليه من العلاج

[يارب عافيني]

ياااااااااارب عافينا

[متعومسه]

انا الصدفيه عندي بكل مكان بالركبه والكوعه والافخاذ وبالبطن واكثر شي بالظهر وبالراس وبالرقبه والذراع وبالساق وخلف الاذان وبالوجه خفيفه الحمدلله على كل حال

بس احيانا ركبتي اليسار اللي فيها صدفيه تعورني ومرات اقعد من النوم ارجولي تعورني

دكتوري قال صدفيتي نوعها دهنيه؟؟!! ماسمعت احد ذكر هالنوع من هالصدفيه اهنيه

[احساس زوجه]

شوفي يا اختي متعومسه الصدفيه الدهنيه صدفية متطوره يعني علا قولتهم عندنا بالكويتي عشعشت يعني طولت بالمكان اللي هي فيه لدرجه ان الجروح من كثر ما تنحك وترد تكون قشور تأكثر علا المكان اللي هي فيه فأنا انصحج بالاستحمام يوميا ومثل ما قلت لاختنا العروسه السنفره وخصوصا الركب منطقة يابسه اشوي وقاسيه ورطبي وحطي مرطبات خاصه فيها كولاجين لان اهم شي بالصدفيه لا تخلين المكان ناشف اكيد بتقولين عارفين هالحجي بس صدقيني لا تنسين نفسج انا لي عشر سنوات متزوجه وما جتني الا قبل 7 سنوات يعني من زمان اعاني لكن الصدفيه مرض مو طبيعي لازم لازم تكييفين مع وضعج وتحاربينها ولا تخليها بدون مراهم او مرطبات واشربي ماي زمزم وعسا يارب يجي اليوم اللي تبشرينا فيه بانج تشافيتي

ومهو بعيد انشالله

[متعومسه]

المشاركة الأصلية كتبت بواسطة احساس زوجه

شوفي يا اختي متعومسه الصدفيه الدهنيه صدفية متطوره يعني علا قولتهم عندنا بالكويتي عشعشت يعني طولت بالمكان اللي هي فيه لدرجه ان الجروح من كثر ما تنحك وترد تكون قشور تأكثر علا المكان اللي هي فيه فأنا انصحج بالاستحمام يوميا ومثل ما قلت لاختنا العروسه السنفره وخصوصا الركب منطقة يابسه اشوي وقاسيه ورطبي وحطي مرطبات خاصه فيها كولاجين لان اهم شي بالصدفيه لا تخلين المكان ناشف اكيد بتقولين عارفين هالحجي بس صدقيني لا تنسين نفسج انا لي عشر سنوات متزوجه وما جتني الا قبل 7 سنوات يعني من زمان اعاني لكن الصدفيه مرض مو طبيعي لازم لازم تكييفين مع وضعج وتحاربينها ولا تخليها بدون مراهم او مرطبات واشربي ماي زمزم وعسا يارب يجي اليوم اللي تبشرينا فيه بانج تشافيتي

ومهو بعيد انشالله

ويييي حياتي انتي فديييييتج شاكره لج نصيحتج

وصدقيني كل اللي قلتيه اسويه بس الكولاجين كنت افترر وادووره بس كرهته الحين ما احبه

وانا مستمره بالرقيه الشرعيه وقاعده ألاحظ تحسن كبييييير

واسأل الله الشفاء للجميييييع

[بوسطن]

اللهم لا اسئلك رد القضاء ولكن اسئلك اللطف فيه