عطيني 500 واعلمك إذا زوجك متزوج عليك والا لا

[صانعة الحلوى]

السلام عليكم ورحمة الله وبركاته
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلتها المدرسات سلامات وينك يامديرة؟ قالت لهن: باركولي تزوجت .قلن: مبروك يامديرة ولكن منهو زوجك؟ قالت لهن: بصراحة زوجي هو زوج إحداكن ، المدرسات :تكفين علمينا أي وحدة منا ؟ قالت المديرة: والله ما أعلمكن .
المهم لزمن عليها فقالت لهن: أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .وافقت المدرسات على الطريقة،ويوم جاء بكرا وكل وحدة مزهبه معها الدراهم
جت الأولى والثانية والثالثة والرابعة حتى العاشرة والمديرة تاخذ الدراهم ،يوم جت المدرسة ال 11 وبدت المديره تأفف المهم حطت الدراهم على الطاولة وقالت لها: تكفين خذيها يالمديرة قالت المديرة: اعذريني قالت المدرسة: كأنها قليلة ..حطت ألف بدال الخمسمية.. قالت المديرة : أووووووووووووه معليش أثرك أنتي جواهر والله اني آسفه غلطت.... يوم تنفست المدرسة وقالت الحمد لله يعني بتاخذين الفلوس المهم أخذتها المديرة... ودخلت بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .المهم بقي مدرسة وحدة فقط ماجت يوم اتصلن عليها المدرسات هاه وينك يا استاذة قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة؟ قلن :لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقاات المدرسات: لازم تجين تكفين . المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدأن يسمن على المدرسة ال 24 عشان ماتنصدم .
دخلت المدرسة الأخيرة غرفة المديرة وحطت باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .يوم طلعت لقوها عادية وماصار شي وفلوسها أخذتها المديرة .قلن: يابنات فيه وحده منكن ماخذت المديرة دراهمها ؟قلن: لا والله كلنا اخذت دراهمنا .ودخلت المدرسات على المديرة وقلن: أخذتي الفلوس من كل المدرسات تلعبين علينا منهو زوجك ؟ قالت المديرة المهم الدراهم ( 12000 ريال ) ماراح ترجع وأنا والله لاتزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة
منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .قالت المدرسات: بردها الله بالعافيه فداك الدراهم ولو تبين زود عطيناك .. هو صدق بس رجالنا ماتزوجوا علينا .
انتهت القصة واتمنى تكون اعجبتكم