مَلحَمَةْ

[عوين عبد القادر]

يَاسَيِدىٌ الدُولارٌ
إهداء
الى ثورة الحجارة المجيدة .. الى انتفاضة الاقصى الظافرة
الى أرواح الشهداء الطاهرة . الى صحوة الأمه العربيه المتأخرة
بعض من خواطرى …
ان الخواطر لاتموت …….. بل حية فى الذاكرة

د. هانى أبوالفتوح
الكويت فى السابع والعشرون من شهر رجب 1421
الخامس والعشرون من أكتوبر 2000
كتبت بعد مقتل الشهيد الطفل محمد الدرة
بالشعر العامى والحديث كلهجة الشعوب العربيه المقهورة المتناحرة والبداية محادثه بين الحكام المغلوبين على أمورهم والقطب الأوحد صنم الجاهليه الحديثه والنهايه لارادة الشعوب الحرة وصحوة قبل فوات الأوان.
الحزن مالى قلبنا يااخوانا ليه
بنبكى ليه … بنشكى ليه
فيه ايه لنا باقى هنا نبكى عليه
احنا هنا فى زمن السلام …
زمن الكلام …
زمن الهروب … مفيش حروب
روحوا اطلقوا سرب الحمام
بيموت شهيد … ايه يعنى ؟ مات مليون شهيد
خلينا عايشين فى سكات .. ايه يعنى كام طفل مات ؟
القدس راحت . استراحت . ماعاد لنا غير السكات
احنا هنا فى زمن السلام … مفيش كلام
………………………………………
يا سيدى الدولار .. الأمر لك
امدد يدك … لأبايعك
ماعشت الا كى أكون تابعك
انى معك . انى معك . انى معك
أقسمت بالأرض التى ضاعت
بأطفالى … التى جاعت
بأحلامى … بالامى
بأحزانى … التى بيعت
قد ذبت حبا فى هواك
ومنايا فى الدنيا . رضاك
ونسيت أطفالى . وعرضى .وأرضى
ماعاد لى أحد سواك
الحب عذرى . وحبى هائل متدفق خفاق
……………………………..
من قال انى إِمعه ؟ من قالها فقد صبأ
إنى معه .. إنى معه .. إنى معه
ماأروعه … ماأشجعه
لاعشت .. ان لم اتبعه
هو سيدى . هو قائدى . هو رائدى
ياسيد الدنيا … وسيد سيدى
امدد يدك . امدد يدك . هذى يدى
اقطعها … ارفعها … أو ضعها
قلمها … ركعها … اصفعها
الأمر لك . والسمع لك . والحب لك
يامن تربع فوق احساسى . وأنفاسى
وشربت من كأسى … ومن ناسى
ما عدت أذكر أى شيء
فقدت ذاكرتى . شرفى . واحساسى
……………………………
ياسيدى أعلم بأنك مثقل بالهم من أبنائى
هم ليسوا من صلبى . هم غرث أعدائى
أنا أكره الحجر … أنا أكره الصخر
أنا أكره الفجر … أنا أكره الطهر
أنا أكره الضرب .. أنا أكره الحرب
أنا أكره الموت .. أنا أعشق الصمت
أنا لن أكون فدائى !!!!!!!!!!!!!!!!
……………………………
ياسيدى رحمتك .. أموت فدى محبتك
الذنب ذنب الحجارة أبدا دا مش ذنبى
لو يعجبك دفنهم … لدفنتهم كلهم
وحجارة الدنيا …. أقتل بها نفسى
أرجم بها قلبى .
………………………………
وعشان أنا باعشقك … عشان بأحبك موت
لو لبستنى طرحه …… شيلتنى نبوت
راح أموت من الفرحه . وأرقع بألفين صوت
أنا أرضى مش أرضى .. أنا أرضى دى أرضك
والعرض مش عرضى .العرض . دا أنا فى عرضك
ومنيتى تحيا … وأموت فدى فرضك
ومهما تسقينى …… حبك مدفينى
سمك …… عسل … بسكوت
يادولار …… بحبك موت
يادولار …… بحبك موت
……………………………
ماتزعلش يوم منهم .. الأرض مش أرضنا
احنا اللى حارق دمنا .. عدم رضاك عننا
ياعمهم … ياعم سام … ياعمنا
دول اسمهم أطفال حجارة
أدبهم …. اقتلهم … عذبهم
يموتوا …. فداك مش خسارة
دول أجرموا .. من غير سبب .. ساءوا الأدب
قالوا انهم جيل الغضب . هو الغضب اليوم شطارة
…………………………………
مساكين . مجانين . واقفين يحاربوا فى اليهود
بيقولوا مجد القدس لازم يوم يعود
ناسيين بأن القدس ماتت ….. اندفنت
فى بطن الأرض دود
………………………………
دا .. كان حديث كل اللى باعوا الأرض
نسيوا الشرف … نسيوا معاه العرض
نسيوا كمان ان الجهاد أصبح حقيقه وفرض
………………………………
دلوقتى اسمع لصوت الفجر .. ويا الحق
صوت اللى قال للصليبى ولليهودى لأ
الفجر مهما يطول فى شروقه راح ينشق
اليوم دا لو يومك أنا بُكْرَه يومى جَى
بكره أكيد هتموت والقدس يفضل حى
ظلام سنينها يإيد . تولع شموعه ضى
القدس مش هتموت
القدس ليها ألف صوت
القدس مايهدها جبروت
………………………………
برك عليها باراك ….. وشعبه ماشى وراك
وعزته عزتك ….. وخطوته خطوتك
والكلمه مش كلمته . الكلمه دى كلمتك
والسكه عارفينها . هى طريقك . سكتك
وشارون وأتباعه …. لايهودا ولا سامرا
دول شعبك المصلوب . والبيضه والشقرا
واللى زرعته أنت … ورويته من بره
راح تحصده انت … حسرة ورا حسرة
الارض دى بور … الارض دى مرة
الارض دى مالحه … الارض دى حرة
مايتزرع فيها … الا اللى مات فيها
وبدمه راويها … مغرق أراضيها
وجبالها وواديها . والصحرا والصخرة
……………………………
ياسيد الدولار … عفوا بلا اعتذار
قلبت فينا المواجع . خليتنى أبكى وأراجع
سقيتنا مرين ونار . مكتوبه فى كل المراجع
خلينى أقول كلمتين .. كاتمين على نفسى
أقولهم حتى أموت .. مرتاح ومن نفسى
القدس دى قدسنا .. دى أرضنا قدسى
……………………………
القدس . دى أرضنا …. أرض الحرم
أرض العروبه . أرض الشهامه والكرم
لو تسألوها ؟ تقول نعم . مليون نعم
روحوا اسألوا فيها الحجارة والصحارى والجبال
هتقول لكم ان العرب عاشوا هنا من كام سنه
وبدمهم عدوا جبال الصعب . واتحدوا المحال
روحوا اسألوا الصخرة اللى حطت يوم عليها أطهر قدم
هتقول لكم . ان العرب عاشوا هنا منذ القدم
وبنوا الحرم من قبل حتى مايبدأوا فى بنى الهرم
…………………………………
روحوا اسألوا الفاروق .. روحوا اسألوا حطين
روحوا اسألوا الصخرة .. روحوا لصلاح الدين
روحوا .. لمحمد الدره .. روحه ترفرف فينا ؟
هتقول لكم انها …. ماتت فدى قدسها
……………………………
القدس عايشه فى قلبنا .. وفى دمنا
دى حته صاحية مننا
مهما دفعنا اليوم ثمن
القدس راحت ؟ .لأ . ماراحت
مااستراحت من زمن
………………………
القدس دى قدسى .. وولادها أولادى
دى أرضها أرضى .. لجدى وأحفادى
لو ينسوا . ماأنسى .. لو يقسوا . ماأقسى
الحزن شيء عادى
…………………………….
لو كل يوم هيموت شهيد
راح يتولد مولود جديد
فى اديه حجر . قلبه حجر
راضع حليب ؟ .. لأ
راضع من أوراق الشجر
وجذوره . بتمد لبعيد
لعصر كان فيه الرجال
بتعدى فوق كل المحال
مين اللى قال ؟ . مين اللى قال ؟ . مين اللى قال ؟
ان العدو اللى غدر .. يتساوى بالدم اللى سال
شهداءنا فى الجنه …. وهم فى ألف نار
احنا بأحجارنا .. واقفين بنتحدى الحصار
واقفين فدى دارنا .. مهما يطول الانتظار
مهما تقول محنه ……. المحنه هتعدى
وهتدى من نارها … شموع تخلى الليل نهار
……………………………
مقدرتش أنسى قصتى . ولا وحدتى . ولا كلمتى
الصرخة كانت أقوى من خوفى . وضعفى . ومحنتى
صرخة شهيد . موته وليد . شعب محكوم بالحديد
واقف مع الحق . يقول لنار الظلم لأ وألف لأ
نادى على اخواته .. مش كلهم ماتوا
يقولوا اصبر …. وقت النصر دق
بالحب نكتبها . بالروح حنكتبها . بالدم نكتبها
احنا هنا اخوه …… واقفين سوا نخوه
نستنى نور الفجر . لقينا نور الفجر شق
…………………………
الخوف جرى منى .. ماعدت أشوف سنى
الدم فى عروقى … صاحى ومستنى
أنا دمى أنا عربى . لاشرقى . لاغربى
ضعفى ماهش منى
……………………………
لو جد وقت الجد .. وماعادش فيها هزار
اسمعها كام كلمه ….. منى يانص دولار
لايهمنى دولارك …. لاتهمنى نارك
لايهمنى كلامك …. لايهمنى سكوتك
ولاحتى جبروتك … ولا حتى نار صوتك
يهمنى انى أستنى يوم حتفك أتمنى يوم موتك
ساعتها بعنيه . بإديه . رجليه راح أشوطك
من بعدها …. أرفع راسى . مع كفى
أصرخ وأقول .وحدتى . ياأمتى . صفى
………………………………
وشعارنا من اليوم ده … ونشيدنا أحلى نشيد
ان مات شهيد وراه شهيد . دمه بيزرع دم جديد
موت الدرة أشعل ثورة .. بكره الثورة تصبح عيد
موت يامحمد موت ارتاح . موتك قصه نور وكفاح
صمت سكوتك . فى صرخة موتك . أقوى سلاح
خلت نور الحق يعدى .. يصرخ يطلع ألف صباح
بص لاسمك . اسمك دره . دره تنور. جوه وبره
شاكر ربك غافر ذنبك , وسط الجنه حى بتنعم بالافراح
……………………………………….
الان … عرفت طريقى
من عدوى ؟ من صديقى ؟
أنت من أدميت قلبى أنت من أشعل حريقى
أنت .. من أنت ؟ .. لا عشت . لا كنت
لو سيد الدنيا ..... لست سيدى
انفض يدك ..... انفض يدى
اليوم لا … لن أتبعك
أنا مولدى . فى مصرعك
الموت لك .. الموت لك .. الموت لك
مشاعر وأشعار د. هاني أبوالفتوح