آكلات متنوعه..

نور من الله · #1 03-02-2011, 06:20 PM

^^^

[ أعشاش الشعيرية]

المقادير..
1‫-‬ شعيرية مسلوقة نص استواء زي ماهي بدون تكسير في صينية كبيرة مع شوية موية وملح ( مانخليها تطول مجرد ماتلين نشيلها ونصفها في طينية التقديم)

الحشوه..
دجاج مقطع صغير جداً وممكن مفروم
نحطه على نار عالية مع الملح والبهارات
لما يجف نضيف البصل المفروم ونقلبها عالنار لما يذبل
نضيف جزر مبشور -فلفل بآرد مكعبآت - زيتون شرايح وممكن ذرة وبازيلا مسلوقين اللي تحبين من الخضار
نقلبهم شوي ونسكر النار

نحاول نوسع الفجوة شوي داخل الشعيرية عشآن تشيل كمية كبيرة من الحشو ونبدأ نحشيها

بعد مانخلص نصب عليها قشطة خفق + ملعقتين جبن سايل وشوووووية ملح ( ساعات مايكون عندي قشطة واحط حليب المراعي وتطلع لذيذة برضو)

المهم الكمية تغمرها لأنها مو مستوية تمام واحنا نبيها تسوي بالكامل

غطيها ودخليها الفرن لما تحسن تشربت الكريمة واستوت طلعيها ورشي على كل وحدة جبنة موزاريلا وقدميها بالعافية

[صدور الدجاج المشوية بالفرن]

نغسل صدور الدجاج ونتبلها بالملح وفلفل اسود ونخليها على جنب

مقادير التغطية

1 بطاطس مسلوقة ومهروسة
1 علبة وسط جبن تشدر مبشور
ربع كوب بقسماط
1 أو 2 فص ثوم مهروس<<<حسب الرغبة
بقدونس مفروم
ملح + فلفل اسود

تخلط سوآ ونخليها على جنب

الصوص
في البلاندر نخلط حبة طماطم + 2 ملعقة صلصة

نقلب بصلة مفرومة + ثوم مهروس+ زيت زيتون عالنار لما يذبل البصل نضيف الطماطم والملح والفلفل

نبدأ نجهز نصب الطماطم في الصينية ونص فوقه صدور الدجاج ونضع فوق كل صدر من خليط البطاطس والجبن

وتدخل الفرن من تحت لمآ تستوي وبعدين نحمرهآ من فوق شئ بسيط
ممكن تقدم مع سلطة وبطاطس مقلي مررررة لذيذة

وصحتين عليكم

..........

[ قوارب الكوسا ]

المقادير /

كوسه مقطوعه نصفين بشكل طولي ومسلوقه نص إستواء في مويا وملح
عصاج دجاج ( بصل ودجاج مفروم وجزر مبشور وجبن تشدر وبهارات على النار)
جبن ماوزاريلا

الطريقه /

نفرغ الكوسا من الوسط ونحشيها بالدجاج ونرشها بالموازريلا

ندخلها الفرن مدة عشر دقايق لحد مايذوب الجبن ،،

.................

[ باستا بـ صلصه الزيتون]

اي نوع باستا عندتس تسلق وتخلى على جنب

الصلصه..
نحمس بصل وفلفل حار بـ زيت زيتون
وبعد مايذبل شوي
نضيف عليه طماط مقطع صغير وزيتون اسود مفروم
يتبل بـ البهارات وملح وفلفل اسود
يقلب شوي ع النار ويضاف للـ الباستا

وصحتين ..ْ}